kovaibereans

யோவான் 1:14 அந்த வார்த்தை மாம்சமாகி, கிருபையினாலும் சத்தியத்தினாலும் நிறைந்தவராய், நமக்குள்ளே வாசம்பண்ணினார்; அவருடைய மகிமையைக் கண்டோம்; அது பிதாவுக்கு ஒரே பேறானவருடைய மகிமைக்கு ஏற்ற மகிமையாகவே இருந்தது.

திரித்துவர்கள் சொல்லிக்கொண்டு இருப்பது போல் தேவன் தான் கிறிஸ்துவாக வந்தார் என்பதை முற்றிலுமாக மறுக்கும் ஒரு வசனம் இந்த வசனம்!!

யோவான் 1:1. ஆதியிலே வார்த்தை இருந்தது, அந்த வார்த்தை தேவனிடத்திலிருந்தது, அந்த வார்த்தை தேவனாயிருந்தது. 2. அவர் ஆதியிலே தேவனோடிருந்தார்.

இந்த வசனத்தை கொண்டு குழம்பியும் குழப்பியும் கொண்டு இருக்கும் திரித்துவர்களின் வாதம், வார்த்தை தேவனாக இருந்தது என்பதை கொண்டு தானே!! சரி தேவனாக இருந்த வார்த்தை தேவனோடு இருந்ததாக சொல்லப்பட்ட இருக்கிறதே, அப்படி என்றால் இரு தேவர்கள் ஒரே வல்லமை, ஒரே கால முதல் ஒன்றாக இருக்கிறார்களோ!!

தேவனுடைய வார்த்தை (தேவனுக்கு பதிலாக மனிதர்களோடு தொடர்பு கொள்ள படைக்கப்பட்ட வார்த்தையான கிறிஸ்து) தேவனுக்கு அடுத்த வல்லமையோடு இருக்கிறார்!! சர்வவல்லமையுள்ள தேவனோடு சேர்ந்து செயல்ப்படும்  வல்லமையுள்ள தேவன்!! நிச்சயமாக வித்தியாசம் இருக்கிறது!! வார்த்தையாக இருந்தவர் நிச்சயமாக சர்வவல்லமையுள்ள தேவன் கிடையாது, ஏனென்றால் வார்த்தையான தேவன் இன்னோரு தேவனோடு இருந்தார் என்று வசனம் சொல்லுகிறது!!

இனி மீண்டும் யோவான் 1:14,

இந்த வசனத்தின்படியும் அந்த வார்த்தை தான் மாம்சாமாகி நமக்குள்ளே வாசம்பண்ணினார் என்று உள்ளது!! எந்த வார்த்தை!! சர்வவல்லமையுள்ள தேவனோடு இருந்த வல்லமையுள்ள தேவனாகிய வார்த்தை (கிறிஸ்து)!! அப்படி என்றால் கிருபையினாலும் சத்தியத்தினாலும் நிறைந்தவராய் யார் நமக்குள்ளே வாசம் செய்ததாக வசனம் சொல்லுகிறது!! வார்த்தையை தானே!! வார்த்தை ஒரு தேவனோடு இருந்ததாக சொல்லப்பட்டிருக்கிறதே, அந்த தேவன் மாம்சமாகி வந்ததாக அப்போஸ்தலன் இங்கே எழுதவில்லை, மாறாக அந்த சர்வவல்லமையுள்ள தேவனோடு (ஹோ தியோஸ்) இருந்த ஒரு தேவனான் (தியோஸ்) கிறிஸ்து தான் மாம்சத்தில் வந்தார் என்று தெளிவாக வசனம் சொல்லியிருக்கிறது!!

மேலும் கிறிஸ்துவின் மகிமையானது பிதாவின் மகிமையாக இருந்தது என்றும் வசனம் இல்லை, மாறாக மிகவும் தெளிவாக, அந்த மகிமை பிதாவின் ஒரேபேறானவரின் மகிமைக்கு ஏற்ற மகிமையாக இருந்தது என்கிறது வசனம்!!

