kovaibereans

bereans wrote:

---

 இயேசு கிறிஸ்து ஆவியாக உயிர்த்தெழுந்த பிறகு இரண்டு பேர் மாத்திரமே வேதத்தில் அவரை கண்டார்கள்.

1. பவுல். ஆனால் பார்த்த மாத்திரத்திலே அவர் மூன்று நாட்கள் குறுடாகி போனார்.

2. யோவான். இவர் வெளிப்படுத்தின விசேஷத்தில் இயேசு கிறிஸ்துவின் தரிசனத்தை கண்டவுடனே, செத்தவனை போல் விழுந்தார் என்று எழுதுகிறார்.

    இதற்கு மேல் வேறு ஒருவர் பரலோகம் சென்ற இயேசு கிறிஸ்துவை கண்டோம் என்று வேதம் சொல்லுவதில்லை. ஆனால் இன்றைய self made ministers (சொந்தமாக தங்களையே ஊழியர்கள் என்று ஏற்படுத்திக்கொண்டு) அவர்கள் வாய் போக்கில் கதைகள் சொல்லி வறுகிறார்கள். கிறிஸ்த‌வ‌ர்க‌ளே, இப்ப‌டி ப‌ட்ட‌ க‌ள்ள‌ போத‌க‌ர்க‌ளிட‌ம் எச்ச‌ரிக்கையாக‌ இருப்போம்.

 

---

இயேசு ஆவியாக் உயிர்தெளுந்தபிறகு மகதலேனா மரியாள் சீசர்கள் மற்றும்  அநேகருக்கு காட்சி தந்துள்ளாரே!  சீடர்களுடன் சேர்ந்து அப்பமும் மீனும் புசித்திருக்கிராரே!  இவர்கள் அவரை மாமிசத்தில் பார்த்தார்கள என்றால் ஆம் என்றே சொல்லவேண்டும்! ஏனெனில் தோமா அவரை தொட்டு பார்த்துள்ளார் மற்றும் இயேசுவே நீங்கள் பார்ப்பதுபோல் மாமிசமும் சதையும் ஆவிக்கு இருக்காதே என்றும் குறிப்பிட்டுள்ளார் அனால் அவர் பூட்டிய வீட்டுக்குள்ளும் பிரவேசித்துள்ளார்.எனவே இதில் இயேசு எந்தமாதிரி ஒரு உருவ நிலையில் இருந்தார் என்பதையும்  அவரை ஒரு விசுவாசியோ அல்லது தேவ உளியரோ பார்க்க முடியுமா முடியாதா என்பதையும்  யாராலும் தீர்மானிக்க முடியாது என்றே நான் கருதுகிறேன்!
 
அவர் பரலோகம் ஏறிச்சென்ற பிறகுதான் பவுல், யோவான் மற்றும் ஸ்தேவன் ஆகிய மூன்று பேருக்கு மட்டும் காட்சி தந்துள்ளார்.

  

 

-- Edited by RAAJ on Tuesday 23rd of June 2009 03:56:45 AM

bereans wrote:
//அவ‌ர் மீண்டும் வ‌ருவ‌து தான் இர‌ண்டாம் வ‌ருகை என்று வேத‌ம் தெளிவாக‌ போதிக்கிற‌து, ஆனால் இவ‌ர்க‌ளுக்கு மாத்திர‌ம் யார் தான் வ‌ந்து காட்சி த‌ருகிறார்க‌ளோ. ஒளியின் வேஷ‌ம் த‌ரித்த‌வ‌னின் செய‌ல் தான் இது, வேற் ஒன்றும் இல்லை. கிறிஸ்த‌வ‌ர்க‌ளே, இது போன்ற‌ க‌ள்ள‌ கூட்ட‌த்திலிருந்து எச்ச‌ரிக்கையாக‌ இருப்ப‌து ந‌ல‌ம்.//

கள்ளக் கூட்டத்திற்கு எச்சரிக்கையாக இருக்கவேண்டும் என்கிறீர்கள், நல்லதுதான். ஆனால் வேறு சில topics-ல் நீங்கள் எழுதியதை கொஞ்சம் படித்துப் பாருங்கள்.

