kovaibereans

மிகமுக்கியமானதொரு பதிவைத் தந்த சகோ.பெரியன்ஸ் அவர்களுக்கு பாராட்டுக்கள், வாழ்த்துக்கள்.

அவரது பதிவிலுள்ள எழுத்துப்பிழை மற்றும் வார்த்தை அமைப்பு பிழை காரணமாக, அவரது பதிவைப் படிக்கவும் புரிந்துகொள்ளவும் ஒருசிலருக்கு சிரமமாக இருக்கலாம். எனவே அப்பதிவை ஓரளவு திருத்தித் தந்துள்ளேன்.

திருத்தப்பட்ட பதிவு:

”எபிரெயர் 1:1. பூர்வகாலங்களில் பங்குபங்காகவும் வகைவகையாகவும், தீர்க்கதரிசிகள் மூலமாய்ப் பிதாக்களுக்குத் திருவுளம்பற்றின தேவன்,

2. இந்தக் கடைசி நாட்களில் குமாரன் மூலமாய் நமக்குத் திருவுளம்பற்றினார்;

பிதாவாகிய‌ தேவ‌ன் மூல‌மாக‌ வ‌ந்த‌ வெளிப்பாடுக‌ளை ப‌ழைய‌ ஏற்பாட்டு தீர்க்க‌த‌ரிசிக‌ள் த‌ங்கள் சொந்த‌ புத்தியை உப‌யோகிக்காம‌ல், ப‌ரிசுத்த‌ ஆவியின் துணையால் எழுதினார்க‌ள், அப்ப‌டியே அவ‌ரின் குமார‌னான‌ இயேசு கிறிஸ்துவின் மூல‌மாக‌ திருவுள‌ம்ப‌ற்றிய‌ தேவ‌ன், அப்போஸ்த‌ல‌ர் மூல‌மாக‌ அதை எழுத்து வ‌டிவ‌ம் கொடுக்கும்படி, அதே ப‌ரிசுத்த‌ ஆவியை த‌ந்த‌ருளினார். இப்படியாக‌ அவ‌ர்க‌ள் மூல‌ம் நாம் இன்று வாசிக்கிற வேத‌ம் நமக்குக் கிடைத்த‌து. அதை எழுதுவத‌ற்கு அவ‌ர்க‌ளிட‌ம் ச‌ரியான‌ காகித‌ம் இல்லை, ஆனாலும் அவ‌ர்க‌ள் சுயமாக சிந்திக்க‌வுமில்லை, எதையும் த‌ட‌ங்க‌லாக நினைக்க‌வுமில்லை. மாறாக, அவ‌ர்க‌ளுக்கு கொடுக்க‌ப்ப‌ட்ட‌ ப‌ணியை சிற‌ப்பாக‌ செய்தார்க‌ள்!

இன்று க‌ள்ள‌ அப்போஸ்த‌ல‌ர்க‌ள் ப‌ல‌ர் தோன்றி, தேவ‌ன் த‌ந்த‌ வெளிப்பாடு என்று ப‌ல‌தை சொல்லுகிறார்க‌ள்! வேத‌த்தில் இல்லாத‌ விஷ‌ய‌ங்க‌ள் என்றும் சொல்லுகிறார்க‌ள், ஆனால் தேவ‌ன் த‌ந்த‌ வெளிப்பாடுதான் என்றும் சொல்லுகிறார்க‌ள். இவ‌ர்க‌ள் எந்த‌ ஆவியில் இந்த‌ வெளிப்பாடுக‌ளை பெறுகிறார்க‌ள் என்று தெரிய‌வில்லை. மெய்யாக‌வே தேவ‌னிட‌த்திலிருந்து தான் வ‌ருகிற‌து என்றால், எழுத்து வ‌டிவ‌த்தில் கொண்டு வ‌ர‌ அப்ப‌டி என்ன‌ த‌ட‌ங்க‌ல் என்று புரிய‌வில்லை. அப்போஸ்த‌ல‌ரின் கால‌த்திலும் ப‌ழைய‌ ஏற்பாட்டு தீர்க்க‌த‌ரிசிக‌ளின் காலத்திலும் இன்றைய‌ கால‌த்து வ‌ச‌திக‌ள் இல்லாம‌ல் இருந்தும் அவ‌ர்க‌ள் தெளிவாக‌ தேவ‌னின் திட்ட‌ங்க‌ளை எழுதியிருக்கிறார்க‌ளே! இன்று நாம் ந‌ம் யோச‌னைக‌ளை போட்டு க‌ச‌க்குவ‌தால் ஏற்ப‌டும் க‌னவுக‌ளை தேவ‌ன் த‌ந்த‌ வெளிப்பாடு என்று ந‌ம்புவ‌தால்தான் குழ‌ப்ப‌ம் அதிக‌ம், குழ‌ம்புவ‌தும் அதிக‌ம், குழ‌ப்புவ‌தும் அதிக‌ம்.

