kovaibereans

யோவான்:

//உங்கள் செய்கைகளின் பலனை இழந்துபோகாமல், பூரண பலனைப் பெறும்படிக்கு எச்சரிக்கையாயிருங்கள்.//

நம் கையில் என்ன இருக்கிறது? எல்லாம் தேவசித்தம். நாம் பூரண பலனைப் பெறுவதும், பெறாதிருப்பதும் தேவசித்தப்படியே நடந்துவிட்டு போகட்டும். மனிதன் எச்சரிக்கையாயிருந்தால்தான் தேவன் அவனுக்கு பூரண பலனைக் கொடுக்கமுடியுமா? அது உண்மையெனில் அது தேவவல்லமையை அவமாக்கிவிடுமே!

(எல்லாம் தேவசித்தம் எனும் “உங்கள்” சித்தாந்தத்தின் அடிப்படையில் இக்கருத்து. எனது கருத்து: வசனம் சொல்கிறபடி நாம் எச்சரிக்கையாயிருந்தால்தான், தேவனால் நமக்கு பூரணபலனைத் தரமுடியும்)

சோல்சொல்யூஷன்:

//சரியான உபதேசமே என்னவென்று சற்றும் அறியாத 'தேவ மனிதர்கள்' அடிப்படை சத்தியங்களான மரணம், ஆவி, ஆத்துமா என்றால் என்னவென்றே தெரியாதவர்கள், வாழ்நாள் முழுவதும் போலியை போதித்துக்கொண்டும், பிரசங்கம் செய்துகொண்டும் இருக்க சிருஷ்டிகராலே மாயைக்குக் கீழ்ப்படுத்தப்பட்டு, வஞ்சிக்கிற ஆவிக்கு ஒப்புக்கொடுக்கப்படுவதாலேயே யோவான் இதைக் குறித்து திகைத்து ஆச்சரியப்படுகிறான்....//

இதில் ஏன் யோவான் திகைத்து, ஆச்சரியப்படவேண்டும்? எல்லாம் தேவசித்தப்படியே நடக்கிறது என நீங்கள் அறிந்ததை யோவான் அறியவில்லையோ?

பெரியன்ஸ்:

//தேவ மனிதர்கள் என்று கிறிஸ்தவர்களால் அழைக்கப்படுபவர்கள் பெரும்பாலும் ஒரே விசுவாசத்தை சேர்ந்தவர்களாக இருப்பதில்லை, ஏனென்றால் ஒவ்வொருவரும் ஒவ்வொரு சபையை சார்ந்தவராக இருக்கிறார்கள்!! இவர்கள் அனைவரும் ஒரே விசுவாசத்தை சேர்ந்தவர்களாக இருந்தார்களென்றால், தங்கள் சபைக்கு வருவோரிடம் பிற சபைகளுக்கும் போய் வாருங்கள் என்று சொல்லுவார்கள், ஆனால் இவர்கள் ஒரே விசுவாசத்தை கொண்டிராதவர்களாக இருப்பதினால் தங்கள் சபைக்கு வருவோரை பிற சபைக்கு போகக்கூடாது என்று போதிக்கிறார்கள்!! இது என்ன நாடகம்!!//

என்ன பிரதர் இப்படி வருத்தப்படுகிறீர்கள்? இந்த நாடகம் எல்லாவற்றையும் தேவன்தானே அரங்கேற்றி வருகிறார்? அவரது சித்தம் இல்லாமல் யாராவது இந்த நாடகத்தை நடத்த முடியுமா?

இந்த நாடகத்தில் தேவனுக்கும் பங்கு உண்டு. இதை நான் சொல்லவில்லை, நீங்கள் தான் சொல்கிறீர்கள். ஆம், நடப்பது எல்லாம் தேவசித்தமே என ஒரு வரியில் நீங்கள் தானே சொல்லியுள்ளீர்கள்?

