kovaibereans

bereans wrote:

---

//ச‌கோத‌ர‌ர் அவ‌ர்க‌ள் எங்க‌ள் மேல் என்ன‌ கோப‌த்தில் இருக்கிறார் என்று தெரிய‌வில்லை.// 

 ஐயோ கோபம் எதுவும் இல்லை சகோதரர் பெறேயன் அவர்களே.

நீங்கள் காட்டும் வழி என்பது "ஒன்றுமே செய்யவேண்டாம், நீங்கள் எப்படிபட்டவர்களாக இருந்தாலும் சரி  உங்களுக்கு நிச்சயம் நித்யஜீவன் உண்டு" என்று இடுக்கமான வாசலை விரிவாக்கி எல்லோரையும் சோம்பேறி ஆக்கிவிடும் போல் இருக்கிறது      

இயேசு எல்லோருடய ரட்சிப்புக்காகவும் மரித்தாலும் "அவரை விசுவாசிப்பவனே கெட்டுபோகாமல் நித்ய ஜீவனை அடைவான் என்றும் விசுவாசியாதவனோ அக்கினைக்குள்ளாக தீர்க்கபடுவான்" என்று வசனம் தெளிவாக சொல்லும் பட்சத்தில், 

எல்லாமே தேவனுடைய திட்டப்படி தேவனுக்கு முன்னே தெரியுமென்றால், நான் என்னசெய்து என்னவாகிவிட போகிறது நான் எப்படிவேண்டுமானாலும் நடப்பேன் தேவன் போட்ட திட்டம்தானே நடக்கபோகிறது என்று ஏனோதானோ வாழ்க்கைக்கு வழி வகுக்கிறது. பிறகு இவ்வளவு பெரிய பைபிளை கொடுத்து "நீ இப்படி நட, அப்படி நட அல்லது உன்னை தண்டிப்பேன்" என்று தேவன் சொல்வது எல்லாம் வெறும் நாடகமாகி விடுகிறது.

இயேசுவின் அன்பை ருஷித்தவன் எவனும் கடைசி நிமிடம்வரை சுவிசேஷம் சொல்லலாம். அதேபோல் இயேசுவின் வருகையின் கடைசி நிமிடம் வரை இரட்சிப்பு உண்டு.  என்ற கருத்தைவிட்டு, சுவிசேஷம் என்றால் என்னவென்பதை அறிந்தவன்தான் சுவிசேஷம் சொல்லவேண்டுமென்றால் உங்களைபோல ஒரு பத்து பதினைதுபெர்தான் சுவிசேஷம் சொல்ல முடியும் அவ்வாறு நடந்திருந்தால் நீங்கள் கூட இன்று  இயேசுவை அறிந்திருக்க முடியாது என்று நான் கருதுகிறேன்.

வேதவசனத்தின் உண்மை சாத்தியங்களை அறிந்து வழிநடத்தும்  பரிசுத்த ஆவியானவரின் வல்லமைகளை மட்டுப்படுத்தி ஒரு வசனத்தின் உண்மை பொருளை அறியவிடாமல் வழிமாற செய்கிறது. கொடியவனுக்கு நரகம் இல்லை பாதாளம் என்ற இடமும் இல்லை அக்கினி சூளை இல்லை, அழுகை பறகடிப்பு இல்லை அக்கிநிக்டல் இல்லை நித்யவாதை இல்லை என்று வேதம் சொல்லும் எல்லா வார்த்தைகளையும் மறுத்து எல்லாம் வெறும் உவமானம் மொழி பெயர்ப்பு தவறு  என்று சொல்லி எத்தனையோ பரிசுத்தவான்கள் சேர்ந்து மொழிபெயர்த்த வேதத்தை  தவறாக மொழிபெயர்ப்பு என்று சொல்லி வேதத்தில் இன்னும் என்னென்ன தவறாக இருக்குமோ என்று வேதத்தின் பேரிலேயே ஒரு சந்தேகத்தை ஏற்ப்படுத்துகிறது.