இன்று அநேக‌ர் இப்ப‌டி தோன்றி கிறிஸ்த‌வ‌ம் சொல்லாத‌ ப‌ல‌ க‌ருத்துக்க‌ளை சொல்லி இது தேவ‌னிட‌த்திலிருந்து வ‌ந்த‌து என்று சொல்லுவ‌தில் ச‌ற்றும் அச்ச‌ம் கொள்வ‌தில்லை. தேவ‌னின் மெய்யான‌ வார்த்தைக‌ள் வேத‌த்தில் மாத்திர‌மே. அவ‌ரின் திட்ட‌ம் அதில் தெளிவாக‌ விள‌க்க‌ப்ப‌ட்டிருக்கிற‌து. அதே வேத‌த்தில்தான், இதுபோன்ற‌ க‌ள்ள‌ ஆசாமிக‌ள் வ‌ருவார்க‌ள், விசுவாசிக்கிற‌வ‌ர்க‌ளையே ஏமாற்றுவார்க‌ள், அவ‌ர்க‌ளுக்கு எச்ச‌ரிக்கையாக இருங்க‌ள் என்றும் இருக்கிற‌து. இந்த வேத‌த்தை தெளிவாக‌ வாசித்தாலே இதுபோன்ற‌ க‌ள்ள‌ ஆசாமிக‌ளிட‌ம் ஜ‌ன‌ங்க‌ள் எச்ச‌ரிக்கையாகி விடுவார்க‌ள்!! வேத‌த்தின் க‌டைசி புத்த‌க‌த்திலேயே, இத்துட‌ன் எதையும் சேர்க்க‌ கூடாது என்றும், எடுக்க‌வும் கூடாது என்றும் போட்டிருந்தும், இதை எல்லாம் எழுதி கொடுத்த‌ தேவ‌ன், இந்த‌ க‌ள்ள‌ ஆசாமிக‌ள் (அப்போத‌ல‌ர்க‌ள் என்று இவ‌ர்க‌ளை சொல்ல‌க்கூட‌ க‌ஷ்ட‌மாக‌ இருக்கிற‌து) மூல‌ம், அவரே அவ‌ர் எழுதிய‌தற்கு மாறான புதிய‌ வெளிப்பாடுக‌ளை தருவாரா? இந்த‌ க‌ள்ள‌ ஆசாமிக‌ளை ந‌ம்புவோரே! வேத‌த்தை வாசித்து இவ‌ர்க‌ளின் கோமாளித்த‌ன‌த்திற்கு முற்று புள்ளி வைய்யுங்க‌ள்!!”

சகோ.பெரியன்ஸின் அனுமதியில்லாமல் அவரது பதிவில் திருத்தம் செய்த என்னை அவர் மன்னிப்பார் என நம்புகிறேன்.

-- Edited by anbu57 on Monday 5th of July 2010 07:05:26 AM

குறைகளை மாத்திரமே பார்த்து பழகிய சிலருக்கு, தளம் முழுவதுமே குறை குறுவதாக தெரிகிறது. இந்த தளத்தில் பிரயோஜனமான எத்தனையோ சத்திய வசனங்களை வைத்து எழுதிய விஷயங்கள் இருந்தாலும், குறைகளை மாத்திரமே பதியும் தளம் என்று விமர்சிப்பவர்கள், அவர்களின் தளங்களின் மற்றவர்களின் கருத்துக்களுக்கு எந்த அளவிற்கு மதிப்பு தருகிறார்கள் என்று எனக்கு தெரியும். என் பதிவுகளை அனைத்தையும் அந்த தளத்தில் பதிந்து விட்டு பிறகு தள நிர்வாகியின் கருத்துக்களுக்கு ஒத்துவரவில்லை என்று நீக்கம் செய்ய நிர்பந்தம் செய்யப்பட்டேன். இப்படி தங்களின் கருத்துக்களை ஒத்த கருத்த்கள் மாத்திரமே பதிய வேண்டும் என்கிற தளங்களின் வேறு என்ன எதிர்பார்க்க முடியும்.

