kovaibereans

பெரியன்ஸ்:

//கடனை திருப்பி கொடுக்கும்படியாக தான் அவனை உபாதிக்கிறவர்களிடத்தில் விட்டார்!! ஆனால் நீங்களோ அவனை 2ம் மரணத்திற்குள் விட்டார் என்று அல்லவா போதிக்கிறீர்கள்!!//

ஒருவழியாக “இரக்கமில்லாத நியாயத்தீர்ப்பு” என்பது உபாதையைத் தருவதாக இருக்கும் என ஒத்துக்கொண்டீர்கள்; அது 2-ம் மரணமா இல்லையா என்பதை பிறகு பார்த்துக்கொள்ளலாம்.

உதாரணத்தின்படி, இரக்கமில்லாத ஊழியக்காரன், தனது கடனைத் தீர்க்கும்வரை உபாதிக்கிறவர்களிடத்தில் ஒப்புக்கொடுக்கப்பட்டான் என பார்க்கிறோம்.

உதாரணத்தில் கூறப்பட்டுள்ள கடன் என்பது மனிதனின் பாவங்களைக் குறிப்பதாக உள்ளது. இரக்கமில்லாத ஊழியக்காரனின் கடன் மன்னிக்கப்படவில்லை என உதாரணம் கூறுகிறது. எனவே இரக்கமில்லாத மனிதர்களின் பாவங்கள் மன்னிக்கப்பட்டிருக்காது என அறிகிறோம்.

பெரியன்ஸ்:

//கடனை திருப்பி கொடுக்கும்படியாக தான் அவனை உபாதிக்கிறவர்களிடத்தில் விட்டார்!! ஆனால் நீங்களோ அவனை 2ம் மரணத்திற்குள் விட்டார் என்று அல்லவா போதிக்கிறீர்கள்!! இதைத் தான் நீதியை கற்றுக்கொடுக்கப்படும் என்று நாங்கள் சொல்லுகிறோம்!!//

அதாவது, உதாரணத்தில் “உபாதிக்கிறவர்களிடத்தில் விட்டார்” என்பது, நிஜத்தில் “நீதி கற்றுக்கொடுக்கப்படுதல்” என்கிறீர்கள். அதாவது 1000 வருட அரசாட்சியில் “நீதி கற்றுக்கொடுக்கப்படுதல்” என்கிறீர்கள்.

உதாரணத்தின்படி, இரக்கமில்லாத ஊழியக்காரனின் கடன் மன்னிக்கப்படாமல் உபாதிக்கிறவர்களிடத்தில் விடப்பட்டான் எனப் பார்க்கிறோம்.

எனவே நிஜத்தில் “நீதி கற்றுக்கொள்ளும்படியாக” 1000 வருட அரசாட்சியில் விடப்பட்டவர்களின் பாவங்கள் மன்னிக்கப்பட்டிருக்காது என அறிகிறோம். அதாவது 1 கொரி. 15:22-ன்படி உயிர்த்தெழுந்தவர்களில் பலரது பாவங்கள் மன்னிக்கப்பட்டிருக்காது என அறிகிறோம். அதாவது, பாவங்கள் மன்னிக்கப்படாமலேயே பலர் உயிர்த்தெழுவார்கள் என அறிகிறோம்.

இவ்வுண்மையைத்தான் சோல்சொல்யூஷனின், “அறிந்ததும் அறியாததும்” திரியில் கேட்கப்பட்ட “ஒருவனுடைய பாவங்கள் மன்னிக்கப்படாத நிலையில் அவன் உயிர்த்தெழ முடியுமா? அவனுடைய கணக்கில் பாவமிருந்தால் மரணம் அவனை விடுவிக்குமா?” எனும் கேள்விக்குப் பதிலாகக் கூறியிருந்தேன்.

எனது பதில் தவறு என்று சொல்லி, “அறிந்ததும் அறியாததும்” திரியில் நீங்கள் பெரும் விவாதம் செய்ததை மறந்திருக்க மாட்டீர்கள் என நம்புகிறேன்.

மத்தேயு 18:23-35 வசனங்களிலுள்ள உதாரணம் மற்றும் அதற்கொப்பான நிஜம் ஆகியவற்றை சற்று கவனியுங்கள்.

உதாரணம்

1. ராஜா, 2. ஊழியக்காரர்கள், 3. கடன், 4. கடன் பட்டவன், 5. பதினாயிரம் தாலந்து கடன்பட்டவன், 6. 100 வெள்ளிப்பணம் கடன்பட்டவன், 7. பதினாயிரம் தாலந்து கடன்பட்டவனை ராஜா மன்னித்தல், 8. 100 வெள்ளிப்பணம் கடன்பட்ட சக ஊழியக்காரனை மன்னிக்க மறுத்தல், 9. சகஊழியக்காரனை மன்னிக்க மறுத்தவனின் கடனை மன்னிக்க ராஜா மறுத்தல், 10. கடன்களைக் கொடுத்துத் தீருமளவும் உபாதிக்க ஒப்புக்கொடுத்தல்

நிஜம்

1. தேவன், 2. தேவனுக்கு ஊழியம் செய்யவேண்டிய மனிதர்கள், 3. பாவம், 4. பாவம் செய்த மனிதன், 5. ஏராளமான பாவம் செய்தவன், 6. சில குற்றங்களைச் செய்தவன், 7. ஏராளமான பாவம் செய்தவனை தேவன் மன்னித்தல், 8. தனக்கு விரோதமாக சில குற்றங்களைச் செய்தவனை மன்னிக்க மறுத்தல், 9. சகமனிதனின் குற்றங்களை மன்னிக்க மறுப்பவனின் பாவங்களை தேவன் மன்னிக்க மறுத்தல், 10. பாவங்கள் தீரும்வரை உபாதிக்க ஒப்புக்கொடுத்தல்

உபாதை என்பது உதாரணத்திலும் சரி, நிஜத்திலும் சரி, அது வேதனையுள்ளதாகத்தான் இருக்கும்.

அடுத்து, உதாரணத்தில் “அவன் பட்ட கடனையெல்லாம் தனக்குக் கொடுத்துத் தீர்க்குமளவும் உபாதிக்கிறவர்களிடத்தில் அவனை ஒப்புக்கொடுத்தான்” எனும் வரியின் அர்த்தத்தை ஆராய்ந்து பார்ப்போம்.

உபாதிக்கிறவர்களிடத்தில் ஒப்புக்கொடுக்கப்பட்ட ஒருவன், தனது கடனைத் தீர்க்கும்படி வெளியில் வேலைசெய்து பணம் சம்பாதிக்க இயலுமா? நிச்சயம் இயலாது. ஆக, உபாதிக்கிறவர்களிடத்தில் ஒப்புக்கொடுக்கப்பட்டவன் பணம் சம்பாதிக்கவும் இயலாது, தனது கடனைத் தீர்க்கவும் இயலாது. ஆக, சாகும்வரை அவன் உபாதிக்கப்பட்டுக்கொண்டுதான் இருக்கவேண்டிவரும்.

இதுபோலவே, நிஜத்திலும் தன் பாவங்கள் மன்னிக்கப்படாத ஒருவன், உபாதையைத்தான் அனுபவிக்க முடியுமேயொழிய தன் பாவங்களை ஒருபோதும் போக்க இயலாது. எனவே “பாவத்தின் சம்பளம் மரணம்” எனும் தீர்ப்பின்படி அவன் மரணத்தைத்தான் சந்திக்க வேண்டியதிருக்கும். அந்த மரணத்தைத்தான் 2-ம் மரணம் என வேதாகமம் கூறுகிறது; நானும் கூறுகிறேன்.

இப்பொழுதாவது “இரக்கமில்லாத நியாயத்தீர்ப்பு” என்பது 2-ம் மரணமே என ஒப்புக்கொள்வீர்களா, சகோ.பெரியன்ஸ் அவர்களே?

-- Edited by anbu57 on Tuesday 26th of July 2011 09:57:01 AM

பெரியன்ஸ்:

//உவமை என்பது நிஜம் நிழல் கிடையாது!! உவமையையும் வேதத்தில் உள்ள "நிழல்" "நிஜத்தை" போட்டு குழப்பிக்கொள்ளாதீர்கள்!!//

எனது பதிவில் நிழல் என்ற பதத்தை ஒருபோதும் பயன்படுத்தவில்லை. தேவையில்லாமல் எனது நேரத்தை வீணடிக்காதீர்கள். இயேசு சொன்ன ஒப்பீட்டு உதாரணம், அந்த உதாரணத்தின்படி நடக்கவிருக்கும் நிஜம் இவற்றைத்தான் நான் பதித்துள்ளேன். நான் பதித்ததைப் படிக்கிற மற்ற யாரும் குழம்பமாட்டார்கள் என்ற நம்பிக்கை எனக்கு உள்ளது. உங்களுக்குக் குழப்பமாக இருந்தால், உதாரணம் எனும் வார்த்தைக்குப் பதிலாக உவமானம் எனப் படியுங்கள்.

பெரியன்ஸ்:

//கடன் வாங்கியவன் கடனை திருப்புக்கொடுத்தவுடன் மன்னிக்கப்பட்டான் அவன் மரிக்கவில்லை!!//

கடன் வாங்கியவன் கடனை திருப்பிக்கொடுத்ததாக உவமானத்தில் கூறப்படவில்லை. உவமானத்தில் கூறப்பட்டுள்ள 2 கடன்காரர்களில் ஒருவன் பதினாயிரம் தாலந்து கடன்பட்டவன், மற்றொருவன் 100 வெள்ளிப்பணம் கடன்பட்டவன். இருவருமே தங்கள் கடனைத் திரும்பக்கொடுத்ததாக இயேசு சொல்லவில்லை. கடன் என்பது பாவங்களுக்கு உவமானமாகச் சொல்லப்பட்டுள்ளது என நான் கூறுகிறேன். எனவே நிஜத்தில் இருவரின் பாவங்களும் மன்னிக்கப்படவில்லை என நான் அறிகிறேன். (அறிகிறோம் அல்ல அறிகிறேன். திருப்திதானா சகோ.பெரியன்ஸ் அவர்களே? இதில் என்ன ஈகோ வேண்டிக்கிடக்கிறது? எந்த வார்த்தையைப் பயன்படுத்தினாலும் அறியக்கூடியவர்கள் நிச்சயம் அறிவார்கள், அறியக்கூடாதவர்கள் ஒருபோதும் அறியமாட்டார்கள்)

நிஜத்தில் இருவரின் குற்றங்களும் மன்னிக்கப்படவில்லையென்றாலும், அவற்றில் சிறு வித்தியாசம் உள்ளது.

