kovaibereans

ஜோசப்ராஜ் எழுதுகிறார்:

//இதை சொல்வதற்கு மன்னிக்கவும், உங்களுடைய மற்றும் கோவை பெரேயன்ஸ் கருத்துக்களையெல்லாம் வாசிக்கும் போது, மீட்பின் அனுபவம் உங்களுக்கும், கோவை பெரேயன்ஸ் அவர்களுக்கு சுத்தமாக கிடையாது என்று தெரியவருகிறது//

மீட்பு என்பதற்கு பொதுவான கிறிஸ்தவர்களும் கிறிஸ்தவ மண்டலமும் நினைப்பதற்கும், வேதம் மீட்பை குறித்து சொல்லுவதற்கும் வித்தியாசம் இருக்கிறது!!

மத்தேயு 28:19. ஆகையால், நீங்கள் புறப்பட்டுப்போய் சகல ஜாதிகளையும் சீஷராக்கி, பிதா குமாரன் பரிசுத்த ஆவியின் நாமத்திலே அவர்களுக்கு ஞானஸ்நானங்கொடுத்து,

அப்போஸ்தலர் 19:5. அதைக் கேட்டபோது அவர்கள்: கர்த்தராகிய இயேசுவின் நாமத்தினாலே ஞானஸ்நானம் பெற்றார்கள்.

இது இரண்டு விதமான ஞானஸ்நானத்தை குறித்து பேசுவது இல்லை!! இயேசு கிறிஸ்து சொன்னப்படி எடுக்கிற ஞானஸ்நானம் தான் இயேசுவின் நாமத்திலே ஞானஸ்நானம்!! யூதர்களுக்கு பிதாவாகிய தேவன் யார் என்று தெரியும், பரிசுத்த ஆவி என்றால் என்னவென்று தெரியும்!! அவர்களுக்கு தெரியாதது இயேசு கிறிஸ்துவை தான்!! பிதாவை குறித்து அவர்களுக்கு சொல்ல வேண்டியது இல்லை, ஆகவே கிறிஸ்துவின் நாமத்திலே ஞானஸ்நானம்!!

//ஆக பிதாவாகிய தேவனை ஆராதிக்கவேண்டுமானாலும், துதிக்கவேண்டுமானாலும், புகழ வேண்டுமானாலும் முக்கியமாக தொழுதுக்கொள்ள வேண்டுமானாலும், அது கர்த்தராகிய இயேசு கிறிஸ்துவின் நாமத்தின் மூலமே சாத்தியம்//

இதில் எந்த முறன்பாடும் இல்லையே!! இதை தான் நானும் சொல்லுகிறேன்!! பிதாவை தொழுதுக்கொள்ள வேண்டும், கிறிஸ்து இயேசுவின் நாமத்தில்!! ஏனென்றால் பிதாவிடத்திற்கு செல்லும் ஒரே வழி கிறிஸ்து இயேசுவே!! கவனிக்கவும் பிதாவிடத்திற்கு செல்ல கிறிஸ்துவே வழி!!

1 கொரிந்தியர் 1:2. கொரிந்துவிலே கிறிஸ்து இயேசுவுக்குள் பரிசுத்தமாக்கப்பட்டவர்களாயும், பரிசுத்தவான்களாகும்படி அழைக்கப்பட்டவர்களாயுமிருக்கிற தேவனுடைய சபைக்கும், எங்களுக்கும் தங்களுக்கும் ஆண்டவராயிருக்கிற நம்முடைய கர்த்தராகிய இயேசு கிறிஸ்துவின் நாமத்தை எங்கும் தொழுதுகொள்ளுகிற அனைவருக்கும் எழுதுகிறதாவது:

தொழுதுக்கொள்ளுகிற என்று தமிழில் மொழிப்பெயர்த்ததை அப்படியே எடுத்துக்கொள்வது தப்பு என்பதால் தான் மூல பாஷையை பார்க்க வேண்டியிருக்கிறது!! ஏனென்றால் ஒத்த வார்த்தை/ வாக்கிய வசனம் நிறைய இருக்கும், ஆனால் இனை வசனம் இருந்தால் தான் அது செல்லுபடியாகும்!! மேலும் இந்த இடத்தில் தொழுதுகொள்ளுகிற என்கிற வார்த்தை தவறாக மொழிப்பெயர்க்கப்பட்டிருக்கிறது!! தொழுதுக்கொளுகிறதற்கு மூல பாஷை

யோவான் 4:22 நீங்கள் அறியாததைத் தொழுதுகொள்ளுகிறீர்கள்; நாங்கள் அறிந்திருக்கிறதைத் தொழுதுகொள்ளுகிறோம்; ஏனென்றால் இரட்சிப்பு யூதர்கள் வழியாய் வருகிறது.