யாரை வேண்டுமென்றாலும் குறைகூறுவது இந்த தளத்தின் நோக்கம் அல்ல, ஆனால் வசனத்திற்கு மாற்றாக எந்த கருத்துகள் எந்த இடத்தில் இருந்தாலும், அதை எழுத்து வடிவில் எதிர்க்க எனக்கும் தேவன் ஞானத்தை தருகிறார் என்பதை தாழ்மையுடன் பதிவிடுகிறேன்.வேதத்தின் முடிவிலே "எதையும் சேர்க்க கூடாது, எதையும் குறைக்க கூடாது" என்கிற வசனம் தேவனே தந்து விட்டு இப்பொழுது அதே தேவனா தான் கொடுத்த வார்த்தைகளை விட்டு விட்டார். இல்லை இது இந்த பிரபஞ்சத்தின் தேவனின் வேலையாகும். தேவன் கொடுத்தது கொடுத்தது தான். அதில் யாரும் ஒன்றும் சேர்க்க கூடாது என்றால் சேர்க்க கூடாது தான். அதையும் மீறி நிச்சயமாக நம் தேவன் இப்படி புதிய வெளிப்பாடுகலை தந்து மக்களை குழப்பமடைய செய்ய மாட்டார் என்பது அதிக நிச்சயம். அதுவும் எதோ ஒரு 100, 200 ஜனங்கள் வாசிக்கும் படியாக வேதத்தில் இல்லாத எந்த ஒரு விஷயமும் தேவன் தருவதில்லை என்பதிலும் நான் உறுதியாக இருக்கிறேன். இப்படி தான் உலகம் முழுவதும் ஆங்கொன்றும் இங்கொன்றும் என்று ஒரு சிலர் எழும்பி எனக்கு தேவன் இதை வெளிப்படுத்தினார் என்றும், அதை வெளிப்படுத்தினார் என்றும் கூறி வருவது இன்று அல்ல, அப்போஸ்தலர்கள் காலத்திலேயே தொடங்கியது. அவர்களை தான் வேதம் கள்ள அப்போஸ்தலர்கள் என்கிறது.

யாரும் அவர் அவர் தளத்தில் பதிய எல்லா சுதந்திரங்களும் உண்டு. இந்த தளத்தில் எனக்கு ஒத்து போகாத பல கருத்துக்கள் இருந்தாலும், விவாத மேடை என்கிற காரணத்தினால் அதை நான் நீக்குவது இல்லை, இதுவும் இந்த தளத்தின் சிறப்பாகாகும். எபி 1:1,2ல் உள்ளது போல், தேவனும், கிறிஸ்துவும், இந்த உலகத்திற்கு இரட்சிப்பை குறித்த அனைத்தையும் அவர்களின் கருவிகளான தீர்க்கதரிசிகளும், அப்போஸ்தலர்களும் ஏற்கனவே எழுதி விட்டார்கள், இனியும் புதிதாக சேர்த்துக்கொள்ளும் அளவிற்கு ஒன்றும் இல்லை. எத்துனை பேர் தான் இப்படி என்னிடம் தேவன் வெளிப்படுத்தினார் என்று கிளம்புவார்கள் என்று தெரியவில்லை, ஆனால் தேவனின் ராஜியம் வரும் மட்டும், இது நிச்சயம் தொடரும், ஏனென்றால் அது வரையில் இந்த பூமி "இந்த பிரபஞ்சத்தின் தேவனான சாத்தானிடம்" ஒப்பு கொடுக்க பாட்டிருக்கிறது என்பது வேதத்தை தியானிக்கும் ஒவ்வொருவருக்கும் தெரிந்திருக்கும் என்றே நினைக்கிறேன். யாரும் இதை தரகுறைவான வார்த்தைகள் என்று எடுத்துக்கொள்ள அவசியம் இல்லை, ஏனென்றால் இந்த தளத்தில் பதிவுகள் தருவோருக்கும் வேதத்திலிருந்து வெளிப்பாடுகள் இருக்கிறது.