தேவனுக்கு விரோதமாக ஏராளமான பாவம் செய்தவனின் (ராஜாவிடம் பதினாயிரம் தாலந்து கடன்பட்டவனுக்கு ஒப்பானவன்) பாவங்களை தேவன் மன்னிக்க மறுத்தார்.

ஆனால் ஏராளமாகப் பாவம் செய்த அவனுக்கு விரோதமாக சில குற்றங்களைச் செய்தவனின் (பதினாயிரம் தாலந்து கடன்பட்டவனிடம் 100 வெள்ளிப்பணம் கடன்பட்ட உடன் ஊழியக்காரனுக்கு ஒப்பானவன்) குற்றங்களை ஏராளமாகப் பாவம் செய்த இவன் மன்னிக்க மறுத்தான்.

இயேசுவின் உவமானத்திற்கான விளக்கத்தை நான் தனித்தனியே விரிவாகக் கூறியுள்ளேன். அதேவிதமாக சகோ.பெரியன்ஸ்-ம் அவ்வுவமானத்திற்கான விளக்கத்தைத் தரும்படி வேண்டுகிறேன். அதாவது, ராஜா என்பவர் யார், ஊழியக்காரன் யார், கடன் என்றால் அது என்ன, உபாதித்தல் என்றால் என்ன என்பதையெல்லாம் விளக்கமாகக் கூறும்படி வேண்டுகிறேன்.

பெரியன்ஸ்:

//அது என்ன 1 கொரி 15:22ன் படி உயிர்த்தெழுந்தவர்களில் "பலரது பாவங்கள்" மன்னிக்கப்பட்டிருக்காது?? எந்த வசன ஆதாரத்தில் இப்படி ஒரு அறிவு!! நீங்களே ஒரு கருத்தை வைத்து அதை வசனம் இல்லாமலே "அறிகிறோம்" என்கிறீர்கள்!!//

இப்படியெல்லாம் கேள்வி கேட்டுக்கொண்டிராமல், முதலாவதாக மத்தேயு 18:23-35-ல் கூறப்பட்டுள்ள உவமானத்தின் கதாபாத்திரங்களின் ஒப்பீடுகளை தனித்தனியே கொடுத்து உவமானத்தின் மொத்த கருத்தை விளக்குங்கள். அப்போது உங்கள் கேள்விக்கு தானாகப் பதில் கிடைத்துவிடும்.

பெரியன்ஸ்:

//உங்களுக்கு தெரியாதா, ஜெயிலில் இருப்பவர்கள் சம்பாதிப்பார்கள் என்று!!//

உவமானத்தில் “ஜெயிலில் போட்டதாகக்” கூறவில்லை; “உபாதிக்கிறவர்களிடத்தில்” எனக் கூறுகிறார். மூலபாஷையில் torturer என அர்த்தம் தரக்கூடிய வார்த்தை பயன்படுத்தப்பட்டுள்ளது. Torturer என்றால் என்ன அர்த்தம் என்பது உங்களுக்குத் தெரியும்தானே?

சரி, உங்கள் புரிந்துகொள்தலின்படி அவன் ஜெயிலில் போடப்பட்டு பணம் சம்பாதித்து கடனை அடைத்தான் என்றே வைத்துக்கொள்வோமே! அப்படியானால் அதற்கான நிஜத்தின் விளக்கமென்ன? அவனது பாவங்கள் மன்னிக்கப்படாமல், அவனது பாவங்களை அவனே போக்கிக்கொண்டான் என்றல்லவா அர்த்தமாகும்? அப்படியானால் ஒருவன் தனது பாவங்களை தானே போக்கிக்கொள்ள முடியும் என்கிறீர்களா?

பெரியன்ஸ்:

//நியாயத்தீர்ப்பை "மரணம்" என்று அர்த்தம் கொண்டவர் நீங்கள் ஒருவராக தான் இருக்க முடியும்!! இதை பார்த்தால்,

சங்கீதம் 48:11 உம்முடைய நியாயத்தீர்ப்புகளினிமித்தம் சீயோன் பர்வதம் மகிழ்வதாக, யூதாவின் குமாரத்திகள் களிகூருவார்களாக.

சங்கீதம் 97:8 சீயோன் கேட்டு மகிழ்ந்தது; கர்த்தாவே, உம்முடைய நியாயத்தீர்ப்புகளினிமித்தம் யூதாவின் குமாரத்திகள் களிகூர்ந்தார்கள்.

சங்கீதம் 105:7 அவரே நம்முடைய தேவனாகிய கர்த்தர், அவருடைய நியாயத்தீர்ப்புகள் பூமியெங்கும் விளங்கும்.

சங்கீதம் 119:39 நான் அஞ்சுகிற நிந்தையை விலக்கியருளும்; உம்முடைய நியாயத்தீர்ப்புகள் நல்லவைகள்.

இந்த நியாயத்தீர்ப்புகள் எல்லாம் மரணத்தை (2ம் மரணத்தை) குறிப்பிடுகிறதோ!! நியாத்தீர்ப்புகள் நல்லவைகள் என்றும், நியாத்தீர்ப்புகள் பூமியெங்கும் விளங்கும் (அதாவது பூமி முழுவதும் 2ம் மரணத்திற்குள் செல்லும் போல்), மரணத்தை (2ம் மரணத்தை) பார்த்து களிகூர்தலும் நடக்கும் போல்!!//

ஒரு சாராருக்கு நியாயத்தீர்ப்பு எப்படியிருக்கும் என்பதைத்தான் மேற்கூறிய வசனங்கள் கூறுகின்றன. மற்றொரு சாராருக்கு நியாயத்தீர்ப்பு எப்படி இருக்கும் என வசனம் சொல்வதையும் சற்று கவனியுங்கள்.

சங்கீதம் 1:4 துன்மார்க்கரோ அப்படியிராமல், காற்றுப் பறக்கடிக்கும் பதரைப்போல் இருக்கிறார்கள். 5 ஆகையால் துன்மார்க்கர் நியாயத்தீர்ப்பிலும், பாவிகள் நீதிமான்களின் சபையிலும் நிலைநிற்பதில்லை. 6 கர்த்தர் நீதிமான்களின் வழியை அறிந்திருக்கிறார்; துன்மார்க்கரின் வழியோ அழியும்.

சங்கீதம் 76:7 நீர், நீரே, பயங்கரமானவர்; உமது கோபம் மூளும்போது உமக்கு முன்பாக நிற்பவன் யார்? 8 நியாயம் விசாரிக்கவும் பூமியில் சிறுமைப்பட்டவர்கள் யாவரையும் இரட்சிக்கவும், தேவரீர் எழுந்தருளினபோது, 9 வானத்திலிருந்து நியாயத்தீர்ப்புக் கேட்கப்பண்ணினீர்; பூமி பயந்து அமர்ந்தது.

(அதென்ன, சிறுமைப்பட்டவர்களுக்கு மட்டும் இரட்சிப்பு? மற்றவர்களுக்கு இரட்சிப்பு கிடையாதா? நியாத்தீர்ப்பைக் கேட்டு பூமி ஏன் பயந்து அமரவேண்டும்?)

எரேமியா 1:16 அவர்கள் என்னைவிட்டு அந்நிய தேவர்களுக்குத் தூபங்காட்டி, தங்கள் கைகளின் கிரியையைப் பணிந்துகொண்ட அவர்களுடைய சகல தீமைகளினிமித்தமும் நான் என் நியாயத்தீர்ப்புகளை அவர்களுக்கு விரோதமாகக் கூறுவேன்.

எசேக்கியேல் 28:21 மனுபுத்திரனே, நீ உன் முகத்தைச் சீதோனுக்கு எதிராகத் திருப்பி, அதற்கு விரோதமாகத் தீர்க்கதரிசனம் உரைத்து, சொல்லவேண்டியது என்னவென்றால்: 22 கர்த்தராகிய தேவன் சொல்லுகிறார்: சீதோனே, இதோ, நான் உனக்கு விரோதமாக வந்து, உன் நடுவிலே மகிமைப்படுவேன்; நான் அதிலே நியாயத்தீர்ப்புகளைச் செய்து, அதிலே பரிசுத்தரென்று விளங்கும்போது, நான் கர்த்தர் என்று அறிந்துகொள்வார்கள். 23 நான் அதிலே கொள்ளைநோயையும், அதின் வீதிகளில் இரத்தத்தையும் வரப்பண்ணுவேன்; அதற்கு விரோதமாய்ச் சுற்றிலும் வந்த பட்டயத்தினால் காயம்பட்டவர்கள் அதின் நடுவிலே வெட்டுண்டு விழுவார்கள்; அப்பொழுது நான் கர்த்தர் என்று அறிந்துகொள்வார்கள்.

ரோமர் 2:2 இப்படிப்பட்டவைகளைச் செய்கிறவர்களுக்குத் தேவனுடைய நியாயத்தீர்ப்பு சத்தியத்தின்படியே இருக்கிறதென்று அறிந்திருக்கிறோம். 3 இப்படிப்பட்டவைகளைச் செய்கிறவர்களைக் குற்றவாளிகளென்று தீர்த்தும், அவைகளையே செய்கிறவனே, நீ தேவனுடைய நியாயத்தீர்ப்புக்குத் தப்பிக்கொள்ளலாமென்று நினைக்கிறாயோ?

(நியாயத்தீர்ப்பு என்பது எல்லோருக்கும் ஒரு சுகமான அனுபவம் என்றால் சிலர் ஏன் அதற்கு தப்பிக்க நினைக்கவேண்டும்?)

4 அல்லது தேவதயவு நீ குணப்படும்படி உன்னை ஏவுகிறதென்று அறியாமல், அவருடைய தயவு பொறுமை நீடியசாந்தம் இவைகளின் ஐசுவரியத்தை அசட்டைபண்ணுகிறாயோ? 5 உன் மனக்கடினத்திற்கும் குணப்படாத இருதயத்திற்கும் ஏற்றபடி, தேவனுடைய நீதியுள்ள தீர்ப்பு வெளிப்படும் கோபாக்கினைநாளிலே உனக்காகக் கோபாக்கினையைக் குவித்துக்கொள்ளுகிறாயே.

(கோபாக்கினை நாள் என்றால் என்ன? கோபாக்கினை என்றால் என்ன?)