சகோ அன்பு அவர்களே,

நீங்கள் தேவசித்தத்தை கொச்சைப்படுத்துவதாக எழுதுகிறீர்கள்!! வேண்டாம் என்று நினைக்கிறேன்!! நடப்பது எல்லாம் தேவனின்சித்தம் தான்!! யூதாஸ் இயேசு கிறிஸ்துவை காட்டி கொடுப்பான் என்று தெரிந்தும், அவர் சொல்லுகிறார்,

மாற்கு 14:21. மனுஷகுமாரன் தம்மைக்குறித்து எழுதியிருக்கிறபடியே போகிறார்; ஆகிலும், எந்த மனுஷனால் மனுஷகுமாரன் காட்டிக்கொடுக்கப்படுகிறாரோ, அந்த மனுஷனுக்கு ஐயோ! அந்த மனுஷன் பிறவாதிருந்தானானால் அவனுக்கு நலமாயிருக்கும் என்றார்.

கிறிஸ்து மரிப்பதே தேவனின் சித்தம் என்று தெரிந்தும், அவர் கேட்கிறார்,

லூக்கா 22:42 பிதாவே, உமக்குச் சித்தமானால் இந்தப் பாத்திரம் என்னைவிட்டு நீங்கும்படிசெய்யும்; ஆயினும் என்னுடைய சித்தத்தின்படியல்ல, உம்முடைய சித்தத்தின்படியே ஆகக்கடவது என்று ஜெபம்பண்ணினார்.

மனிதர்களான நாம் தேவனின் சித்தம் அறியாதவர்களாக நடந்துக்கொள்வதினால் தான் பிரச்சனையே!! நாம் மனுஷத்தன்மையில் யோசிக்கிறோம், நாம் யோசிப்பது ஜெயம்பெறுவதில்லை, ஏனென்றால் அது தேவனுக்கு சித்தமானது அல்ல!! நான் ஜெபிக்கும் போது தேவ சித்தம் இருந்தால் இது நடைபெறட்டும் என்று தான் கேட்கிறோம்!! நடந்தாலும் நடக்காவிட்டாலும் அது தேவ சித்தம் என்கிறோம், அப்படி என்றால் அது எல்லாம் சும்மா ஒரு பேச்சுக்கு தான் சொல்லுகிறோமா!!

உங்களுக்கு நீங்கள் செய்யும் கிரியைகளின் மேல் அதிகம் விசுவாசம் போல்!! ஆனாலும் அந்த கிரியைகளை செய்ய வைக்கிறவரும் தேவனின் சித்தம் தான் என்று அறியாமல் உங்கள் சுய சித்தத்தினால் நீங்கள் செய்வதாக நினைக்கிறீர்கள் போல்!! எல்லாமே தேவ சித்தம் தான் என்று இருக்கும் போது, நான் சப்பிட்டு விட்டு கை கழுவுவது தேவ சித்தமா, நான் பல் தெய்த்துவிட்டு சாப்பிடுவது தேவ சித்தமா அல்லது பல் துளக்காமல் சாப்பிடுவது தேவ சித்தமா என்று கேட்பது தேவ சித்தத்தை நக்கல் செய்து கேட்பது போல் இருக்கிறது!!

இவ்வுளவு கேட்ட நீங்கள் ஏன் இந்த வசனத்திற்கு பதில் சொல்ல கூடாது?

1 பேதுரு 2:8. அவர்கள் திருவசனத்திற்கு கீழ்ப்படியாதவர்களாயிருந்து இடறுகிறார்கள்; அதற்கென்றே நியமிக்கப்பட்டவர்களாயும் இருக்கிறார்கள்.

யார் அவர்களை திருவசனத்திற்கு கீழ்ப்படியதவர்களாயிருக்க நியமிக்கிறார்?

ரோமர் 8:28. அன்றியும், அவருடைய தீர்மானத்தின்படி அழைக்கப்பட்டவர்களாய் தேவனிடத்தில் அன்புகூருகிறவர்களுக்குச் சகலமும் நன்மைக்கு ஏதுவாக நடக்கிறதென்று அறிந்திருக்கிறோம்.

ஏன் அவருடைய தீர்மானத்தின்படி அழைக்கப்பட்டவர்களாய் இருக்கிறார்கள்?