இப்படி இன்னும் சொல்லிக்கொண்டு போகலாம். இத்தனை குழப்பத்திற்கு காரணம் நீங்கள் பரிசுத்த ஆவியானவரை சரியாக அறியவில்லை எனவே  வேதம் சொல்லும் உண்மை என்னவென்று உங்களுக்கு புரியவில்லை என்பது எனது கருத்து.

ராஜ் அவர்களே? வேதம் சொல்லும் உண்மை எங்களுக்குப் புரியவில்லை என்றால் 'புரிந்த' நீங்கள் கீழ்கண்ட கேள்விகளுக்கு பதில் சொல்லுங்களேன்?

...பிறகு இவ்வளவு பெரிய பைபிளை கொடுத்து "நீ இப்படி நட, அப்படி நட அல்லது உன்னை தண்டிப்பேன்" என்று தேவன் சொல்வது எல்லாம் வெறும் நாடகமாகி விடுகிறது.

என்று பதித்துள்ள நீங்கள் 'இவ்வளவு பெரிய பைபிளை' உங்களுக்கு மட்டும்தான் கொடுத்துள்ளார். உங்கள் தகப்பனார், பாட்டனார், முப்பாட்டன்மார் யாருக்கும் கொடுக்கவில்லை. தமிழ் 'பைபிள்' வந்தே 200 வருடங்கள்தான் ஆகும். அதிலும் 'பைபிள்' வாசிக்கத் தெரிந்தவர்கள் எத்தனை பேரோ? மேலும் கிறிஸ்துவின் நாமத்தில்தான் இரட்சிப்பு என்றால் அவருக்கு முன் வாழ்ந்தவர்களீன் கதி என்ன?

"மாம்சமான யாவரும் தேவனுடைய ரட்சிப்பைக் காண்பார்கள்" லூக்3:5 ல் உங்களுக்கு நம்பிக்கையில்லையா?

நீங்கள் எழுதியது கொடியவனுக்கு நரகம் இல்லை பாதாளம் என்ற இடமும் இல்லை அக்கினி சூளை இல்லை, அழுகை பறகடிப்பு இல்லை அக்கிநிக்டல் இல்லை நித்யவாதை இல்லை என்று வேதம் சொல்லும் எல்லா வார்த்தைகளையும் மறுத்து எல்லாம் வெறும் உவமானம் மொழி பெயர்ப்பு தவறு என்று சொல்லி எத்தனையோ பரிசுத்தவான்கள் சேர்ந்து மொழிபெயர்த்த வேதத்தை தவறாக மொழிபெயர்ப்பு என்று சொல்லி...

மூலபாஷையில் நீங்கள் சொல்லும் எதுவும் இலலை சகோதரரே. பாவத்தின் சம்பளம் மரணம் மட்டுமே. மேலும் "மொழிபெயர்த்தவர்கள் எல்லாரும் பரிசுத்தவான்கள்" என்றால் தமிழ் வேதாகமத்தை மொழிபெயர்த்தவர்கள் அக்கால ஆங்கிலம் அறிந்த இந்து பிராமணர்கள்தான்' என்பது வரலாறு. மொழிபெயர்க்க 'பரிசுத்தம்' தேவையில்லை. மொழிப்புலமை இருந்தால் போதும்.

நாங்கள் வேதத்தின் பேரில் சந்தேகம் கொள்ளவில்லை. அது பரிசுத்த ஆவியானவரின் தூண்டுதலால் எழுதப்பட்டது என்பதில் எந்த வித மாற்றுக்கருத்தும் கிடையாது. ஆனால் மொழிபெயர்ப்பில் ஏகப்பட்ட 'அபத்தங்கள்' நிறைந்துள்ளது. எனவேதான் வேத்ததை 'ஆராய்ந்து பாருங்கள்' என்ற கட்டளைக்கு கீழ்ப்படிந்து ஆராய்கிறோம். ஆகவே குழப்பங்கள் இல்லை.