6 தேவன் அவனவனுடைய கிரியைகளுக்குத்தக்கதாய் அவனவனுக்குப் பலனளிப்பார். 7 சோர்ந்துபோகாமல் நற்கிரியைகளைச் செய்து, மகிமையையும் கனத்தையும் அழியாமையையும் தேடுகிறவர்களுக்கு நித்தியஜீவனை அளிப்பார். 8 சண்டைக்காரராயிருந்து, சத்தியத்திற்குக் கீழ்ப்படியாமல், அநியாயத்திற்குக் கீழ்ப்படிந்திருக்கிறவர்களுக்கோ உக்கிரகோபாக்கினை வரும். 9 முன்பு யூதரிலும் பின்பு கிரேக்கரிலும் பொல்லாங்குசெய்கிற எந்த மனுஷ ஆத்துமாவுக்கும் உபத்திரவமும் வியாகுலமும் உண்டாகும்.

(உக்கிர கோபாக்கினை, உபத்திரவம், வியாகுலம் என்றால் என்ன?)

2 தெச. 1:7 தேவனை அறியாதவர்களுக்கும், நம்முடைய கர்த்தராகிய இயேசுகிறிஸ்துவின் சுவிசேஷத்திற்குக் கீழ்ப்படியாதவர்களுக்கும் நீதியுள்ள ஆக்கினையைச் செலுத்தும்படிக்கு, 8 கர்த்தராகிய இயேசு தமது வல்லமையின் தூதரோடும், ஜுவாலித்து எரிகிற அக்கினியோடும், வானத்திலிருந்து வெளிப்படும்போது அப்படியாகும். 9 அந்நாளிலே தம்முடைய பரிசுத்தவான்களில் மகிமைப்படத்தக்கவராயும், நீங்கள் எங்களுடைய சாட்சியை விசுவாசித்தபடியினாலே உங்களிடத்திலும், விசுவாசிக்கிறவர்களெல்லாரிடத்திலும் ஆச்சரியப்படத்தக்கவராயும், அவர் வரும்போது, 10 அவர்கள் கர்த்தருடைய சந்நிதானத்திலிருந்தும், அவருடைய வல்லமை பொருந்திய மகிமையிலிருந்தும் நீங்கலாகி, நித்திய அழிவாகிய தண்டனையை அடைவார்கள்.

(நித்திய அழிவாகிய தண்டனை என்றால் என்ன? ஒருவேளை இவ்வசனத்திற்கு இணை வசனம் இல்லை எனச் சொல்லப்போகிறீர்களோ?)

2 பேதுரு 3:7  இப்பொழுது இருக்கிற வானங்களும் பூமியும் அந்த வார்த்தையினாலேயே அக்கினிக்கு இரையாக வைக்கப்பட்டு, தேவபக்தியில்லாதவர்கள் நியாயந்தீர்க்கப்பட்டு அழிந்துபோகும் நாள்வரைக்கும் காக்கப்பட்டிருக்கிறது.

(இத்தனை தெளிவாக நியாயத்தீர்ப்பினால் உண்டாகும் அழிவைக்குறித்து வசனம் சொல்வதை படித்தபின்னரும், எல்லோருக்கும் நியாயத்தீர்ப்பு நல்லதுதான் எனக் கூறப்போகிறீர்களா?)

எபிரெயர் 10:26 சத்தியத்தை அறியும் அறிவை அடைந்தபின்பு நாம் மனப்பூர்வமாய்ப் பாவஞ்செய்கிறவர்களாயிருந்தால், பாவங்களினிமித்தம் செலுத்தத்தக்க வேறொருபலி இனியிராமல், 27 நியாயத்தீர்ப்பு வருமென்று பயத்தோடே எதிர்பார்க்குதலும், விரோதிகளைப் பட்சிக்கும் கோபாக்கினையுமே இருக்கும்.

(விரோதிகளைப் பட்சிக்கும் கோபாக்கினை என்றால் என்ன? பட்சித்தல் என்றால் நீதியைக் கற்றுக்கொடுத்தல் என உங்கள் அகராதியில் உள்ளதோ?)

எபிரெயர் 6:4  ஏனெனில், ஒருதரம் பிரகாசிப்பிக்கப்பட்டும், பரமஈவை ருசிபார்த்தும், பரிசுத்த ஆவியைப் பெற்றும், 5 தேவனுடைய நல்வார்த்தையையும் இனிவரும் உலகத்தின் பெலன்களையும் ருசிபார்த்தும், 6 மறுதலித்துப்போனவர்கள், தேவனுடைய குமாரனைத் தாங்களே மறுபடியும் சிலுவையில் அறைந்து அவமானப்படுத்துகிறபடியால், மனந்திரும்புதற்கேதுவாய் அவர்களை மறுபடியும் புதுப்பிக்கிறது கூடாதகாரியம். 7 எப்படியெனில், தன்மேல் அடிக்கடி பெய்கிற மழையைக் குடித்து, தன்னிடத்தில் பயிரிடுகிறவர்களுக்கேற்ற பயிரை முளைப்பிக்கும் நிலமானது தேவனால் ஆசீர்வாதம் பெறும். 8 முள்செடிகளையும் முள்பூண்டுகளையும் முளைப்பிக்கிற நிலமோ தகாததாயும் சபிக்கப்படுகிறதற்கேற்றதாயுமிருக்கிறது; சுட்டெரிக்கப்படுவதே அதின் முடிவு.

(சிலரை மறுபடியும் புதுப்பித்தல் கூடாத காரியமாமே! கூடாது என்றால் யாரால் கூடாது? இயேசுவின் இரத்தத்தாலும் அது கூடாதா? இவர்களுக்கு இயேசுவின் இரத்தம் வீணாகிப் போனதோ? சுட்டெரிக்கப்படுதல் என்றால் என்ன? ஒருவேளை இதற்கும்கூட “நீதியைக் கற்றுக்கொடுத்தல்” எனும் அர்த்தம்தான் உங்கள் அகராதியில் போட்டிருக்கிறதோ?)

செப்பனியா 1:14 கர்த்தருடைய பெரியநாள் சமீபித்திருக்கிறது; அது கிட்டிச்சேர்ந்து மிகவும் தீவிரித்துவருகிறது; கர்த்தருடைய நாளென்கிற சத்தத்துக்குப் பராக்கிரமசாலி முதலாய் அங்கே மனங்கசந்து அலறுவான். 15 அந்த நாள் உக்கிரத்தின் நாள்; அது இக்கட்டும் இடுக்கமுமான நாள்; அது அழிவும் பாழ்க்கடிப்புமான நாள்; அது இருளும் அந்தகாரமுமான நாள்; அது மப்பும் மந்தாரமுமான நாள். 16 அது அரணிப்பான நகரங்களுக்கும், உயரமான கொத்தளங்களுக்கும் விரோதமாக எக்காளம் ஊதுகிறதும் ஆர்ப்பரிக்கிறதுமான நாள். 17 மனுஷர் கர்த்தருக்கு விரோதமாய்ப் பாவஞ்செய்தபடியால், அவர்கள் குருடரைப்போல் நடக்கும்படி நான் அவர்களை வருத்தப்படுத்துவேன்; அவர்கள் இரத்தம் புழுதியைப்போல் சொரியப்படும்; அவர்கள் மாம்சம் எருவைப்போல் கிடக்கும்.

செப்பனியா 2:1 விரும்பப்படாத ஜாதியே, கட்டளை பிறக்குமுன்னும், பதரைப்போல நாள் பறந்துபோகுமுன்னும் கர்த்தருடைய உக்கிரகோபம் உங்கள்மேல் இறங்குமுன்னும், கர்த்தருடைய கோபத்தின் நாள் உங்கள்மேல் வருமுன்னும், 2 நீங்கள் உங்களை உய்த்து ஆராய்ந்து சோதியுங்கள்.
3 தேசத்திலுள்ள எல்லாச் சிறுமையானவர்களே, கர்த்தருடைய நியாயத்தை நடப்பிக்கிறவர்களே, அவரைத் தேடுங்கள்; நீதியைத் தேடுங்கள், மனத்தாழ்மையைத் தேடுங்கள்; அப்பொழுது ஒருவேளை கர்த்தருடைய கோபத்தின்நாளிலே மறைக்கப்படுவீர்கள்.

மல்கியா 4:1 இதோ, சூளையைப்போல எரிகிற நாள் வரும்; அப்பொழுது அகங்காரிகள் யாவரும் அக்கிரமஞ்செய்கிற யாவரும் துரும்பாயிருப்பார்கள்; வரப்போகிற அந்த நாள் அவர்களைச் சுட்டெரிக்கும்; அது அவர்களுக்கு வேரையும் கொப்பையும் வைக்காமற்போகும் என்று சேனைகளின் கர்த்தர் சொல்லுகிறார்.

இத்தனை வசனங்கள் போதுமா? அல்லது இன்னமும் வசனங்கள் வேண்டுமா?

//ஏழைகளுக்குக் கொடுத்துவிட்டாலே போதும் பரலோகம் கியாரண்டி.//

நிச்சயமாக, அதிலென்ன சந்தேகம்? ஆனால் ஒரு சிறு திருத்தம்; பரலோகம் அல்ல, நித்திய ஜீவன். அதெப்படி எனக் கேட்கிறீர்களா? கியாரண்டி கொடுப்பது நானல்ல, வாக்கு மாறாத வேதவசனம்.