ரோமர் 8:29. தம்முடைய குமாரன் அநேக சகோதரருக்குள்ளே முதற்பேறானவராயிருக்கும்பொருட்டு, தேவன் எவர்களை முன்னறிந்தாரோ அவர்களைத் தமது குமாரனுடைய சாயலுக்கு ஒப்பாயிருப்பதற்கு முன்குறித்திருக்கிறார்;

எதற்கு இந்த முன்குறிப்பு?? அது தான் கிரியைகளினால் நீங்களாகவே அவரின் குமாரனுடைய சாயலுக்கு ஒப்பாகலாமே!!

தேவனை அறிகிற அறிவு என்பதே அவரின் சித்தத்தின்படி செய்கிறோம் என்று தான் அர்த்தம்!! நீங்கள் உடை அனிவதில் கூட அவரின் சித்தம் இருக்கிறது, நீங்கள் சாப்பிடும் ஆகாரத்திலும் அவர் சித்தம் இருக்கிறது!! நீங்கள் தீமை செய்வதிலும் அவர் சித்தம் தான் இருக்கிறது!! இதை எல்லாம் மீறி நீங்கள் உங்கள் செயல்களால் அல்லது கிரியைகள் செய்து அது தேவனின் சித்தம் அல்லாமல் நீங்களாக செய்கிறீர்கள் என்று நினைப்பது தவறாகும்!! உடனே நீங்கள் கேட்கலாம், அப்படி நான் (அன்பு) நினைப்பது தேவனின் சித்தம் தானே என்றால் அதற்கு நான் ஆம், அதுவும் தேவனின் சித்தம் தான் என்று தான் பதில் தருவேன்!!

//என்ன பிரதர் இப்படி வருத்தப்படுகிறீர்கள்? இந்த நாடகம் எல்லாவற்றையும் தேவன்தானே அரங்கேற்றி வருகிறார்? அவரது சித்தம் இல்லாமல் யாராவது இந்த நாடகத்தை நடத்த முடியுமா?

இந்த நாடகத்தில் தேவனுக்கும் பங்கு உண்டு. இதை நான் சொல்லவில்லை, நீங்கள் தான் சொல்கிறீர்கள். ஆம், நடப்பது எல்லாம் தேவசித்தமே என ஒரு வரியில் நீங்கள் தானே சொல்லியுள்ளீர்கள்?//

நான் இப்ப என்ன சொல்லுகிறேன், அவரின் சித்தம் இல்லாமலா அவர்கள் இப்படி செய்கிறார்கள் என்றா எழுதியிருக்கிறேன்!! அவர்கள் செய்வது தேவ சித்தம் என்றால், அது வேதத்தின்படி தவறு என்று எழுதுவதும் தேவன் எனக்கு நியமித்திருக்கிறார் என்று தான் சொல்லுவேன்!!

//கொடுமையாக இருந்தாலும், அதுதான் தேவசித்தம் சகோதரரே!//

அதில் என்ன சந்தேகம்!! தேவனின் சித்தம் வேதத்தில் எழுதப்பட்டிருக்கிறது!! அவரின் ஆவியை பெற்ற நான் வேதத்தின்படி எழுதுகிறேன் என்றால் நிச்சயமாக அவரின் சித்தம் இல்லாமல் எழுதமுடியாது!! நான் செய்யும் எதற்கும் தேவனுக்கு க்ரெடிட் தருகிறேன் ஏனென்றால் அவரால் தான் நான் எதையும் செய்கிறேன் என்று, ஆனால் நீங்கள் ஒருவேளை உங்கள் சுய முயற்சியை மெச்சிக்கொள்வதால் தேவனுக்கு அடுத்த இடத்தை தருகிறீர்களோ என்கிறா சந்தேகம் ஏற்படுகிறது!!
இப்படி பட்ட பல கொடுமைகளை வேதத்தில் எழுதியிருக்கிறார்கள்!! உயிர்த்தெழுதல் நடந்தாகிவிட்டது என்று பிரசங்கித்தவர்களை பவுல் சாத்தானுக்கு ஒப்பு கொடுக்கிறார்!! ஓநாய்கள் வரும் என்கிறார், வியாதிக்கு தேவனை நம்பியிருக்கிறார்!!