இதில் உள்ள தொழுதுக்கொள்ளுவதற்கு உள்ள வார்த்தை,

proskunēsete (προσκυνήσετε) - Definition: I go down on my knees to, do obeisance to, worship.

ஆனால் 1 கொரிந்தியர் 1:2ல் எழுதப்பட்டிருக்கும் தொழுதுகொள்ளுதல் என்பதற்கு பயன்ப்படுத்தப்பட்ட வார்த்தை,

epikaloumenois (ἐπικαλουμένοις) - Definition: (a) I call (name) by a supplementary (additional, alternative) name, (b) mid: I call upon, appeal to, address.

நீங்கள் வேதத்தை ஆராய்பவர், வித்தியாசம் புரியும் என்றே நினைக்கிறேன!!

தொடரும்............

பி.கு. : மூல பாஷையை முறையாக கற்றுக்கொள்ளவில்லை என்றாலும் அதற்கென்று Dictionaries, Concordances இருக்கிறது!!

நண்பர் ஜோஸப் ராஜ் அவர்களுக்கு 3 பதிவுகளில் சில விளக்கங்கள் தந்திருக்கிறேன்!!

இப்பொழுது தான் அவரின் முழு பதிவையும் படிக்க நேர்ந்தது!! படித்த வரையில் அவர் Oneness Pentecostal என்கிற பிரிவை சேர்ந்தவர் என்று நினைக்கிறேன்!! இவரின் பெரும்பாலுமான கருத்துக்கள் Oneness Pentecostal  பிரிவை ஒத்து தான் இருக்கிறது!!

நண்பர் ஜோஸப்ராஜ் அறிய வேண்டிய முக்கியமான காரியம்!!

இந்த தளத்தில், யாரும் மூல பாஷையை ஆராய்சி செய்யவில்லை என்கிறதை அறிய வேண்டும்!! தமிழிலும் ஆங்கிளத்திலும் குழப்பமாக இருக்கும் இடங்களுக்கு மூல பாஷை தெளிவு தருவதாக இருப்பதால் அதை உபயோகித்துக்கொள்வதில் தவறு ஏதும் இல்லை!! வேத வசனம் இன்றி ஒன்றையும் நாங்கள் எழுதுவதும் இல்லை!! வேதத்தில் இல்லாததை ஏற்றுக்கொள்வதும் இல்லை!!

எடுத்துக்காட்டு, உங்கள் பதிவிலிருந்து தான்!!

லூக் 1:35ல் பரிசுத்தமுள்ளது என்பதை வசனத்தில் "சரீரம்" என்று உங்களுடைய சேர்ப்பு!!

தற்சொரூபத்தை "சரீரம்" என்று எழுதியிருப்பது!!

தேவன் (பிதா) புறாவின் வடிவில் வருவது!!

எல்லாவற்றுக்கும் மேலாக‌

பிதாவின் நாமம்: கர்த்தர்
குமாரனின் நாமம்: இயேசு
பரிசுத்த ஆவியின் நாமம்: கிறிஸ்து

என்று எந்த வசனத்தின் அடிப்படையில் எழுதியிருக்கிறீகள்!!

உங்கள் கோட்பாடுகளின்படி பழைய ஏற்பாட்டில் யெகோவா என்று சொல்லப்பட்டவர் மறுவி புதிய ஏற்பாட்டில் கிறிஸ்து இயேசு என்றும், அவரே பரிசுத்த ஆவி என்றும் இருக்கிறார் என்பதை உங்களின் சொந்த வார்த்தைகளை வேத வசனங்களில் இனைத்து நிரூபிக்க எழுதியிருக்கிறீர்கள்!!

வேதத்தை ஆறாய (மூல பாஷையில்) கூடாது என்றால் வேதத்தை எந்த பாஷையிலும் ஆறாய அவசியம் இல்லை என்கிறேன்!! ஏனென்றால் தமிழில் ஆறாய்ந்தாலும் அது அராய்ச்சி தானே!! தமிழில் 3க்கும் மேற்பட்ட மொழிப்பெயர்ப்புகளில் எந்த வேதத்தை தேவனின் ஆவி தந்திருக்கிறார் என்று சொல்ல முடியுமா!! ஏனென்றால் மூன்றிலும் வேறு வேறு வார்த்தைகள் உபயோகிக்கப்படுத்தப்பட்டிருக்கிறது!! தேவ ஆவி நமக்கு இவைகளை புரிந்துக்கொள்ள உதவுகிறார், ஆனால் அதற்காக அவர் நம்மிடம் வந்து பேச மாட்டார், வாசிப்பதை புரிந்துக்கொள்ள வைப்பார்!! கண்களை மூடிக்கொண்டு தியானிப்பவர்கள் தான் பரலோகம் நரகம் என்று விசிட் போய் வருவார்கள், வேதம் அப்படி கண்களை மூடிக்கொண்டு தியானித்து அர்த்தம் கொள்வதற்கு அல்ல‌!!