சங்கீதம் 41:1 சிறுமைப்பட்டவன்மேல் சிந்தையுள்ளவன் பாக்கியவான்; தீங்குநாளில் கர்த்தர் அவனை விடுவிப்பார். 2 கர்த்தர் அவனைப் பாதுகாத்து அவனை உயிரோடே வைப்பார்; பூமியில் அவன் பாக்கியவானாயிருப்பான்;

சங்கீதம் 112:9 வாரியிறைத்தான், ஏழைகளுக்குக் கொடுத்தான், அவனுடைய நீதி என்றென்றைக்கும் நிற்கும்; அவன் கொம்பு மகிமையாய் உயர்த்தப்படும். 10 துன்மார்க்கன் அதைக் கண்டு மனமடிவாகி, தன் பற்களைக் கடித்துக் கரைந்துபோவான்; துன்மார்க்கருடைய ஆசை அழியும். (ஆம், தேவனின் இச்செயல் துன்மார்க்கருக்கு மனமடிவாகத்தான் இருக்கும்)

ஏசாயா 58:6  அக்கிரமத்தின் கட்டுகளை அவிழ்க்கிறதும், நுகத்தடியின் பிணையல்களை நெகிழ்க்கிறதும், நெருக்கப்பட்டிருக்கிறவர்களை விடுதலையாக்கிவிடுகிறதும், சகல நுகத்தடிகளையும் உடைத்துப்போடுகிறதும், 7 பசியுள்ளவனுக்கு உன் ஆகாரத்தைப் பகிர்ந்துகொடுக்கிறதும், துரத்துண்ட சிறுமையானவர்களை வீட்டிலே சேர்த்துக்கொள்ளுகிறதும், வஸ்திரமில்லாதவனைக் கண்டால் அவனுக்கு வஸ்திரங் கொடுக்கிறதும், உன் மாம்சமானவனுக்கு உன்னை ஒளிக்காமலிருக்கிறதும் அல்லவோ எனக்கு உகந்த உபவாசம்.
8 அப்பொழுது விடியற்கால வெளுப்பைப்போல உன் வெளிச்சம் எழும்பி, உன் சுகவாழ்வு சீக்கிரத்தில் துளிர்த்து, உன் நீதி உனக்கு முன்னாலே செல்லும்; கர்த்தருடைய மகிமை உன்னைப் பின்னாலே காக்கும். 9 அப்பொழுது நீ கூப்பிடுவாய், கர்த்தர் மறுஉத்தரவு கொடுப்பார்; நீ சத்தமிடுவாய்: இதோ, நான் இருக்கிறேன் என்று சொல்லுவார். (இத்தனை தெளிவாகச் சொன்னபிறகுமா நம்மைக் குறித்த தேவசித்தம் புரியவில்லை?)

மத்தேயு 5:7 இரக்கமுள்ளவர்கள் பாக்கியவான்கள்; அவர்கள் இரக்கம் பெறுவார்கள்.

மத்தேயு 22:37 இயேசு அவனை நோக்கி: உன் தேவனாகிய கர்த்தரிடத்தில் உன் முழு இருதயத்தோடும் உன் முழு ஆத்துமாவோடும் உன் முழு மனதோடும் அன்புகூருவாயாக; 38 இது முதலாம் பிரதான கற்பனை. 39 இதற்கு ஒப்பாயிருக்கிற இரண்டாம் கற்பனை என்னவென்றால், உன்னிடத்தில் நீ அன்புகூருவதுபோலப் பிறனிடத்திலும் அன்புகூருவாயாக என்பதே. 40 இவ்விரண்டு கற்பனைகளிலும் நியாயப்பிரமாணம் முழுமையும் தீர்க்கதரிசனங்களும் அடங்கியிருக்கிறது என்றார்.

இவ்வுண்மை தெரியாமல் நியாயப்பிரமாணத்தையும் தீர்க்கதரிசனங்களையும் ஆராய்ந்து, “கடைசிகாலங்களில் ஜனங்கள் அன்பில்லாதவர்களாகத்தான் இருப்பார்கள் என பவுலின் தீர்க்கதரிசனம் சொல்கிறது, எனவே யாருக்கும் அன்பைக் குறித்து போதிக்கவேண்டியதில்லை” எனும் மாபெரும் உண்மையைக் கண்டு  கொண்டீர்களாக்கும்?)

அன்புகூருதல் எனும் ஒரே செயலில் “நியாயப்பிரமாணம் முழுமையும் தீர்க்கதரிசனங்களும் அடங்கியிருக்கிறது” என இவ்வளவாய் இயேசு சொன்னபிறகுமா மண்டையில் உரைக்கவில்லை? வசனங்கள் சொல்வதை நான் எடுத்துரைத்தால் அதைப் பரிகசிக்கவா செய்கிறீர்கள்? வேதபாரகர் பரிசேயரைவிட மோசமான நிலையில் நீங்கள் இருப்பதாக நான் அறிகிறேன்.

தேவன் நம்மிடம் பிரதானமாக எதை எதிர்பார்க்கிறார், நம்மைக் குறித்த பிதாவின் பிரதான சித்தம் எதுவென்றுகூட தெரியாமல் வேதஆராய்ச்சி பண்ணுகிறீர்களா? போங்கள், போய் உங்கள் வேதாகமத்தில் இந்த வசனம் இருந்தால் எடுத்துப் படியுங்கள்.

மத்தேயு 9:13 பலியையல்ல, இரக்கத்தையே விரும்புகிறேன் என்பதின் கருத்து இன்னதென்று போய்க் கற்றுக்கொள்ளுங்கள்.

மத்தேயு 12:7 பலியையல்ல இரக்கத்தையே விரும்புகிறேன் என்பதின் கருத்து இன்னதென்று அறிந்தீர்களானால், குற்றமில்லாதவர்களை நீங்கள் குற்றப்படுத்தமாட்டீர்கள்.

பெரேயா பட்டணத்தாரைக் குறித்த வேதாகமக் குறிப்பின் அடிப்படையில் இத்தளத்திற்கு “கோவை பெரியன்ஸ்” என்று  பெயர் வைத்துள்ளீர்களே, அந்த பெரேயா பட்டணத்தார் வேதாகமத்தை ஆராய்ந்து பார்த்து எப்படிப்பட்டவர்களாயிருந்தார்கள் என்பதை சற்று படியுங்கள்.

அப்போஸ்தலர் 17:11 அந்தப் (பெரேயா) பட்டணத்தார் மனோவாஞ்சையாய் வசனத்தை ஏற்றுக்கொண்டு, காரியங்கள் இப்படியிருக்கிறதா என்று தினந்தோறும் வேதவாக்கியங்களை ஆராய்ந்துபார்த்ததினால், தெசலோனிக்கேயில் உள்ளவர்களைப்பார்க்கிலும் நற்குணசாலிகளாயிருந்தார்கள்.

வேதாகம பெரியன்கள் வேதவாக்கியங்களை ஆராய்ந்து பார்த்து நற்குணசாலிகளானார்கள்; ஆனால் கோவை பெரியன்களோ வேதாகமத்தை ஆராய்ந்து பார்த்து, “நித்திய ஜீவனை சுதந்தரிக்க நற்கிரியை தேவையில்லை, நற்கிரியை செய்தவன்/செய்யாதவன் என்ற வித்தியாசமின்றி அனைவருக்கும் நித்திய ஜீவன் உண்டு” எனும் “இல்லாத உண்மையை(?)” கண்டுபிடித்து அதை அறிவித்து, மற்றவர்கள் நற்குணசாலிகளாவதற்கு இடறலாயிருக்கிறார்கள்.

ஏதோ வேதவசனங்களின் அடிப்படையில் நான் அறிந்ததைச் சொல்கிறேன்; இதற்குமேல் உங்கள் இஷ்டம்.

//இவ்வுண்மை தெரியாமல் நியாயப்பிரமாணத்தையும் தீர்க்கதரிசனங்களையும் ஆராய்ந்து, “கடைசிகாலங்களில் ஜனங்கள் அன்பில்லாதவர்களாகத்தான் இருப்பார்கள் என பவுலின் தீர்க்கதரிசனம் சொல்கிறது, எனவே யாருக்கும் அன்பைக் குறித்து போதிக்கவேண்டியதில்லை” எனும் மாபெரும் உண்மையைக் கண்டு  கொண்டீர்களாக்கும்?)//

தயவு செய்து எழுதாதை நாங்கள் எழுதியதாக எழுத வேண்டாம்!! நீங்கள் அன்பை குறித்து போதித்தாலும் கடைசிகாலங்களில் இது தான் நடக்க இருப்பது என்பது தீர்க்கதரிசனம்!! இந்த தீர்க்கதரிசனம் உங்கள் போதனையால் மாற போவதில்லை!! வேதத்தில் எழுதியதை நீங்கள் மாற்றும் அளவிற்கு வல்லவரோ!!?? அல்லது உங்களின் போதனை தான் மாற்றிவிடுமோ!!?? மேலும் யாரும் அன்பு செய்யாதீர்கள், எல்லாரும் பாவத்திலே நிலைத்திருங்கள் என்று தாங்கள் மீண்டும் மீண்டும் எங்கள் மேல் சுமத்தும் குற்றம் அர்த்தமற்றது, உங்கள் கற்பனையை எங்கள் மேல் தினிக்க வேண்டாமே!! கிரியை செய்வதே தேவனின் கிருபையினால் தான் என்று வசனத்துடன் காண்பித்தாலும் நீங்கள் சுய கிரியையை போதிக்கிறீர்கள்!!

2 கொரி 1:9ஐ விளக்க சொன்னால், அதை உங்கள் கோட்பாட்டில் திரித்து தீர்த்து விட்டீர்கள்!! நாங்கள் ஒரு வசனம் வைத்தால் அதற்கு அர்த்தம் கேட்டால் நீங்கள் ஒரு வசனத்தை வைத்து அதற்கு உங்கள் அர்த்தம் தருகிறீர்கள்!! சகோ சோல் சொல்யூஷன் தீமையை குறித்தும், கிருபையை குறித்தும் எத்துனை வசனங்கள் கொடுத்தார், அது உங்கள் வேதத்தில் இல்லையா என்று எங்களுக்கு கேட்க தெரியாதா!!??

தேவன் இரட்டை வேஷ தாரி அல்ல!! ஒன்று அவர் அன்பாகவே இருக்க முடியும் அல்லது நீங்கள் வசனங்களை புரிந்துக்கொண்டபடி அவர் கொடுரூமான ஒரு தேவனாக இருக்க முடியும்!! ஆனால் நீங்களோ நீங்கள் பாராட்டும் அன்பை தேவனின் அன்பை விட உயர்ந்ததாக சித்தரிக்கிறீகள்!! உங்கள் நற்கிரியை சொல்லுகிற தேவன், தான் ஒன்றும் செய்வதில்லையோ!! இது தான் உங்கள் புரிந்துக்கொள்ளுதலோ!! அல்லது அவர் கிரியை செய்ய மனிதர்களின் நடவடிக்கையை பொறுத்திருக்கிறதா!!??