II தெசலோனிக்கேயர் 1:12 நம்முடைய தேவன் உங்களைத் தமது அழைப்புக்குப் பாத்திரராக்கவும், தமது தயையுள்ள சித்தம் முழுவதையும் விசுவாசத்தின் கிரியையையும் பலமாய் உங்களிடத்தில் நிறைவேற்றவும் வேண்டுமென்று, எப்பொழுதும் உங்களுக்காக வேண்டிக்கொள்ளுகிறோம்.

விசுவாசத்தின் கிரியை பலமாய் நீங்களாக செய்துக்கொள்ளுங்கள் என்று பவுல் சொல்லவில்லை, மாறாக தேவன் அதை உங்களிடத்தில் நிறைவேற்ற வேண்டும் என்று ஜெபிக்கிறோம் என்கிறார்!! தேவனை குறித்தான அறிவே தேவ சித்தம்!!

//இதில் ஏன் யோவான் திகைத்து, ஆச்சரியப்படவேண்டும்? எல்லாம் தேவசித்தப்படியே நடக்கிறது என நீங்கள் அறிந்ததை யோவான் அறியவில்லையோ?//

யோவானும் நம்மைப்போன்ற மனிதன் தான். நாங்களும் தேவனுடைய செய்கைகளின் மகத்துவங்களை அறிந்து திகைத்து, ஆச்சரியப்பட்டுக்கொண்டுதான் இருக்கிறோம். உங்களுக்கு இது கேலிக்கூத்தாக இருக்குமானால் இருந்துவிட்டுப்போகட்டும். 

I கொரிந்தியர் 4:5 ஆனதால், கர்த்தர் வருமளவும் நீங்கள் காலத்துக்குமுன்னே யாதொன்றைக்குறித்தும் தீர்ப்புச்சொல்லாதிருங்கள், இருளில் மறைந்திருக்கிறவைகளை அவர் வெளியரங்கமாக்கி, இருதயங்களின் யோசனைகளையும் வெளிப்படுத்துவார்; அப்பொழுது அவனவனுக்குரிய புகழ்ச்சி தேவனால் உண்டாகும்.

யோபு 21:27 இதோ, நான் உங்கள் நினைவுகளையும், நீங்கள் என்னைப்பற்றி அநியாயமாய்க் கொண்டிருக்கும் ஆலோசனைகளையும் அறிவேன்.

சங்கீதம் 33:10 கர்த்தர் ஜாதிகளின் ஆலோசனையை விருதாவாக்கி, ஜனங்களுடைய நினைவுகளை அவமாக்குகிறார்.

சங்கீதம் 33:11 கர்த்தருடைய ஆலோசனை நித்தியகாலமாகவும், அவருடைய இருதயத்தின் நினைவுகள் தலைமுறை தலைமுறையாகவும் நிற்கும்.

சங்கீதம் 139:2 என் உட்காருதலையும் என் எழுந்திருக்குதலையும் நீர் அறிந்திருக்கிறீர்; என் நினைவுகளைத் தூரத்திலிருந்து அறிகிறீர்.

ஆமோஸ் 4:13 அவர் பர்வதங்களை உருவாக்கினவரும் காற்றைச் சிருஷ்டித்தவரும், மனுஷனுடைய நினைவுகள் இன்னதென்று அவனுக்கு வெளிப்படுத்துகிறவரும், விடியற்காலத்தை அந்தகாரமாக்குகிறவரும், பூமியினுடைய உயர்ந்த ஸ்தானங்களின்மேல் உலாவுகிறவருமாயிருக்கிறார்; சேனைகளின் தேவனாகிய கர்த்தர் என்பது அவருடைய நாமம்.

எரேமியா 17:10 கர்த்தராகிய நானே ஒவ்வொருவனுக்கும், அவனவன் வழிகளுக்கும் செய்கைகளின் பலன்களுக்கும் தக்கதைக் கொடுக்கும்படிக்கு, இருதயத்தை ஆராய்கிறவரும் உள்ளிந்திரியங்களைச் சோதித்தறிகிறவருமாயிருக்கிறேன்.