நீங்கள் தமிழ் வேதத்தை வைத்து உங்கள் பிரிவை (Denomination) சார்ந்து ஆராய்சி செய்து கட்டுறை எழுதுகிறீர்கள்!! நான் தமிழில் குழப்பமான இடங்களை ஆங்கிளத்திலோ அல்லது மூல பாஷையிலோ தேடி ஆராய்கிறேன்!! மனிதர்கள் கொண்டு வந்த எந்த பிரிவினையிலும் நான் பங்கு கொள்ளுவதில்லை!! கத்தோலிக்கத்திலிருந்து பெந்தகோஸ்தே என்று என் பயனத்தை தொடர்ந்து, வேதத்தில் தான் சத்தியம் இருக்கிறது, மனிதர்களின் போதனைகளில் இல்லை, அது எத்துனை பெரிய ஊழியராக இருந்தால் என்ன, என்பதை நம்புகிறேன்!!

எடுத்துக்காட்டாக:

2 தீமோ 3:16ல் "தேவன் மாம்சத்தில் வெளிப்பட்டார்" என்றவுடன் அதை கண்மூடிக்கொண்டு பிதா என்று நீங்கள் எடுத்துக்கொள்கிறீர்கள்!! ஆனால் எனக்கு அதில் உடன்பாடு இல்லை!! ஏனென்றால் தேவனை ஒருவரும் ஒரு போதும் கண்டதில்லை என்று வேதம் சொல்லும் போது இது சாத்தியம் இல்லை, அப்படி என்றால் இந்த வசனத்தை எப்படி புரிந்துக்கொள்ள முடியும் என்று கண்களை மூடிக்கொண்டு, இல்லாததிலிருந்து அர்த்தம் கிடைக்காது!! அப்படி என்றால் யார் மாம்சத்தில் வெளிப்பட்டார் என்பதை வேதமே சொல்லுகிறது, மாம்சத்தில் வந்தவர் கிறிஸ்து இயேசு தான் என்கிறது வேதம் இதற்கு இரண்டு வசனங்கள் இருக்கிறதே (1 யோவான் 4:2,3.)!! ஆக தேவன் மாம்சாத்தில் வெளிப்பட்டார் என்பதை பல மொழிப்பெயர்ப்புகள் இன்று கிறிஸ்து மாம்சத்தில் வெளிப்பட்டார் என்று எழுதியிருக்கிறார்கள்!! இதுவே சரியானதாக இருக்கும்!! தேவன் என்கிற வார்த்தை வேதத்தில் பல இடங்களில் பலருக்கு உபயோகப்படுத்தப்பட்டிருப்பதை எல்லா இடங்களிலும் சர்வவல்லமையுள்ள தேவன் தான் என்று எடுத்துக்கொண்டால் குழப்பம் தான் மிஞ்சும்!!

நண்பர் ஜோஸப் ராஜ் அவர்களிடம் சில கேள்விகள்:

1. வேதம் சொல்லும் சர்வவல்லமையுள்ள தேவன் யார்?
2. வேதம் சொல்லும் வல்லமையுள்ள தேவன் யார்?
3. இயேசு கிறிஸ்துவும் பிதாவும் ஒருவரே என்று வேதம் நேரடியாக சொல்லுகிறதா? (பரிசுத்த ஆவியை குறித்து பிறகு பேசலாம்)

இறுதியாக இந்த வசனத்தையும் விளக்க முயற்சியுங்கள், ஏனென்றால் பவுல் சொல்லியிருக்கிறார், இந்த அறிவு அநேகருக்கு இல்லை என்று,

1 கொரிந்தியர் 8:6. பிதாவாகிய ஒரே தேவன் நமக்குண்டு, அவராலே சகலமும் உண்டாயிருக்கிறது; அவருக்கென்று நாமும் உண்டாயிருக்கிறோம். இயேசுகிறிஸ்து என்னும் ஒரே கர்த்தரும் நமக்குண்டு; அவர்மூலமாய்ச் சகலமும் உண்டாயிருக்கிறது, அவர் மூலமாய் நாமும் உண்டாயிருக்கிறோம்.

இன்று இந்த அறிவு இல்லாததினால் தான் இத்துனை சபைகள்!! கிறிஸ்தவர்கள் முதலில் தேவன் யார் என்று அறிய வேண்டும், அதை பெற்றால் அனைத்தையும் புரிய தேவன் நமக்கு உதவி செய்வார்!!

நண்பர் ஜோஸப்ராஜ் இதற்கு பதில் தருவார் என்று எதிர்ப்பார்க்கிறேன் (நேரம் எடுத்து தான்)!!