-- Edited by RAAJ on Wednesday 7th of July 2010 07:22:57 PM

bereans wrote:

---

தங்களின் அத்துமீறலான ப‌திலும் சற்றும் நாகரீமற்ற வார்த்தைகள் (திரியின் தலைப்பு "க‌ள்ள‌ ஆசாமிக‌ள்!! இது  என்ன  சகோதரரே? உங்கள் பெயரை நீங்களே திரியின் தலைப்பாக் வைத்திருக்கிறீர்கள்!) தங்களின் உண்மை நிலையும் எந்த ஆண்டவன் தங்களிடம் பேசுகிறான் என்பதையும் தெளிவு படுத்தியிருக்கிறது. இப்படி பட்ட புத்தி படைத்த ஒரு மனிதனிடம் தேவன் பேசுவார் என்பது வெறும் பிதற்றல். 

---

 

கள்ள தீர்க்கதரிசிகள் அப்போஸ்தலர்கள் காலம் முதல் இருக்கிறார்கள்.

1 கொரி. 13:8 "தீர்க்கதரிசனங்களானாலும் ஒழிந்துபோம்,

மேலும்,

9. நம்முடைய அறிவு குறைவுள்ளது, நாம் தீர்க்கதரிசனஞ் சொல்லுதலும் குறைவுள்ளது.

10. நிறைவானது வரும்போது குறைவானது ஒழிந்துபோம்.

அந்த நிறைவான வேத புத்தகம் ஆதி முதல் (ஆதியாகமம்) வரும் காரியங்கள் வரை (தீர்க்கதரிசன புத்தகங்கள் மற்றும் வெளிப்படுத்தின விசேஷம்) அனைத்தையும் சொல்லி முடித்தாகி விட்டது. இனி தீர்க்கதரிசனம் என்றால் இதில் சொல்லப்பட்ட தேவனின் வார்த்தைகளை எடுத்து சொல்லுவது தானே அன்றி புதிதாக தேவன் தீர்க்கதரிசனங்களும், இதில் இல்லாததை வெளிப்பாடுகளாக தருகிறார் என்பது இல்லை. கள்ள தீர்கதரிசிகள் நிச்சயமாக இதில் இல்லாததை தான் சொல்லுவார்கள். நிறைவானது வந்துவிட்ட பிறகும் இன்னும் வெளிப்பாடுகள் தீர்க்கதரிசனங்கள் புதிதாக இருக்கிறது என்று சொல்லுவது நிச்சயமாகவே தேவன் தந்த வேதத்தை அவமதிக்கிறதாகவே இருக்கும். கள்ளதீர்க்கதரிசிகள் எந்த ஆவியில் பேசுகிறார்கள் என்பதை ஆறாய்ந்து அறிவதற்கும் வேத புத்தகமே நமக்கு உதவும்.

ப‌வுல் சொன்ன‌து போல், தேவ‌னிட‌த்தில் நேர‌டியாக‌ வெளிப்பாடுக‌ளாக‌ கிடைத்த‌ தீர்க்க‌த‌ரிச‌ன‌ங்க‌ள் ஒழிந்துபோயிற்று, ஆனால் வேத‌த்தில் உள்ள‌ தீர்க்க‌த‌ரிசன‌ங்க‌ளை எடுத்து உறைக்க‌ எந்த‌ த‌டையும் இல்லை, ஆனால் எழுதிய‌த‌ற்கு மிஞ்சி எண்ணாம‌ல் பேசினால் ச‌ரி தான். வேத‌ம் முழுவ‌தும் தேவ‌னின் திட்ட‌ம் அப்ப‌டியே எழுத‌ப்ப‌ட்டிருக்கிற‌து, தேவ‌னின் ஆவியை (சிந்தையை. கிறிஸ்துவின் சிந்தை உங்க‌ளுக்குள் இருக்க‌ட்டும்) பெற்ற‌ ம‌னுஷ‌னே அதை ப‌குத்த‌றிய‌ முடியும் என்கிற‌து வேத‌ம். வேத‌ புத்த‌க்க‌த்தை ந‌ம் பார்வையில் பார்க்காமல் தேவ‌னின் பார்வையில் பார்த்தோமென்றால், ந‌ம்மிட‌ம் இந்த‌ பிர‌ப‌ஞ்ச‌த்தின் தேவ‌ன் பேசி அதை தீர்க்க‌த‌ரிசன‌ம், வெளிப்பாடுக‌ள் என்று சொல்ல‌ அவ‌சிய‌ம் இருக்காது, மாறாக‌ வேத‌ புத்த‌க‌ம் ந‌ம‌க்கு ஒரு விசேஷ‌மான‌ புத்த‌க‌மாக‌ தோன்றும்.