//அன்புகூருதல் எனும் ஒரே செயலில் “நியாயப்பிரமாணம் முழுமையும் தீர்க்கதரிசனங்களும் அடங்கியிருக்கிறது” என இவ்வளவாய் இயேசு சொன்னபிறகுமா மண்டையில் உரைக்கவில்லை? வசனங்கள் சொல்வதை நான் எடுத்துரைத்தால் அதைப் பரிகசிக்கவா செய்கிறீர்கள்? வேதபாரகர் பரிசேயரைவிட மோசமான நிலையில் நீங்கள் இருப்பதாக நான் அறிகிறேன்.//

இப்படி எழுதுவதிலேயே உங்களின் அன்பு வெளிப்படுகிறது!! நீங்கள் பாராட்டும் அன்பு எதிர்ப்பார்ப்புடையது!! உங்களை பாராட்டினால் நீங்கள் அன்பு செய்வீர்கள், உங்களை எதிர்த்தால் "மண்டையில் உரைக்கவில்லை" என்று தான் சொல்லுவீர்கள்!! இதை தான் மனிதனின் பூரண‌மில்லாத அன்பு என்கிறேன்!! நீங்கள் அன்பை வெளிப்புற அடையாளமாக தேடுகிறீர்கள், உங்கள் அன்பின் கிரியையின் மேல் இருக்கும் நம்பிக்கை கூட உங்களுக்கு தேவனின் அன்பின் மேல் நம்பிக்கை இல்லை!! ஆகவே தான் எல்லாருக்கும் இரட்சிப்பு என்று வசனத்தை காண்பித்தால் அத்துடன் சித்தம் தான்.........ஆனால் என்று தடைகல்லாக இருக்கிறீகள்!! தேவனின் அன்பை சொல்லுவதை காட்டிலும் உங்களின் அன்பை பிரதானப்படுத்துகிறீகள்!! ஏன் நாங்கள் காட்டிய வசனம் உங்களுக்கு புரியவில்லையா என்று நீங்கள் கேட்ட பாணியில் நானும் கேட்கலாம், ஆனால் உங்களுக்கு எனக்கும் வித்தியாசம் இல்லாமல் போய் விடும்!! நீங்கள் அன்பை வெளிப்படையான கிரியையில் எதிர்ப்பார்க்கும் உலகத்தாரின் அன்பை விரும்புகிறீகள் என்பது உங்களின் எழுத்து நிச்சயிக்கிறது!! எல்லாருக்கும் இரட்சிப்பு என்பதை வசனத்துடன் காண்பித்தால் அதற்கு ஒரு தான்..........ஆனால் போட்டு தேவனின் அன்பையே இல்லை என்று காண்பிப்பவராக நீங்கள் இருந்துக்கொண்டு தயவு செய்து நீங்கள் அன்புள்ளவராக இருக்கிரீர்கள் என்று தம்பட்டம் அடிக்க வேண்டாம், உங்களின் எழுத்து நிச்சயமாக நீங்கள் போதிக்கும் அன்பை வெளிப்படுத்தவில்லை!! நாங்கள் தேவனின் கிருபையை போதித்தால் அதை காட்டிலும் மனிதனின் கிரியை பெரிது என்று நீங்கள் எத்துனை வசனங்கள் காண்பித்தாலும் அந்த அன்பு தேவனின் கிருபையினால் மாத்திரமே சாத்தியம் என்று நாங்கள் வசனங்களை காண்பித்திருக்கிறோம்!! 2 தீமோத்தேயு 1:9 அதற்கு ஏற்ற வசனம் தான்!! ஆனால் அதை பூசி மழுப்பிவிட்டீர்களே!!

தேவனின் கிருபையை புரிந்துக்கொள்ளாமல் மனிதர்களின் கிரியை மேல் நம்பிக்கை வைத்திருக்கும் உங்களுக்கு நாங்கள் வேதபாரகர் பரிசேயரைவிட மோசமான நிலையில் இருப்பதாக தான் தெரியும்!! நாங்கள் செய்யும் கிரியையை இங்கே பட்டியலிட்டு தான் நாங்கள் பெயர் எடுக்க வேண்டும் என்கிற அவசியம் இல்லை!! எங்கள் விஷயத்தை தேவன் பார்த்துக்கொள்வார், நாங்கள் யார், எந்த நிலையில் இருக்கிறோம் என்று நீங்கள் மனித பார்வையில், கிரியையின் பார்வையில் எங்களை தீர்க்க வேண்டாம் என்று சொல்லிக்கொள்ள பிரியப்படுகிறேன்!! தேவனின் கிருபையை புரிந்துக்கொள்ளாதவர் அன்பை எப்படி தான் புரிந்திருக்கிறீரோ!!

நீங்கள் அன்பை போதித்தாலும் சரி, நாங்கள் அன்பை போதிக்கவில்லை என்றாலும் சரி 2 தீமோத்தேயு 3ம் அதிகாரத்தில் சொல்லப்பட்டது அனைத்தும் நடக்க தான் போகிறது!! தேவனின் முன்குறித்தலில் இருப்பவர்கள் நிச்சயமாக அன்பில் நிலைத்திருப்பார்கள், உங்கள் போதனை இல்லாமலே!! உங்களுக்கு தான் தேவனின் முன்குறித்தல் மேல் நம்பிக்கை இல்லையே, வசனத்தை காண்பித்தாலும் அது எல்லாம் கிடையாது என்றுதானே சொல்லுகிறீர்கள்!! தீர்க்கதரிசனங்கள் நிறைவேறாது என்கிறீர்களா!!

2 தீமோத்தேயு 1:9. அவர் நம்முடைய கிரியைகளின்படி நம்மை இரட்சிக்காமல், தம்முடைய தீர்மானத்தின்படியும், ஆதிகாலமுதல் கிறிஸ்து இயேசுவுக்குள் நமக்கு அருளப்பட்ட கிருபையின்படியும், நம்மை இரட்சித்து, பரிசுத்த அழைப்பினாலே அழைத்தார்.

எத்துனை தெளிவாக "நம்முடைய கிரியைகளின்படி நம்மை இரட்சிக்காமல்" என்கிறது வசனம்!! ஆனால் நீங்கள் உங்களின் கிரியை பிரதானப்படுத்துகிறீகளே!! உடனே இதற்கு இரண்டு இரட்சிப்பு என்று ஏதோ சம்பந்தமில்லாத விளக்கத்தை கொடுத்து வேறு வசனங்களுடன் தொடர்பு படுத்துகிறீர்கள்!! நீங்கள் கிரியை செய்வதை பெரிதுப்படுத்த வேண்டாம் என்பதை சொல்லவே இந்த வசனம்!! கிரியை செய்வது எல்லா மதத்த்திலும், எல்லா மார்க்கங்களிலும் தான், ஆனால் நீங்கள் அந்த கிரியை மேல் மேன்மை பாராட்ட வேண்டாம், ஏனென்றால் அவரின் இரட்சிப்பு உங்களின் கிரியையினால் அல்ல, மாறாக அவரின் தீர்மானத்தின்படி தான் என்கிறது வசனம்!!

அப்போஸ்தலர் 17:11 அந்தப் (பெரேயா) பட்டணத்தார் மனோவாஞ்சையாய் வசனத்தை ஏற்றுக்கொண்டு, காரியங்கள் இப்படியிருக்கிறதா என்று தினந்தோறும் வேதவாக்கியங்களை ஆராய்ந்துபார்த்ததினால், தெசலோனிக்கேயில் உள்ளவர்களைப்பார்க்கிலும் நற்குணசாலிகளாயிருந்தார்கள்.

Original Word: εὐγενής, ές
Part of Speech: Adjective
Transliteration: eugenes
Phonetic Spelling: (yoog-en'-ace)
Short Definition: of noble birth, noble
Definition: (a) of noble birth, of high birth, (b) noble in nature.

நீங்கள் கிரியை விரும்புவதால் உங்கள் இஷ்டத்திற்கு வசனத்திற்கு அர்த்தக் கொடுக்க வேண்டாம்!! நீங்களும் மூல பாஷையை ஆறாய்கிறவராக இருந்துக்கொண்டு "நற்குணசாலிகளாயிருந்தார்கள்" என்றவுடன் கிரியைகளில் இறங்கி விட்டார்கள் என்று அர்த்தம் கொண்டிருந்தால் தயவு செய்து மீண்டும் ஒரு முறை போய் பாருங்கள்!! அங்கே எந்த கிரியையும் சொல்ல இந்த வார்த்தையை சொல்லவில்லை!! அவர்களின் உயர்ந்த பன்பை காண்பிக்கவே, அதாவது எவனாவது வந்து மனித போதனை கொடுத்தால் அதை அப்படியே காதுக்கு நல்லா இருக்குதே என்று கேட்டுக்கிட்டு உட்காராமல், உயரிய பன்பினால் (இன்னும் சொல்ல போனால் அதிகமாக படித்தவர்களாக இருந்தவர்களானபடியால்) இப்படி பிரசங்கிப்பது வேதத்தில் இருக்கிறதா என்பதை தேடிப்பார்த்தார்கள் என்பதை சொல்லவே நற்குணசாலிகள் என்கிற தவறான ஒரு மொழிப்பெயர்ப்பை தந்திருக்கிறார்கள்!! அந்த வார்த்தைக்கு சரியான மொழிப்பெயர்ப்பு "மேன்மையுள்ளவர்களாக" இருந்தார்கள் என்பது தான்!! தயவு செய்து தளத்திற்கு என்ன பெயர் வைத்திருக்கிறோம் என்கிற நக்கலும் நைய்யாண்டியும் தேவையில்லை என்று நினைகிறேன்!! இதை நீங்கள் பல முறை செய்து இருக்கிறீகள்!! இவ்வுளவு தானா உங்கள் போதனைக்கும் உங்கள் செயலுக்கும் உண்டான தொடர்பு!!