 

soulsolution wrote:

---

 ///இவ்வளவு பெரிய பைபிளை' உங்களுக்கு மட்டும்தான் கொடுத்துள்ளார். உங்கள் தகப்பனார், பாட்டனார், முப்பாட்டன்மார் யாருக்கும் கொடுக்கவில்லை. தமிழ் 'பைபிள்' வந்தே 200 வருடங்கள்தான் ஆகும். அதிலும் 'பைபிள்' வாசிக்கத் தெரிந்தவர்கள் எத்தனை பேரோ? மேலும் கிறிஸ்துவின் நாமத்தில்தான் இரட்சிப்பு என்றால் அவருக்கு முன் வாழ்ந்தவர்களீன் கதி என்ன?///

9. முன்பு யூதரிலும் பின்பு கிரேக்கரிலும் பொல்லாங்குசெய்கிற எந்த மனுஷ ஆத்துமாவுக்கும் உபத்திரவமும் வியாகுலமும் உண்டாகும்.
10. முன்பு யூதரிலும் பின்பு கிரேக்கரிலும் எவன் நன்மைசெய்கிறானோ அவனுக்கு மகிமையும் கனமும் சமாதானமும் உண்டாகும்.
11. தேவனிடத்தில் பட்சபாதமில்லை.
12. எவர்கள் நியாயப்பிரமாணமில்லாமல் பாவஞ்செய்கிறார்களோ, அவர்கள் நியாயப்பிரமாணமில்லாமல் கெட்டுப்போவார்கள்; எவர்கள் நியாயப்பிரமாணத்துக்குட்பட்டவர்களாய்ப் பாவஞ்செய்கிறார்களோ, அவர்கள் நியாயப்பிரமாணத்தினாலே ஆக்கினைத்தீர்ப்படைவார்கள்.

சகோதரர் அவர்களே,  நியாயபிரமாணத்தின் கீழ் வாழ்ந்தவர்கள் அதற்க்கு ஏற்றாற்போல் நியாயம் தீர்க்கபடுவார்கள், மனசாட்சி பிரமாணத்தின் கீழ் வாழ்ந்தவர்கள் மனசாட்சியின் அடிப்படையில் நியாயம்தீர்க்கப்படுவார்கள். புதிய உடன்படிக்கை கீழ் வாழ்பவர்கள் அதன் அடிப்படையில் நியாயம்தீர்க்கபடுவார்கள். எவர்களை எதன அடிப்படையில் நியாயம் தீர்க்கவேண்டும் என்று தேவனுக்கு நிச்சயம் தெரியும் அவர் சர்வலோக நியாதிபதி.

வெள்ளை சிங்காசன நியாய தீர்ப்பின் போதும் இதுதான் சொல்லப்படுகிறது "அவரவர் செய்த கிரியயின்படி நியாயதீர்ப்படைந்தார்கள்" என்பது. கிரியையின் அளவுகோல் அவர்கள் எந்த பிரமாணத்தின் அடிப்படையில் வாழ்ந்தார்கள் என்பதன் அடிப்படையில் உள்ளது.      

////"மாம்சமான யாவரும் தேவனுடைய ரட்சிப்பைக் காண்பார்கள்" லூக்3:5 ல் உங்களுக்கு நம்பிக்கையில்லையா?///

மாமிசமான யாவரும் இயேசுவின் மரணத்தின் மூலம் இரட்சிப்பை காண்பார்கள் ஆனால் எத்தனைபேர் நித்யஜீவனுக்கு தகுதிபெருவார்கள் என்பதுதான் இங்கு கேள்வி.  


/// மூல பாஷையில் நீங்கள் சொல்லும் எதுவும் இலலை சகோதரரே. பாவத்தின் சம்பளம் மரணம் மட்டுமே. மேலும் "மொழிபெயர்த்தவர்கள் எல்லாரும் பரிசுத்தவான்கள்" என்றால் தமிழ் வேதாகமத்தை மொழிபெயர்த்தவர்கள் அக்கால ஆங்கிலம் அறிந்த இந்து பிராமணர்கள்தான்' என்பது வரலாறு. மொழிபெயர்க்க 'பரிசுத்தம்' தேவையில்லை. மொழிப்புலமை இருந்தால் போதும்.///