தேவனுக்கு சித்தமில்லாத காரியங்களும் மனிதன் மூலமாய் நடக்கிறது என்றால் தேவன் மாபெரும் குழப்பத்துக்கு ஆளாவார். யூதாஸ் காட்டிக்கொடுக்க 'நினைக்காவிட்டால்' அப்படி 'நினைக்கப்போகும்' யாருக்காகவாவது தேவன் காத்துக்கொண்டிருந்திருக்க வேண்டும். அல்லது 'தற்செயலாக' யூதாஸ் காட்டிக்கொடுக்கப்போவதை அவர் 'ஞான திருஷ்டியில்' தெரிந்து கொண்டு எழுதிவைத்தாரா தெரியவில்லை.

பிரசங்கி 6:10 இருக்கிறவன் எவனும் தோன்றுமுன்னமே பேரிடப்பட்டிருக்கிறான்;

அப்போஸ்தலர் 15:18 உலகத்தோற்றமுதல் தேவனுக்குத் தம்முடைய கிரியைகளெல்லாம் தெரிந்திருக்கிறது.

அன்பு அவர்களே, எங்களுக்கு 'நியமிக்கப்பட்டதை' நாங்கள் செய்கிறோம். எதையும் எதிர்பார்த்தல்ல. நாங்கள் இப்போது எதிர்க்கும் யாவரும் உயிர்தெழுதலில் கற்றுக்கொள்வார்கள் என்று தெரியும். யாரையும் திருத்தவோ, மனம் மாறச்செய்வதோ எங்கள் நோக்கமல்ல. இத்தளத்தின் மூலம் ஒருசிலராவது தேவனால் சத்தியத்தை அறிய 'நியமிக்கப்பட்டிருக்கலாம்'. இல்லாவிட்டாலும் பரவாயில்லை. 

சகலமும் தேவ சித்தம்.

நீதிமொழிகள் 16:4 கர்த்தர் சகலத்தையும் தமக்கென்று படைத்தார்; தீங்குநாளுக்காகத் துன்மார்க்கனையும் உண்டாக்கினார்.

பிரசங்கி 3:11 அவர் சகலத்தையும் அதினதின் காலத்திலே நேர்த்தியாகச் செய்திருக்கிறார்;

அப்போஸ்தலர் 17:25 எல்லாருக்கும் ஜீவனையும் சுவாசத்தையும் சகலத்தையும் கொடுக்கிற அவர், தமக்கு யாதொன்று தேவையானதுபோல, மனுஷர் கைகளால் பணிவிடைகொள்ளுகிறதுமில்லை.

I யோவான் 3:20 நம்முடைய இருதயமே நம்மைக் குற்றவாளிகளாகத் தீர்க்குமானால், தேவன் நம்முடைய இருதயத்திலும் பெரியவராயிருந்து சகலத்தையும் அறிந்திருக்கிறார்.

வெளி 4:11 கர்த்தாவே, தேவரீர், மகிமையையும் கனத்தையும் வல்லமையையும் பெற்றுக்கொள்ளுகிறதற்குப் பாத்திரராயிருக்கிறீர், நீரே சகலத்தையும் சிருஷ்டித்தீர், உம்முடைய சித்தத்தினாலே அவைகள் உண்டாயிருக்கிறவைகளும் சிருஷ்டிக்கப்பட்டவைகளுமாயிருக்கிறது என்றார்கள்.

அன்பான சகோ.பெரியன்ஸ் அவர்களே!

இத்திரியின் ஓட்டத்தைத் திசை திருப்பும் வண்ணமாக சில பதிவுகளை நான் பதித்துவிட்டேன். எப்படியாயினும் நாம் உண்மையைக் கண்டறிய வேண்டும் எனும் ஒரே நோக்கத்தில்தான் அப்பதிவுகளைப் பதிய நேரிட்டது. தவறானால் மன்னிக்கவும்.

திசை திருப்பப்பட்ட இத்திரி நேராகச் செல்லத்தக்கதாக, திசை மாறிச் சென்ற எனது வாதத்தை வேறொரு திரியில் தொடர்கிறேன்.

இனி நீங்கள் இத்திரி நேராகச் செல்லத்தக்கதான உங்கள் பதிவுகளைப் பதியுங்கள். நன்றி.