//வேதாகம பெரியன்கள் வேதவாக்கியங்களை ஆராய்ந்து பார்த்து நற்குணசாலிகளானார்கள்; ஆனால் கோவை பெரியன்களோ வேதாகமத்தை ஆராய்ந்து பார்த்து, “நித்திய ஜீவனை சுதந்தரிக்க நற்கிரியை தேவையில்லை, நற்கிரியை செய்தவன்/செய்யாதவன் என்ற வித்தியாசமின்றி அனைவருக்கும் நித்திய ஜீவன் உண்டு” எனும் “இல்லாத உண்மையை(?)” கண்டுபிடித்து அதை அறிவித்து, மற்றவர்கள் நற்குணசாலிகளாவதற்கு இடறலாயிருக்கிறார்கள்.//

யாரும் கிரியை செய்யவேண்டாம், எல்லாரும் பாவம் செய்யுங்கள் என்று நாங்கள் எழுதி போதித்ததாக ஒரு இடத்தை காண்பியுங்கள்!! உங்கள் புரிந்துக்கொள்ளுதலை கேட்கவில்லை, நாங்கள் இப்படி நேரடியாக எழுதியிருந்தால் காண்பியுங்கள்!! ஓஹோ, உங்களுக்கு உங்கள் கிரியை மேல் இருக்கும் விசுவாசமும் நம்பிக்கையும் தேவனின் கிருபையையே மட்டுப்படுத்தும் அளவிற்கு இருக்கிறதே!! எல்லாரையும் இரட்சிக்க கிறிஸ்து இயேசு இந்த பூமிக்கு வந்தார் என்று வசனம் சொன்னால் ஒரு தான்.........ஆனால் போட்டு, தேவனின் சித்தத்தை மனிதனின் போதனைகளுக்கும் செயல்களுக்கும் கீழானது என்று போதிப்பது உங்களுக்கு தேவன் மேல் விசுவாசம் இல்லாமல் உங்களின் கிரியைகளின் மேல் உள்ள நம்பிக்கையை தான் வெளிப்படுத்துகிறது!! தேவனின் கிருபையும் அவரின் சித்தமும் இல்லாமல் மனிதர்களின் கிரியைகளினால் இரட்சிக்கப்படுவீர்கள் என்கிற நவீன போதனையை தான் நீங்கள் தருகிறீர்கள்!! உங்களின் கிரியை சொல்லி, அதில் மேன்மை பாராட்டி, கிறிஸ்து இயேசுவின் இரத்தம் சிந்துதலை அவமாக்கும் ஒரு போதனையை தான் தருகிறீகள்!! கிறிஸ்து இயேசுவின் ஈடுபலி எல்லா மனுஷரையும் இரட்சிக்க முடியாது என்று ஒரே ஒரு வரியை எழுதுங்கள், நான் என் விவாதத்தை முடித்துக்கொள்கிறேன்!!

தேவனால் எல்லாம் கூடும் என்று வசனம் சொன்னால், கூடும் தான்............ஆனால் என்று உங்களின் கிரியை மேன்மைப்படுத்துபவர் தான் நீங்கள்!! நாங்கள் எழுதாதை எழுதுவது தான் உங்களுக்கு தெரிந்த கிரியையா!!

//ஏதோ வேதவசனங்களின் அடிப்படையில் நான் அறிந்ததைச் சொல்கிறேன்; இதற்குமேல் உங்கள் இஷ்டம்.//

அப்படி என்றால் நாங்கள் வேத வசனம் சொல்லாமல் வேறு எதை சொல்லுகிறோம்!! கிருபை பெறாத மனுஷன் கிரியை செய்ய முடியாது என்பது எங்களின் நம்பிக்கை!! அந்த கிருபையான அழைப்பிற்கு ஒரு சிறிய கூட்டம் நியமிக்கப்பட்டிருப்பதால் தான் கடைசிக்காலங்கள் கொடியதாக இருக்கும் என்று வசனம் கூறுகிறதை எடுத்து சொன்னால், உங்கள் கிரியையின் மேன்மை அதை ஏற்க செய்ய மறுக்கிறது!! அய்யா வசனங்களை நாங்களும் தான் எழுதுகிறோம்!!

எந்தவிதமான் ஆனா....ஆவன்னா..... என்று இல்லாமல் "கிறிஸ்து இயேசுவின் ஈடுபலி எல்லா மனுஷரையும் இரட்சிக்க முடியாது என்று ஒரே ஒரு வரியை எழுதுங்கள், நான் என் விவாதத்தை முடித்துக்கொள்கிறேன்!!"

//எந்தவிதமான ஆனா....ஆவன்னா..... என்று இல்லாமல் "கிறிஸ்து இயேசுவின் ஈடுபலி எல்லா மனுஷரையும் இரட்சிக்க முடியாது என்று ஒரே ஒரு வரியை எழுதுங்கள், நான் என் விவாதத்தை முடித்துக்கொள்கிறேன்!!"//

நீங்கள் முடிக்க வேண்டாம் சகோதரரே! நானே முடித்துக்கொள்கிறேன். முடிப்பதற்கு முன் சில வசனங்கள் மட்டும்.

யோவான் 10:10 திருடன் திருடவும் கொல்லவும் அழிக்கவும் வருகிறானேயன்றி வேறொன்றுக்கும் வரான். நானோ அவைகளுக்கு ஜீவன் உண்டாயிருக்கவும், அது பரிபூரணப்படவும் வந்தேன்.

ஆனால்,

லூக்கா 9:24 தன் ஜீவனை இரட்சிக்க விரும்புகிறவன் அதை இழந்துபோவான்; என்னிமித்தமாகத் தன் ஜீவனை இழந்துபோகிறவன் அதை இரட்சித்துக்கொள்ளுவான்.

-----------------------------------------------

லூக்கா 3:5 மாம்சமான யாவரும் தேவனுடைய இரட்சிப்பைக்காண்பார்கள் என்றும், வனாந்தரத்திலே கூப்பிடுகிறவனுடைய சத்தம் உண்டாகும் என்று ஏசாயா தீர்க்கதரிசியின் ஆகமத்தில் எழுதியிருக்கிறபிரகாரம்,

ஆனால்,

லூக்கா 9:24 தன் ஜீவனை இரட்சிக்க விரும்புகிறவன் அதை இழந்துபோவான்; என்னிமித்தமாகத் தன் ஜீவனை இழந்துபோகிறவன் அதை இரட்சித்துக்கொள்ளுவான்.

-----------------------------------------------

I தீமோத்தேயு 2:4 எல்லா மனுஷரும் இரட்சிக்கப்படவும், சத்தியத்தை அறிகிற அறிவை அடையவும், அவர் சித்தமுள்ளவராயிருக்கிறார்.

ஆனால்,

லூக்கா 9:24 தன் ஜீவனை இரட்சிக்க விரும்புகிறவன் அதை இழந்துபோவான்; என்னிமித்தமாகத் தன் ஜீவனை இழந்துபோகிறவன் அதை இரட்சித்துக்கொள்ளுவான்.

-----------------------------------------------

ரோமர் 6:23 பாவத்தின் சம்பளம் மரணம்; தேவனுடைய கிருபைவரமோ நம்முடைய கர்த்தராகிய இயேசுகிறிஸ்துவினால் உண்டான நித்தியஜீவன்.

ஆனால்,

மத்தேயு 25:46 இவர்கள் நித்திய ஆக்கினையை அடையவும், நீதிமான்களோ நித்திய ஜீவனை அடையவும் போவார்கள்.

-----------------------------------------------

யோவான் 17:2 பிதாவே, வேளை வந்தது, நீர் உம்முடைய குமாரனுக்குத் தந்தருளின யாவருக்கும் அவர் நித்தியஜீவனைக் கொடுக்கும்பொருட்டு மாம்சமான யாவர்மேலும் நீர் அவருக்கு அதிகாரங்கொடுத்தபடியே, உம்முடைய குமாரன் உம்மை மகிமைப்படுத்தும்படிக்கு நீர் உம்முடைய குமாரனை மகிமைப்படுத்தும்.

ஆனால்,

மத்தேயு 5:16 மனுஷர் உங்கள் நற்கிரியைகளைக் கண்டு, பரலோகத்திலிருக்கிற உங்கள் பிதாவை மகிமைப்படுத்தும்படி, உங்கள் வெளிச்சம் அவர்கள் முன்பாகப் பிரகாசிக்கக்கடவது.

யோவான் 15:8 நீங்கள் மிகுந்த கனிகளைக் கொடுப்பதினால் என் பிதா மகிமைப்படுவார், எனக்கும் சீஷராயிருப்பீர்கள்.

யோவான் 12:25 தன் ஜீவனைச் சிநேகிக்கிறவன் அதை இழந்துபோவான்; இந்த உலகத்தில் தன் ஜீவனை வெறுக்கிறவனோ அதை நித்திய ஜீவகாலமாய்க் காத்துக்கொள்ளுவான்.

-----------------------------------------------

யோவான் 3:17 உலகத்தை ஆக்கினைக்குள்ளாகத் தீர்க்கும்படி தேவன் தம்முடைய குமாரனை உலகத்தில் அனுப்பாமல், அவராலே உலகம் இரட்சிக்கப்படுவதற்காகவே அவரை அனுப்பினார்.

ஆனால்,

18 அவரை விசுவாசிக்கிறவன் ஆக்கினைக்குள்ளாகத் தீர்க்கப்படான்; விசுவாசியாதவனோ, தேவனுடைய ஒரேபேறான குமாரனுடைய நாமத்தில் விசுவாசமுள்ளவனாயிராதபடியினால், அவன் ஆக்கினைத் தீர்ப்புக்குட்பட்டாயிற்று. 19 ஒளியானது உலகத்திலே வந்திருந்தும் மனுஷருடைய கிரியைகள் பொல்லாதவைகளாயிருக்கிற படியினால் அவர்கள் ஒளியைப்பார்க்கிலும் இருளை விரும்புகிறதே அந்த ஆக்கினைத்தீர்ப்புக்குக் காரணமாயிருக்கிறது.

20 பொல்லாங்கு செய்கிற எவனும் ஒளியைப் பகைக்கிறான், தன் கிரியைகள் கண்டிக்கப்படாதபடிக்கு, ஒளியினிடத்தில் வராதிருக்கிறான். 21 சத்தியத்தின்படி செய்கிறவனோ, தன் கிரியைகள் தேவனுக்குள்ளாய்ச் செய்யப்படுகிறதென்று வெளியாகும்படிக்கு, ஒளியினிடத்தில் வருகிறான்

மத்தேயு 23:14  மாயக்காரராகிய வேதபாரகரே! பரிசேயரே! உங்களுக்கு ஐயோ, பார்வைக்காக நீண்ட ஜெபம்பண்ணி, விதவைகளின் வீடுகளைப் பட்சித்துப்போடுகிறீர்கள்; இதினிமித்தம் அதிக ஆக்கினையை அடைவீர்கள்.

15 மாயக்காரராகிய வேதபாரகரே! பரிசேயரே! உங்களுக்கு ஐயோ, ஒருவனை உங்கள் மார்க்கத்தானாக்கும்படி சமுத்திரத்தையும் பூமியையும் சுற்றித்திரிகிறீர்கள்; அவன் உங்கள் மார்க்கத்தானானபோது அவனை உங்களிலும் இரட்டிப்பாய் நரகத்தின் மகனாக்குகிறீர்கள்.