சரி! தமிழில் மொழி பெயர்த்தவர்கள்தான் இந்து புராண அடிப்படையில்  பாதாளம் நரகம் என்று தவறாக மொழி பெயர்த்துவிட்டனர், ஆங்கில வேதாகமத்தை மொழி பெயர்த்த அறிஞர்கள் எத்தன அடிப்படையில் HELL/HADES/EVERLASTING FIRE  என்று மொழி பெயர்த்தனர்? ஏனெனில் அதிலிருந்துதானே தமிழில் மொழி பெயர்க்கப்பட்டுள்ளது. அவர்களுக்கு இந்து புராணம் தெரிய நியாயமில்லையே!

ஆக மொத்தம் தேவனுக்காக தங்கள் வாழ்நாளையே அர்ப்பணித்த ஆயிரம் ஆயிரம் மேலைநாட்டு மற்றும் உள்நாட்டு அறிஞர்கள் தேவமனிதர்கள்  எல்லோரும் கால காலமாக  தவறான உபதேசத்தில் வாழ்ந்து முடித்துவிட்டனர்.
தேவனுக்காக தங்கள் ஜீவனையே கொடுத்த அவர்களுக்கெல்லாம் தேவன் உண்மையை உணர்த்தவே இல்லை அதாவது அவர்களுக்கு உண்மையை அறியும் ஞானம் இல்லை. ஆனால் நீங்கள் மூல பாஷயை ஆராய்ந்து வசனம் சொல்லும்  நரகம்/ பாதாளம்/ நித்யஅழிவு இல்லை என்ற உண்மையை கண்டுபிடித்துவிட்டீர்கள், நல்லது!  

////////நாங்கள் வேதத்தின் பேரில் சந்தேகம் கொள்ளவில்லை. அது பரிசுத்த ஆவியானவரின் தூண்டுதலால் எழுதப்பட்டது என்பதில் எந்த வித மாற்றுக்கருத்தும் கிடையாது. ஆனால் மொழிபெயர்ப்பில் ஏகப்பட்ட 'அபத்தங்கள்' நிறைந்துள்ளது. எனவேதான் வேத்ததை 'ஆராய்ந்து பாருங்கள்' என்ற கட்டளைக்கு கீழ்ப்படிந்து ஆராய்கிறோம். ஆகவே குழப்பங்கள் இல்லை////


அதாவது எப்பொழுதோ நடந்த உண்மைகளை எழுத்தின் மூலம் இன்றுவரை உலகுக்கு கொடுத்து பாதுகாத்து வரும் ஆவியானவர்.  இந்த மொழி பெயர்ப்பு விஷயத்தில் மட்டும் உதவி செயாமல் விட்டுவிட்டார். அதாவது வேதம் ஆங்கிலத்திலோ அல்லது தமிழிலோ தவறாக மொழி பெயர்க்கப்படுவதை அவரால் மானிடர் பண்ண முடியவில்லை எனவே இஸ்லாமியர் சொல்வதுபோல் வேதத்தில் சொந்த கருத்துக்கள் புக அனுமதித்துவிட்டார். அப்படித்தானே?  

வேதத்தை ஆராய்ந்து பாருங்கள் என்று இயேசு யூதர்களை நோக்கித்தான் சொன்னார் அவர் சொன்ன நாட்களில் பழைய ஏற்ப்பாடு மட்டும்தான் இருந்து அது பல மொழிகளில் இருந்திருக்க நியாயமில்லை.  மேலும் அவர்கள் இயேசுவை நம்பாததால் அதில்  நித்யஜீவனை குறித்தும் தன்னை குறித்தும் சாட்சி இருக்கிறது என்பதை ஆராய்ந்து கண்டுபிடிங்கள் என்றுதான் சொன்னார். புதிய ஏற்பாட்டு காலத்தில் வேதத்தை குறித்து கண்டித்து உணர்த்துபவர் பரிசுத்த ஆவியானவரே ஆராய்ச்சிகள் அல்ல என்றே நான் கருதுகிறேன்.