அப்படி என்றால் மாம்சத்தில் வந்தவர் சர்வவல்லமையுள்ள யெகோவா தேவனோ, அல்லது கிறிஸ்துவின் ஆவியினால் அப்பா பிதாவே என்று கூப்பிடுகிற தேவனோ அல்ல மாறாக மாம்சத்தில் வந்தவர் வார்த்தையான கிறிஸ்துவே!!

இனியும், 1 தீமோ 3:16ஐ வாசிக்கும் போது, "தேவன் மாம்சத்தில் வெளிப்பட்டார்" என்பதை "கிறிஸ்து மாம்சத்தில் வெளிப்பட்டார்" என்று வாசித்தால் தான் சரியாக இருக்க முடியும்!! மேலும் கிறிஸ்து தான் மாம்சத்தில் வந்தார் என்பதற்கு இனை வசனங்கள் இருக்கிறது!!

யோவான் 1:14 அந்த வார்த்தை மாம்சமாகி, கிருபையினாலும் சத்தியத்தினாலும் நிறைந்தவராய், நமக்குள்ளே வாசம்பண்ணினார்; அவருடைய மகிமையைக் கண்டோம்; அது பிதாவுக்கு ஒரே பேறானவருடைய மகிமைக்கு ஏற்ற மகிமையாகவே இருந்தது.

1 யோவான் 4:3. மாம்சத்தில் வந்த இயேசுகிறிஸ்துவை அறிக்கைபண்ணாத எந்த ஆவியும் தேவனால் உண்டானதல்ல;

இந்த இரண்டு வசனங்களுமே, 1 தீமோத்தேயு 3:6ஐ "கிறிஸ்து மாம்சத்தில் வெளிப்பட்டர்" என்பதற்கான இனை வசனங்கள்!! ஆனால் "தேவன் மாம்சத்தில் வெளிப்பட்டார்" என்பதற்கு இனை வசனம் கிடையாது!!

1 யோவான் 1:3.............எங்களுடைய ஐக்கியம் பிதாவோடும் அவருடைய குமாரனாகிய இயேசுகிறிஸ்துவோடும் இருக்கிறது.

யோவான் எழுதும் போது, எங்களுடைய ஐக்கியம் பிதாவாகவும் குமாரனாகவும் இருக்கிற இயேசு கிறிஸ்துவோடு இருக்கிறது என்று எழுதவில்லையே!! மிகவுல் தெளிவாக, அங்கே இருவர், இரு தனிபட்ட நபர், பிதாவுக்கு முக்கியத்துவம் தந்து, முதலாவது ஐக்கியம் பிதாவோடும், பின்பு அவரின் குமாரனான கிறிஸ்து இயேசுவோடும் இருக்கிறது என்று தானே எழுதியிருக்கிறார்!!

மேசியாவின் எதிரிகள் யார் என்றால் இயேசு கிறிஸ்து காண்பித்து கொடுத்த பிதாவை கனம் பண்ணாதவர்களே!!

என்னால் அன்றி ஒருவனும் பிதாவிடத்தில் வரான் என்று சொன்னவர், என்னால் அன்றி ஒருவன் என்னிடத்தில் வரான் என்று சொல்லியிருந்திருக்கலாம்!! சத்திய வசனங்கள் சத்தியத்தை சொல்லும் வேத புரட்டர்கள் அதை புரட்டு புரட்டுன்னு புரட்டி எடுத்து ஒரிஜினல் மேசியாவின் எதிரிகளாக நிற்கிறார்கள்!!

மேசியா கற்று கொடுத்ததை கைக்கொள்ளாதவர்களே மேசியாவின் எதிரிகளாக இருக்க முடியும்!! கிறிஸ்து தான் மாம்சத்தில் வெளிப்பட்டர் என்பதை மறுதலித்து பிதா தான் மாம்சத்தில் வெளிப்பட்டர் என்று சொல்லு கூட்டமே மேசியாவின் எதிரிகள்!! மொத்தத்தில் கிறிஸ்துவின் போதனைகளை யூகங்களாக மாற்றி பிரசங்கித்து வரும் கூட்டத்தார் தான் மேசியாவின் எதிரிகள்!!