bereans wrote in various topics:
//இயேசு கிறிஸ்து சிந்திய‌ இர‌த்த‌த்தின் ப‌ல‌னாக‌ எல்லோரும் பூர‌ண‌மாக்க‌ப்ப‌டுவார்க‌ள் என்ப‌து வேத‌ம் என‌க்கு த‌ரும் ந‌ம்பிக்கை.//
//"சுவிசேஷ‌ம் சொல்லுவ‌து ப‌வுல் மேல் விழுந்த‌ க‌ட‌மையாக‌ இருந்த‌து" அவ‌ன் அத‌ற்காக‌ அழைக்க‌ப்ப‌ட்டிருந்தான். உங்க‌ளுக்கோ என‌க்கோ, சாட்சியாக‌ வாழ‌வே அழைப்பு. அதை ஒழுங்காக‌ செய்ய‌ முய‌ற்சிப்போம்.//
//எந்த‌ ஒரு தீமை செய்ய‌ சொல்ல‌வோ, அதை ஆத‌ரிப்ப‌தோ, நான் சொல்ல‌வில்லை. இது எல்லாம் ந‌ட‌ந்தே ஆக‌ வேண்டும்.//
//தேவ‌ன் இந்த‌ தீமை எல்லாம் அனும‌திப்ப‌து, சில‌ரை ச‌பைக்கு அழைத்திருக்கிற‌ப‌டி அவ‌ர்க‌ள் இந்த‌ பூமியில் இயேசு கிறிஸ்துவை போல் த‌ங்க‌ளை ப‌லியாக‌ ஒப்புகொடுத்து வாழ‌ தான் (இன்று அப்ப‌டி ப‌ட்ட‌ ஒரு ஊழிய‌ரையும் பார்க்க‌ முடியாத‌து வேத‌னையே), அத‌ற்காக‌ அந்த‌ தீமையில் இருப்ப‌வ‌ர்க‌ளை தேவ‌ன் அப்ப‌டியே விட்டு விடுவ‌தில்லை. அவ‌ர்க‌ள் எல்லோரும் ம‌ன‌ம் மாற‌, நீதியை க‌ற்றுக்கொள்ள‌ ஒரு கால‌ம் வைத்திருக்கிறார். இது வேத‌ ச‌த்திய‌மே!//
//உங்களுக்கு தெரியுது, நீங்கள் தவறாக நடப்பதில்லை. தெரியாதவனிடத்தில் போய், நீ ஏன் தவறுகிறாய் என்று கேட்பதில் என்ன லாபம்?

தீமை நடப்பதை நான் அனுமதிக்கவோ, அனுமதிக்காமல் இருப்பதற்கோ, எனக்கு என்ன அதிகாரம் இருக்கிறது?

நீங்கள் சுவிசேஷம் சொல்லுவதால் தான் இன்று ஜனங்கள் சத்தியத்திற்குள் வருகிறர்கள் என்று நினைக்கிறீர்களா? உங்கள் ஊரில், விடுங்கள், உங்கள் தெருவில் எத்துனை பேர் உங்கள் சுவிசேஷம் கேட்டு தீமையை விட்டு விளகியிருக்கிறர்கள்? உங்கல் ஊரில் டாஸ்மாக் கடைகளே இல்லாமல் போய் விட்டதா? உங்கள் ஊரில் சிறைச் சாலைகளே இல்லாமல் போய் விட்டதா? நீங்கள் சுவிசேஷம் சொல்லி எல்லா தீமையையும் மாற்றி போட்டு விட முடிந்ததா? உங்கள் சொந்தங்கள் எத்துனை பேர் நீங்கள் நடக்கும் வழியில் நடக்கிறார்கள்?//

சாட்சியாக வாழ மட்டுமே நாம் அழைக்கப்பட்டுள்ளதாகக் கூறும் சகோ.பெரியன்ஸ், கள்ளக் கூட்டத்தில் இருப்போரை மட்டும் ஏன் இத்தனை கரிசனையோடு எச்சரிக்கிறார்?

தீமை செய்கிற அனைவரும் நீதியைக் கற்றுக் கொள்ள தேவன் வைத்துள்ள காலத்தில், கள்ளக் கூட்டத்தில் இருப்போரும் நீதியைக் கற்றுக் கொள்ளட்டுமே! அவர்கள் மட்டும் இப்போதே மாற வேண்டுமென ஏன் பெரியன்ஸ் விரும்புகிறார்?