My reply in lord.activeboard

"உங்கள்  1500 பதிவுகளில்  உள்ள  சத்தியத்தை ஓரிரு  வரியில் சொல்லட்டுமா?
 
"உனது இஸ்டப்படி நீ எப்படி வேண்டுமானாலும் வாழலாம் தேவன் உன்னை மட்டுமல்ல  எல்லோரையும் மீட்டுவிடுவார். நரகமில்லை பாதாளமில்லை, தப்புக்கு தண்டனையே  இல்லை,  ஜெபம் வேண்டாம் சுவிஷேசம் வேண்டாம்"  என்பதுதானே. "

பிசாசு காட்டும் வெளிப்பாடுகளில் பிழைத்து ஜனங்களை மோசம் போக்கி கொண்டிருப்போரு தேவனின் இரட்சிப்பை நிச்சயமாக இப்படி தான் அசட்டையாக புறிந்துக்கொள்வார்கள் என்பது தங்களின் இந்த வரிகள். "உன் இஷ்டப்படி வாழலாம்" என்று நான் ஒரு போதும் சொல்வதில்லை. ஆனால், இயேசு கிறிஸ்துவின் மீட்கும் பொருளால் (1தீமோ 2:4,5,6) எல்லாருக்கும் இரட்சிப்பு உண்டு என்று சொல்வதில் தயங்குவதில்லை. அவியாத அக்கினியில் தான் தேவ அன்பு வெளிப்படுகிறது என்று பிசாசின் வெளிப்பாடுகளை வைத்து தேவனை கொச்சை படுத்தும் உங்களை போல் இந்த வசனத்தை புரிந்துக்கொள்ள மாட்டார்கள், சொல்லவும் மாட்டார்கள். இருதயத்தில் நினைவுகளை வாய் பேசும் என்பது தான் வசனம். உங்களை போன்றோர் அவ்வித அன்பின்றி இருப்பதால் தான் அநேகரை தேவன் அக்கினியில் நித்தியத்திற்கும் போட்டு எடுப்பார் என்பது போன்ற என்னங்களும் அதினால் வரும் பிசாசின் கனவுகளை தேவ வெளிப்பாடு என்று தேவனை தூஷித்துக்கொண்டு எழுத துனிந்திருக்கிறீர்கள். இது உங்களுக்கு மாத்திரம் இல்லை உங்களை போல் அநேகர் இந்த தூஷனத்தை செய்துக்கொண்டு இருக்கிறார்கள்.

ஜெபிக்க வேண்டாம் என்பது எங்கள் கருத்து அல்ல, தேவ சித்தத்தின் படி ஜெபியுங்கள் என்பது தான் நாங்கள் எங்கள் தளத்தில் சொல்லுகிறோம். அப்படியே, இரட்சிப்பை தான் சுவிசேஷமாக சொல்லி வருகிறோம் அது நிசயமாக உங்களை போல் ஜனங்களின் அழிவை ரசிப்பவர்களுக்கு சுவிசேஷமாக தெரியாது. நாங்கள் நரகத்தை போதிக்காத‌தினால் அது உங்கள் பார்வையில் நாங்கள் சுவிசேஷம் சொல்லவில்லை என்று ஆகிவிட்டது. என்ன செய்வது அவர் அவர் இருதயத்தில் இருப்பது தானே வெளிபடும்.

மேலும் தாங்கள் போதிக்கும் நீதியின் போதகம் எல்லா மார்கங்களும் மதங்களும் சொல்லும் போதகம் தான். அது நால் தான் பிரமன்னை முதல் தேவனாக உங்களால் தைரியமாக எழுத முடிகிறது. இப்படி எல்லாம் தேவ ஞானம் உள்ள உங்களிடம் எந்த தேவன் வெளிப்பாடுகளை தருகிறான் என்பதில் எனக்கு எந்த சந்தேகமும் கிடையாது.