This is to inform Mr Joseph Raj that I neither belong to Bible Students nor am a Jehovas' Witness!! This I say so that he doesn't put his questions or have a debate with a pre-conceived mind!! Thank you!!

சங்கீதம் 83:17. யேகோவா என்னும் நாமத்தையுடைய தேவரீர் ஒருவரே பூமியனைத்தின்மேலும் உன்னதமானவர் என்று மனுஷர் உணரும்படி,

திரித்துவர்கள் "யேகோவா" என்கிற நாமத்தை அலர்ஜியுடன் பார்ப்பவர்கள் தங்களின் பழைய ஏற்பாட்டில் இந்த வசனத்தை எப்படி தான் வாசித்து போதித்திருப்பார்களோ!! இந்த வசனத்திற்கு இனை வசனம் தான்,

1 கொரிந்தியர் 15:28. சகலமும் அவருக்குக் கீழ்ப்பட்டிருக்கும்போது, தேவனே சகலத்திலும் சகலமுமாயிருப்பதற்கு, குமாரன் தாமும் தமக்குச் சகலத்தையும் கீழ்ப்படுத்தினவருக்குக் கீழ்ப்பட்டிருப்பார்.

இன்னோரு நண்பர் ஜோஸப்ராஜ் அவர்கள் பிதாவின் நாமம் "கர்த்தர்" என்று புதிய ஒரு வெளிப்பாட்டை தந்திருந்தார்!! ஆனால் பழைய ஏற்பாட்டில் தேவன் (யேகோவா) என்பவர் தான் புதிய ஏற்பாட்டில் நமக்கு பிதா என்று இயேசு கிறிஸ்துவின் மூலமாக அறிந்துக்கொள்கிறோம்!! நம் பிதாவின் நாமம் யேகோவா என்பதை வேதம் எத்துனை தெளிவாக சொல்லியிருக்கிறது!! இவரிடம் நம்மை சேர்க்கவே கிறிஸ்து இயேசு நமக்கு வழியாக இருக்கிறார்!! கிறிஸ்து இயேசுவை தொழுதுக்கொண்டு யாரிடம் போவதற்கு என்பதில் அவர்கள் தெளிவில்லாதவர்களாக இருக்கிறார்கள்!! ஏனென்றால் அவரே தான் பிதா என்கிறார்கள், பிறகு அவரே தான் மாம்சத்தில் வந்தார், ஆனாலும் பரலோகத்திலும் இருந்தார் என்கிறார்கள், அங்கே உயிருடன் இருக்கும் போது, பூமியில் மூன்று நாட்கள் மரித்தார் (!!) என்கிறார்கள்!! மரித்தார் என்றால் சிலர் ஆத்துமாவில் என்கிறார்கள், சிலர் ஆவியில் என்கிறார்கள், சிலர் சரீரத்தில் என்கிறார்கள்!!

ஒருவர் உயிருடன் இருக்கிறார், அவரே பரலோகத்தில் உயிருடன் இருக்கிறார், அவர் மரித்த போன அவரையே உயிர்த்தெழசெய்கிறார், பிறகு ஆவியாக மீண்டும் ஊற்றப்படுகிறார்......எப்படி எல்லாம் குழம்பியும் குழப்பியும் கொண்டு இருக்கிறார்கள்!!

யேகோவா தேவன் நமக்கு பிதாவாக இருக்கிறார், அவரால் சிருஷ்டிக்கப்பட்ட கிறிஸ்து இயேசு, அவரின் முதற்பேறானவராக இருக்கிறார்!! இந்த கிறிஸ்து இயேசு, பாவத்தின் சம்பளமாகிய மரணத்தில் சிக்கிய மனிதர்களை மீட்டு எடுக்கும்படியாக தம்மை ஈடுபலியாக செலுத்தினார், இவரின் இந்த பலியினால், எல்லாரையும் மரணத்திலிருந்து உயிர்ப்பிக்கும் அதிகாரத்தை கிறிஸ்து இயேசுவிடம் தந்திருக்கிறார்!! எல்லா அதிகாரங்களை அவர் பெறுகிறார், என்றால் கொடுக்கிறவர் இவருக்கும் மேலானவராக தானே இருக்க முடியும்!! பெற்றுக்கொள்கிறவர் கொடுப்பவருக்கு கீழ்ப்படிந்திருக்கிறார் என்கிறது வேதம்!! தேவனின் சிந்தையும் வல்லமையும் கிறிஸ்து இயேசுவின் மூலமாக நம்மில் செயல்ப்படுவதே பரிசுத்த ஆவி அல்லது ஆவியானவர்!! இப்படி குழப்பமே இல்லாத ஒரு விஷயத்தை தான் வேதம் சொல்லுகிறது!!