மாற்கு 3:29 ஒருவன் பரிசுத்த ஆவிக்கு விரோதமாகத் தூஷணஞ்சொல்வானாகில், அவன் என்றென்றைக்கும் மன்னிப்படையாமல் நித்திய ஆக்கினைக்குள்ளாயிருப்பான்.

-----------------------------------------------

யோவான் 12:47 ஒருவன் என் வார்த்தைகளைக் கேட்டும் விசுவாசியாமற்போனால், அவனை நான் நியாயந்தீர்ப்பதில்லை; நான் உலகத்தை நியாயந்தீர்க்கவராமல், உலகத்தை இரட்சிக்கவந்தேன்.

ஆனால்,

48 என்னைத் தள்ளி என் வார்த்தைகளை ஏற்றுக்கொள்ளாதவனை நியாயந்தீர்க்கிறதொன்றிருக்கிறது; நான் சொன்ன வசனமே அவனைக் கடைசிநாளில் நியாயந்தீர்க்கும்.

-----------------------------------------------

லூக்கா18:26. அதைக் கேட்டவர்கள்: அப்படியானால் யார் இரட்சிக்கப்படக்கூடும் என்றார்கள்.

27. அதற்கு அவர்: மனுஷரால் கூடாதவைகள் தேவனால் கூடும் என்றார்.

ஆனால்,

லூக்கா 9:24 தன் ஜீவனை இரட்சிக்க விரும்புகிறவன் அதை இழந்துபோவான்; என்னிமித்தமாகத் தன் ஜீவனை இழந்துபோகிறவன் அதை இரட்சித்துக்கொள்ளுவான்.

-----------------------------------------------

ரோமர் 5:19 அன்றியும் ஒரே மனுஷனுடைய கீழ்ப்படியாமையினாலே அநேகர் பாவிகளாக்கப்பட்டதுபோல, ஒருவருடைய கீழ்ப்படிதலினாலே அநேகர் நீதிமான்களாக்கப்படுவார்கள்.

ஆனால்,

ரோமர் 2:11 தேவனிடத்தில் பட்சபாதமில்லை. 12 எவர்கள் நியாயப்பிரமாணமில்லாமல் பாவஞ்செய்கிறார்களோ, அவர்கள் நியாயப்பிரமாணமில்லாமல் கெட்டுப்போவார்கள்; எவர்கள் நியாயப்பிரமாணத்துக்குட்பட்டவர்களாய்ப் பாவஞ்செய்கிறார்களோ, அவர்கள் நியாயப்பிரமாணத்தினாலே ஆக்கினைத்தீர்ப்படைவார்கள். 13 நியாயப்பிரமாணத்தைக் கேட்கிறவர்கள் தேவனுக்கு முன்பாக நீதிமான்களல்ல, நியாயப்பிரமாணத்தின்படி செய்கிறவர்களே நீதிமான்களாக்கப்படுவார்கள்.

-----------------------------------------------

மன்னிக்கவும் சகோதரரே! இந்த “ஆனால்” வார்த்தையைப் பயன்படுத்தமல் என்னால் எதுவும் சொல்ல இயலவில்லை. இப்படி பயன்படுத்துவது இயேசு கற்றுத்தந்த பாடம்.

சாத்தான்:

மத்தேயு 4:3 அப்பொழுது சோதனைக்காரன் அவரிடத்தில் வந்து: நீர் தேவனுடைய குமாரனேயானால், இந்தக் கல்லுகள் அப்பங்களாகும்படி சொல்லும் என்றான்.

இயேசு:

மத்தேயு 4:4 அவர் பிரதியுத்தரமாக: மனுஷன் அப்பத்தினாலேமாத்திரமல்ல, தேவனுடைய வாயிலிருந்து புறப்படுகிற ஒவ்வொரு வார்த்தையினாலும் பிழைப்பான் என்று எழுதியிருக்கிறதே என்றார்.

சாத்தான்:

மத்தேயு 4:5 அப்பொழுது பிசாசு அவரைப் பரிசுத்த நகரத்திற்குக் கொண்டுபோய், தேவாலயத்து உப்பரிகையின்மேல் அவரை நிறுத்தி: 6 நீர் தேவனுடைய குமாரனேயானால் தாழக்குதியும்; ஏனெனில், தம்முடைய தூதர்களுக்கு உம்மைக்குறித்துக் கட்டளையிடுவார்; உமது பாதம் கல்லில் இடறாதபடிக்கு, அவர்கள் உம்மைக் கைகளில் ஏந்திக்கொண்டு போவார்கள் என்பதாய் எழுதியிருக்கிறது என்று சொன்னான்.

இயேசு:

மத்தேயு 4:7 அதற்கு இயேசு: உன் தேவனாகிய கர்த்தரைப் பரீட்சை பாராதிருப்பாயாக என்றும் எழுதியிருக்கிறதே என்றார்.

நான் தந்த வசனங்களுக்குப் பதில் சொல்லாமல், நான் கிரியையை மேன்மைப்படுத்துவதாகச் சொல்லி, அபாண்டமாக என்னைக் குற்றம்பிடிப்பதில்தான் கவனமாயிருக்கிறீர்கள். ஏராளமான வசனங்களுக்குப் பதில் சொல்லாமல், “மண்டையில் உரைக்கவில்லை” எனும் எனது விமர்சனத்தைத்தான் பெரிதுபடுத்துகிறீர்கள். வசனங்களைப் புரிந்துகொள்ளக்கூடாமல் இப்படி இருக்கிறார்களே என்ற ஆதங்கத்தில் அவ்வாறு கூறிவிட்டேன்; அது உங்களைப் புண்படுத்தினால் தயவு செய்து மன்னியுங்கள். 

//இயேசு கிறிஸ்து "ஆனால்" எல்லாம் உபயோகிக்கவில்லை மாறாக‌ சாத்தான் தான் "ஆனால்" என்கிற வார்த்தையை பயன்படுத்துகிறான் என்பதை கவனிக்கவில்லையா!!??//

இந்த சிறு விஷயத்திலிருந்தே அறிந்துகொள்ளலாம், “விஷயங்களைப் புரிந்துகொள்ளும் சக்தியில் நீங்கள் எத்தனை பலகீனமாக இருக்கிறீர்கள்” என்று.

“எந்தவித ஆனா...ஆவன்னா இல்லாமல்” என நீங்கள் condition போட்டது, if எனும் வார்த்தைக்கல்ல, but எனும் வார்த்தைக்காகவே என்பது உங்களுக்குத் தெரியும். அப்படியிருந்தும் if எனும் வார்த்தையைச் சொல்லி, சாத்தான்தான் அதைப் பயன்படுத்தினான் எனச் சொன்னால் நான் என்ன செய்வது?

நான் வசனங்களுக்கிடையே “ஆனால்” போட்டு ஏராளமான வசனங்களைத் தந்துள்ளேனே, அவற்றில் ஏதாவது ஒரு இடத்திலாவது if எனும் அர்த்தத்தில் அதைப் பயன்படுத்தியுள்ளேனா என சற்று கூர்ந்து கவனியுங்கள். அத்தனை இடத்திலும் but எனும் அர்த்தத்தில்தான் பயன்படுத்தியுள்ளேனேயொழிய if எனும் அர்த்தத்தில் பயன்படுத்தவில்லை என்பதை சாதாரண அறிவு படைத்த அனைவரும் அறிவார்கள்.

இயேசுவுங்கூட “ஆனால்” எனும் வார்த்தையை நேரடியாகப் பயன்படுத்தாவிடினும், அவரது எதிர்வாதத்தில் “ஆனால்” எனும் வார்த்தை மறைந்திருப்பதை நீங்கள் புரிந்துகொள்வீர்கள் என்ற நம்பிக்கையில்தான் அதைச் சுட்டிக்காட்டினேன். ஆனால் (இந்த ஆனால் if அல்ல but) இச்சிறு விஷயத்தைக்கூட நீங்கள் புரிந்துகொள்ள மறுப்பது எனக்கு மிகவும் ஆச்சரியமாயுள்ளது.

உங்கள் புரிந்துகொள்தலுக்காக, சாத்தானுக்கு இயேசு சொன்ன பதிலை ஆங்கில வேதாகமத்திலிருந்து எடுத்துப் போடுகிறேன்; அதன் பின்னராவது உங்களுக்குப் புரிகிறதா எனப் பார்ப்போம்.

Matt 4:4 Jesus answered, "It is written: 'Man does not live on bread alone, but on every word that comes from the mouth of God.'"  NIV

Matt 4:7 Jesus answered him, "It is also written: 'Do not put the Lord your God to the test.'"  NIV

ஒரு வசனத்தைச் சொன்னால் “ஆனால் இப்படியும் (but, also)” வசனம் சொல்கிறதே எனும் விதமான வாதம் வேண்டாம் என்றுதான் நீங்கள் condition போட்டீர்கள்; ஆனால் இயேசுவுங்கூட அப்படித்தான் வாதம் செய்தார் என்பதை நான் சொல்லியிருந்தேன். நீங்களோ அதைப் புரிந்துகொள்ளாமல் வேறு கோணத்தில் திசை திருப்பி விட்டீர்கள்.

//எந்தவிதமான ஆனா....ஆவன்னா..... என்று இல்லாமல் "கிறிஸ்து இயேசுவின் ஈடுபலி எல்லா மனுஷரையும் இரட்சிக்க முடியாது என்று ஒரே ஒரு வரியை எழுதுங்கள், நான் என் விவாதத்தை முடித்துக்கொள்கிறேன்!!"//

//நீங்கள் எத்துனை தான் வசனங்களை காண்பித்தாலும், உங்களால் நான் கேட்டுக்கொண்டதை எழுத முடியாது, அதாவது, கிறிஸ்துவின் ஈடுபலியினால் எல்லா மனிதர்களும் இரட்சிக்க முடியாது என்பதை உங்களால் எழுத முடியாது, ஏனென்றால் அப்படி ஒரு வரி எத்துனை அபத்தமானது என்பதை நீங்களும் தெரிந்தவர்களாக தான் இருப்பீர்கள் என்று நான் நிச்சயமாக நம்புகிறேன்!!//

எபிரெயர் 6:4  ஏனெனில், ஒருதரம் பிரகாசிப்பிக்கப்பட்டும், பரமஈவை ருசிபார்த்தும், பரிசுத்த ஆவியைப் பெற்றும், 5 தேவனுடைய நல்வார்த்தையையும் இனிவரும் உலகத்தின் பெலன்களையும் ருசிபார்த்தும், 6 மறுதலித்துப்போனவர்கள், தேவனுடைய குமாரனைத் தாங்களே மறுபடியும் சிலுவையில் அறைந்து அவமானப்படுத்துகிறபடியால், மனந்திரும்புதற்கேதுவாய் அவர்களை மறுபடியும் புதுப்பிக்கிறது கூடாதகாரியம். 7 எப்படியெனில், தன்மேல் அடிக்கடி பெய்கிற மழையைக் குடித்து, தன்னிடத்தில் பயிரிடுகிறவர்களுக்கேற்ற பயிரை முளைப்பிக்கும் நிலமானது தேவனால் ஆசீர்வாதம் பெறும். 8 முள்செடிகளையும் முள்பூண்டுகளையும் முளைப்பிக்கிற நிலமோ தகாததாயும் சபிக்கப்படுகிறதற்கேற்றதாயுமிருக்கிறது; சுட்டெரிக்கப்படுவதே அதின் முடிவு.