உங்கள் தளத்தில் எழுதுவதில்லை ஆனால், எல்லா தேவ தூஷனங்களும் என் தளத்தில் நிச்சயமாக எதிர்த்து எழுதப்படும். வெளிப்பாடுகள் தரிசனங்கள் உட்பட. தேவ வெளிச்சம் மக்கள் மேல் வந்துக்கொண்டிருக்கும் காலம் இது, பிசாசின் தந்திரமான தரிசனங்கள் செயலிழந்துக்கொண்டிருக்கும் காலம் இது. மீண்டும் அனைவருக்கும் இரட்சிப்பு என்று தான் வேதம் சொல்லுகிறது என்று என் சுவிசேஷ பணியை செய்கிறேன்.

http://lord.activeboard.com/index.spark?aBID=134574&p=3&topicID=36864106
__________________

"உம்முடைய‌ வசனமே சத்தியம்." யோவான் 17:17

இவரின் கோட்பாடுகளும், இவர்களின் வெளிப்பாடுகளும் இவரின் தளத்தில் பதிந்திருக்கும் தரிசனங்களையும் வைத்து இங்கே பதிலாக தந்திருக்கும் பதிவை வாசித்து பாருங்கள், எத்துனை முறன்படுகள் இருக்கிறது.

எல்லாரும் இரட்சிக்கப்படவேண்டும் என்பது இவர் நினைக்கிறார் ஆனால் நரகம் இருக்கிறது என்று தேவன் இவருக்கு காண்பிக்கிறார், முறன்பாடாக இல்லை!!

ஆனால் வேதம் சொல்லுவது அனைவரின் இரட்சிப்பும் தான். அந்த இரட்சிப்பு ஏற்கனவே தீர்ப்பாக சொல்லப்பட்டுவிட்டது (ரோம் 5:19), இந்த இரட்சிப்பை தான் நாங்கள் இந்த தளத்தில் சுவிசேஷமாக சொல்லி வருகிறோம். சுந்தர் அவர்கள் எழுதிய பதில்களை வாசித்து அதில் இவர் சொல்ல வரும் கருத்துக்களை பகிர்ந்துக்கொள்ள அழைக்கிறேன்.

சுந்தர் எழுதுகிறார்:

"ஓரிரு வசனத்தை பிடித்துகொண்டு "எல்லோருக்கும் மீட்பு" என்று சொல்லும்  நீங்கள், சுமார்  ஐம்பது அறுபது வசனம் சொல்லும் "துன்மார்க்கருக்கு தண்டனை உண்டு" என்றும் அதுவும் "நித்திய ஆக்கினை உண்டு" என்றும் சொல்லும் வசனத்தை ஏன் கருத்தில் கொள்வதில்லை? அவ்வசனமும் வேதத்தில்தானே இருக்கிறது!  "

ஓஹோ, ஓரிரு வசனத்தில் தேவனின் முழுமையான இரட்சிப்பு இருந்தாலும் அந்த ஒரிரு வசனங்கள் பொய்யாகிவிடுமோ. வேதத்தை தேவனின் தன்மையிலிருந்து தான் புரிந்துக்கொள்ள வேண்டுமே தவிர, நாம் பார்க்கும் கணவுகளால் அல்ல. தேவன் அன்புள்ளவராக இருக்கிறார் என்றால் வேதத்தில் வரும் தண்டனை, அக்கினிக்கு என்ன அர்த்தமாக இருக்க முடியும் என்று பார்க்கவேண்டுமே தவிர உங்களின் மனவிருப்பத்தின்படி அல்ல!! ஒரு இரு வசனங்களும் வேதத்தில் இருப்பது உண்மையே, இல்லை என்றால் அந்த வசனங்களை தங்களின் வேதத்தில் இருந்து எடுத்து போட்டு விடுங்கள்!!

நரகம் மரணம் என்றால் என்ன என்று புரியாதவர்களுக்கு இந்த அக்கினி ஒரு சுவாரசியமான விஷயம் தான், செம்மறி ஆடு என்றால் நல்லவர்களாம், வெள்ளாடு என்றால் தீயவர்களாம், ஆனால் அக்கினி என்றால் மாத்திரம் அக்கினியாம். இது தான் உங்களை போன்றோர் உவமைகளை புரிந்துக்கொள்ளும் இலட்ச்சனம். சரி நீங்கள் தொடர்ந்து கணவுகளாக பார்த்து இல்லாத ஒரு அக்கினியை எழுதி தள்ளுங்கள், நாங்கள் எங்கள் வேலையை பார்க்கிறோம், அதான் தேவ அன்பை எடுத்து சொல்லுவது தான் எங்கள் வேலை, உங்களை போல் அழிவை விரும்புவது அல்ல‌!!

-- Edited by bereans on Friday 16th of July 2010 07:22:55 AM