kovaibereans

சமீபத்தில் எங்கள் சிறிய ஊரில் "சமாதானப் பெரு விழா" என்கிற ஒரு நிகழ்ச்சி பிரபலமான ஊழியர்களை கொண்டு நடத்தப்பட்டது. சரி பெருவிழா என்று நாங்கள் நண்பர்கள் அனைவரும் ஆவலுடன் என்ன நடக்கிறது என்று போனால், மேடை ஏறுகிற அனைவரும் தொட்டா சுருங்கி போல் தேவ ஊழியர் (!!) தொட்டவுடன் கீழெ விழுந்து எழும்புகிறார்கள். விழா என்றால் விழமாட்டார்கள் என்று என்னியது தவறு போல், அனைவருமே அந்த ஊழியரின் கை பட்டு கீழெ விழுவதை பெரும் "பாக்கியமும்" ஆசீர்வாதமும் என்று என்னி அப்படி நடந்துக்கொண்டது வேதனையாக இருந்தது.

இப்படி ஆவியில் கீழே விழுவது உண்மையா? அப்படி என்றால் எந்த ஆவியில் கீழே விழுகிறார்கள்!! பரிசுத்த ஆவியினால் என்றால் அது வேதத்திற்கு புறம்பாக இருக்கிறதே!! பரிசுத்த ஆவி பெற்றவர்கள் பலம் கொண்டு எழுந்து தான் நிற்க முடியுமே தவிர விழ முடியாதே!! அசுத்த ஆவி என்றால் அது எப்படி அந்த "தேவ ஊழியர்களும்" ஆவி அசைவாடிக்கொண்டிருக்கும் இடத்திற்கும் வர முடியும்!? பென்னி ஹின் போன்ற வெளிநாட்டு ஊழியர்கள் (!!) செய்யும் சில வித்தைகளை கற்றுக்கொண்டு நம்மவர்களும் இங்கு கலக்கி கொண்டு இருக்கிறார்கள்.

வேதத்தில் விழுந்தவர்கள் முகம் குப்புற விழுந்தார்களே. பின்னீட்டு விழுந்தவர்கள் ஒன்று கெத்சமனே தோட்டத்திலும், ஒரு வேலை இயேசு கிறிஸ்துவின் கல்லறையை காவல் காத்த அந்த ரோம படை வீரர்கள் மாத்திரமே. 

அசுத்த ஆவியில் தான் விழுகிறார்கள் என்றால் அதில் பல ஊழியர்களும் இருந்தார்களே, அப்படி என்றால் இத்துனை நாட்கள் அவர்கள் அந்த அசுத்த ஆவியில் தான் சபையை நடத்தி வந்து இருந்தார்கள் என்று சபை மக்களுக்கு முன்பாக ஒப்பு கொள்வார்களா? பரிசுத்த ஆவி என்பது தேவன் ஒருவரால் மாத்திரமே கொடுக்க முடியும் ஒரு காரியம்!! அப்போஸ்தலர்கள் இருக்கும் மட்டும் அவர்களுக்கு அந்த அதிகாரம் இருந்தது. அவர்கள் யார் மீது கைகளை வைக்கிறார்களோ அவர்கள் பரிசுத்த ஆவியை பெற்று கொள்வார்கள், அதற்கென்று சில அடையளாங்கள் வெளிப்படுத்துவார்கள் என்று தான் வேதத்தில் இருக்கிக்றது, அதற்கு மாறாக இன்று நடப்பது போல் யாரும் யாருக்கும் பரிசுத்த ஆவி கொடுக்க முடியாது.

ராணுவ கமாண்டர்கள் போல் வந்திருந்த இரு  ஊழியர்கள்களும் மேடையில் வலம் வர இரு நீண்ட வரிசைகளில் ஆண்கள் தனியாகவும், பெண்கள் தனியாகவும் மேடையில் ஏற்றப்பட்டார்கள், ஆண் வரிசைக்கு ஆண் ஊழியரும் பெண்கள் வரிசைக்கு பெண் ஊழியரும் நின்றார்கள். ஆண் ஊழியரிடம் ஆண்கள் அவரிடம் போய் விழுந்து எழுந்தார்கள், பெண் ஊழியரோ வரிசையில் நிற்பவரை வந்து தொட்டவுடன் (தள்ளி விடுவது அப்பட்டமாக தெரிந்தது) பெண்கள் கீழே விழுந்து எழுந்தார்கள். விதவிதமாக விழுந்தார்கள். எனக்கு இருக்கும் பெரும் சந்தேகமே என்னவென்றால், கூட்டத்திற்கு வந்திருந்த பெரும்பாலும்மானோர் வந்து விழுகிறார்களே, அப்படி என்றால் வந்திருந்த ஒருவரிலும் நல்ல ஆவியில் இல்லையா!!

விழுந்து எழுந்து நடந்து வந்த ஒரு முகத்திலும் ஒரு சந்தோஷம் இல்லையே!! பரிசுத்த ஆவி கிடைத்த சந்தோஷமோ அல்லது அசுத்த ஆவி வெளியேறிய சந்தோஷமோ இல்லையே!! அப்படி என்றால் மேடையில் என்ன தான் நடக்கிறது. கீழே விழுந்து எழுந்து போவது வேதத்தில் எந்த வசனத்தின் அடிப்படைஇயில்!?

இதில் விசேஷம் என்னவென்றால் தள்ளி விடுபவர் கீழே விழுவது இல்லை, கீழே விழுபவர்களை தாங்கி கொள்பவர் கீழே விழுவது இல்லை, மேடையில் இருக்கும் மற்றவர்கள் (அபிஷேகம் பெற்றவர்களாம்!!) கீழெ விழுவது இல்லை, அது என்னமோ கீழே விழவேண்டும் என்று வரிசையில் வருபவர்கள் மாத்திரம் கீழே விழுந்து எழுந்து முகத்தை தொங்கப்போட்டு மேடை விட்டு இறங்குகிறார்கள். ஒரு சிலர் மாத்திரம் இவர்கள் எத்துனை தள்ளியும் கீழே விழாமல் வருகிறார்கள்!!

மொத்தத்தில் ஏதோ பீ.சீ சர்கார் மாயாஜால ஷோ பார்த்து வந்த மாதிரியாக இருந்தது. அந்த மைதானத்தில் ஊணமுற்றவர்கள் பிச்சை எடுத்துக்கொண்டு இருந்தவர்கள் சுகம் பெறாமல் கவனிப்பாரற்று விடப்பட்டார்கள்!! மேடையில் இருக்கும் வல்லமை ஏனோ இவர்களிடம் சென்று அடைவதில்லை என்பது இன்னும் வேதனை!! ஏன் கிறிஸ்தவர்கள் இது போன்ற மாயா ஜாலங்களில் இருந்து வெளிவர தயங்குகிறார்கள்............

இந்த நிகழ்ச்சியை குறித்து இன்னும் விமர்சனம் எழுதுவேன்....