எபிரெயர் 6:4  ஏனெனில், ஒருதரம் பிரகாசிப்பிக்கப்பட்டும், பரமஈவை ருசிபார்த்தும், பரிசுத்த ஆவியைப் பெற்றும், 5 தேவனுடைய நல்வார்த்தையையும் இனிவரும் உலகத்தின் பெலன்களையும் ருசிபார்த்தும், 6 மறுதலித்துப்போனவர்கள், தேவனுடைய குமாரனைத் தாங்களே மறுபடியும் சிலுவையில் அறைந்து அவமானப்படுத்துகிறபடியால், மனந்திரும்புதற்கேதுவாய் அவர்களை மறுபடியும் புதுப்பிக்கிறது கூடாதகாரியம். 7 எப்படியெனில், தன்மேல் அடிக்கடி பெய்கிற மழையைக் குடித்து, தன்னிடத்தில் பயிரிடுகிறவர்களுக்கேற்ற பயிரை முளைப்பிக்கும் நிலமானது தேவனால் ஆசீர்வாதம் பெறும். 8 முள்செடிகளையும் முள்பூண்டுகளையும் முளைப்பிக்கிற நிலமோ தகாததாயும் சபிக்கப்படுகிறதற்கேற்றதாயுமிருக்கிறது; சுட்டெரிக்கப்படுவதே அதின் முடிவு.

நான் கேட்டபடியே எழுதுவதற்கு உங்களுக்கு இன்னும் முடியவில்லை!! பவுல் இங்கே நியாயத்தீர்ப்பு கொடுக்கவில்லை, நீங்கள் நினைப்பது போல், ஏனென்றால் அடுத்து அவர் சொல்லுகிறார்,

9. பிரியமானவர்களே, நாங்கள் இப்படிச் சொன்னாலும் நன்மையானவைகளும், இரட்சிப்புக்குரியவைகளுமான, காரியங்கள் உங்களிடத்தில் உண்டாயிருக்கிறதென்று நம்பியிருக்கிறோம்.

இவை எப்படி சாத்தியம் என்றால், எல்லாமே தேவனின் சித்தம் தான் என்று என்னை காட்டிலும் பவுலுக்கு அதிகம் தெரியும்,

3. தேவனுக்குச் சித்தமானால் இப்படியேசெய்வோம்.

பவுல் ஒரு நியதியயை, ஒரு சட்டத்தை சொல்லுகிறார்!! ஆனால் அந்த சட்டத்தை நீங்கள் நியாயத்தீர்ப்பாக மாற்றியிருக்கிறீர்கள்!! இது உங்களுக்கு உண்டான அன்பை தான் வெளிப்படுத்துகிறது!! மேலும் நீங்கள் காண்பிக்கும் இந்த வசனம் நீங்கள் நினைக்கும் "அழிவை" சொல்லுவதில்லை!! நீங்கள் இந்த வசனத்தை சொல்லுவீர்கள் என்று அந்த வசனம் என்ன தான் சொல்லுகிறது என்று மூல பாஷையில் பார்த்தால், அது ஒன்றும் நீங்கள் நினைப்பது போல் அல்ல‌,

"மறுபடியும் புதுப்பிக்கிறது கூடாதகாரியம். " என்பது நீங்கள் நம்பும் 2ம் மரணம் கிடையாது!! இப்படி ஒரு அர்த்தம் நீங்கள் கொண்டிருக்கும் விசுவாசம் உடையவர்கள் தான் கொடுக்க முடியும்!! இன்னும் எத்துனை காலம் தான் தேவ ஞானமற்ற இப்படி பட்ட மொழிப்பெயர்ப்புகளினால் உங்கள் விசுவாசத்திற்கு மெருகெற்றுவீர்களோ!! ஆனாலும் தேவனுக்கு எது சித்தமோ அது தான் நடக்கும்!!

If they shall fall away to renew them again unto repentance seeing they crucify to themselves the Son of God afresh and put him to an open shame

Open Shame is not 2nd death, dear bro.

அதாவது அப்படிப்பட்டவர்கள் வெட்கத்திற்குட்படுத்தப்படுவார்கள் என்று தான் வசனம் சொல்லுகிறது!! ஆனால் வழக்கம் போல் அவர்களை அழித்து போடுவார் என்று நம் மொழிப்பெயர்ப்பை நம்பி தேவனின் அன்பை கொச்சை படுத்தி வருகிறீர்கள்!! வெட்கப்படுத்தப்படுவார்கள் என்பதற்கும், அவர்களை புதுப்பிக்கிறது கூடாத காரியம் ஆகவே அது அழிவு தான் என்று நீங்கள் நினைத்திருக்கிறீகள்!! சகோ அன்பு அவர்களே, சாதாரனமாக எல்லாரும் புரிந்து வைத்திருக்கும் தேவ அன்பை தான் நீங்களும் புரிந்து வைத்திருக்கிறீர்கள்!! ஆகவே தான் சாதாரனவர்களுக்கு புரிகிறது கூட நீங்கள் புரிந்துக்கொள்ள முடியாமால் இருக்கிறீகள் என்று என்னை மட்டுபடுத்து எழுதுகிறீகள்!! ஆனால் மேன்மையான காரியமான தேவனின் அன்பையும் அவரின் நீதியையும் என்னமுடியாமல் நீங்கள் தான் இருக்கும் ஒவ்வொரு வசனத்திலும் "அழிவை" தேடி நீங்கள் கொண்டிருக்கும் அன்பை வெளிப்படுத்தி யார் சாதாரனமானவர்கள் என்று வெளிப்படுத்துகிறீர்கள்!! ஆகையால் யார் சாதாரன அறிவு உள்ளவர்கள் என்று ஆராயாமல், தேவனின் அன்பு என்னவென்று தெரிந்துக்கொள்ளுங்கள்!!

எப்படி மத்தேயு 7ல் ஊழியக்காரர்கள் என்று தம்பட்டம் அடிப்பவர்களை வெட்கப்படுத்தும்படியாக "உங்களை அறியேன்" என்கிறாரோ, அதே நிலை தான் இங்கேயும்!! சொல்ல போனால் இந்த இரு கூட்டத்தாரும் ஒன்றானவர்களாக தான் இருக்க முடியும்!! வெட்கப்படுத்துவது அழிவு இல்லை என்பதை நீங்களும் ஒப்புக்கொள்வீர்கள் என்று நம்புகிறேன்!! இப்படி "பரிசுத்த வேதாகமத்தை" மாத்திரமே படித்து அதைக்கொண்டு வியாக்கியானம் செய்பவர் போல் நீங்களும் இருக்க வேண்டாமே!!

அந்த வார்த்தை சொல்லுவது என்னவென்று நீங்களே பார்த்து புரிந்துக்கொள்ளுங்கள்!! அதற்கு உபயோகபப்டுத்தப்பட்ட ஒரே வார்த்தையும் அதன் அர்த்தமும் இதோ,

If they shall fall away to renew them again unto repentance seeing they crucify to themselves the Son of God afresh and put him to an open shame

Original Word: παραδειγματίζω
Part of Speech: Verb
Transliteration: paradeigmatizó
Phonetic Spelling: (par-ad-igue-mat-id'-zo)
Short Definition: I put to open shame
Definition: I put to open shame, make a public example of, put to disgrace.

//If they shall fall away to renew them again unto repentance seeing they crucify to themselves the Son of God afresh and put him to an open shame

Open Shame is not 2nd death, dear bro.//

Open shame என்பதை நான் 2-ம் மரணம் என்றும் சொல்லவில்லை; him எனும் சொல் மனிதரைக் குறிக்கவுமில்லை.

எபிரெயர் 6:4  ஏனெனில், ஒருதரம் பிரகாசிப்பிக்கப்பட்டும், பரமஈவை ருசிபார்த்தும், பரிசுத்த ஆவியைப் பெற்றும், 5 தேவனுடைய நல்வார்த்தையையும் இனிவரும் உலகத்தின் பெலன்களையும் ருசிபார்த்தும், 6 மறுதலித்துப்போனவர்கள், தேவனுடைய குமாரனைத் தாங்களே மறுபடியும் சிலுவையில் அறைந்து அவமானப்படுத்துகிறபடியால், மனந்திரும்புதற்கேதுவாய் அவர்களை மறுபடியும் புதுப்பிக்கிறது கூடாதகாரியம். 7 எப்படியெனில், தன்மேல் அடிக்கடி பெய்கிற மழையைக் குடித்து, தன்னிடத்தில் பயிரிடுகிறவர்களுக்கேற்ற பயிரை முளைப்பிக்கும் நிலமானது தேவனால் ஆசீர்வாதம் பெறும். 8 முள்செடிகளையும் முள்பூண்டுகளையும் முளைப்பிக்கிற நிலமோ தகாததாயும் சபிக்கப்படுகிறதற்கேற்றதாயுமிருக்கிறது; சுட்டெரிக்கப்படுவதே அதின் முடிவு.

இவ்வசனங்களில் “தேவனுடைய குமாரனைத் தாங்களே மறுபடியும் சிலுவையில் அறைந்து அவமானப்படுத்துகிறபடியால்” எனும் கூற்றிற்கு இணையாகத்தான் ஆங்கில மொழிபெயர்ப்பில் “they crucify to themselves the Son of God afresh and put him to an open shame” எனும் கூற்று காணப்படுகிறது. இதைக்கூட நீங்கள் புரிந்துகொள்ளாவிடில் .... வேண்டாம், நான் ஏதாவது சொன்னால் உடனே Psychological attack எனக் கூறிவிடுவீர்கள்.