தேவன் தானே தீமையை அனுமதித்துள்ளார்? அவ்வாறெனில், கள்ளக்கூட்டத்தாரையும் அவர்கள்பின் செல்வோரையும் தேவன் தானே அனுமதித்துள்ளார்? அவர்கள் மீது மட்டும், குறிப்பாக கள்ளக் கூட்டத்தார்மீது மட்டும் பெரியன்ஸ்க்கு ஏன் இத்தனை வெறுப்பு?

தீமை நடப்பதை அனுமதிக்கவோ, அனுமதிக்காமல் இருப்பதற்கோ அதிகாரம் இல்லாத பெரியன்ஸ், கள்ளக்கூட்டத்தார் பின்செல்வோரை மட்டும் ஏன் சாடுகிறார்?

தெரியாதவனிடத்தில் போய், நீ ஏன் தவறுகிறாய் என்று கேட்பதில் என்ன லாபம் எனக் கேட்கும் பெரியன்ஸ், கள்ளக்கூட்டத்தாரையும் அவர்கள் பின்செல்வோரையும் எச்சரிப்பதில் மட்டும் என்ன லாபம் என நினைக்கிறார்?

-- Edited by anbu57 on Thursday 5th of November 2009 02:04:03 AM

-- Edited by anbu57 on Thursday 5th of November 2009 03:27:27 AM

தேவன் இதை செய் என்று என்னிடத்தில் நேரடியாக வந்து சொன்னதில்லை. ஆனால் வேதத்தை தியானித்ததால் கிடைத்த எனக்கு புரிந்த காரியங்களை சொல்லுகிறேன். பலர் சொல்லுவது போல், தேவன் என்னை இந்த ஊழியத்திற்கு அழைத்தார் என்று நான் சொல்ல மாட்டேன். எனக்கு தேவன் வேதத்தின் மூலமாக வெளிப்படுத்திய காரியங்களை பகிர்ந்துக்கொள்ளுகிறேன். இப்படி எச்சரிப்பும் வேதத்தில் இருந்து தான். இயேசு கிறிஸ்துவும் அவர் தெரிந்து கொண்ட அப்போஸ்தலர்களும் சொன்ன வார்த்தைகளை தான் சொல்லுகிறேன்.

பரிசுத்த ஆவியை பெற்றவர்கள் என்று சொல்லும் கூட்டத்தாரை நன்கு அரிவேன். அவர்களை பரிசுத்த ஆவியின் வியாபாரிகளாக தான் நான் பார்க்கிறேன். தேவனின் நாமத்தை சொல்லி உழைக்க மறுக்கும் ஒரு கூட்டம், வீடு வீடாக புகுந்து தங்களை மேன்மை படுத்தும் கூட்டம் தான் அந்த கூட்டம். தேவனுக்கு தசமபாகம், கானிக்கைகள் கொடுங்கள் என்கிற பெயரில் ஏழை எளியவர்களிடம் பிடுங்கி தானும் தன் குடும்பத்தையும் பிழைக்க வைக்கும் ஒரு கூட்டம், இந்த கூட்டத்தாரிடம் பரிசுத்த ஆவி இருக்கிறது என்று சொல்லுவது வேடிக்கையாக தான் இருக்கிறது. தங்களை மேன்மை படுத்தி பார்க்கும் கூட்டம் எப்படி பட்ட ஆவியை பெற்ற கூட்டம் என்று சோதித்து பார்க்க தான் வேத புத்தகம் இருக்கிறது. அதை எல்லாம் விட்டு விட்டு கனவுகளையும் காட்சிகளையும் நம்பி அதை ஹாலிவுட் படங்களை காட்டிலும் பிரமாண்டமாக கான்பித்து பணம் சுருட்டும் கூட்டம் தான் இந்த கூட்டம். பணத்திற்காக மேடையில் அடிசுக்கிட்ட இப்படி பட்ட ஊழியக்காரர்களையும் எனக்கு தெரியும்.

இப்படி பட்டவர்களை தான் நீங்கள் பரிசுத்த ஆவியின் முத்திரை பெற்றவர்கள் என்று சொல்லுகிறீர்களா சகோ ராஜ் அவர்களே. நல்லவேளை நீங்கள் சொல்லும் அப்படி ஒரு ஆவியினால் நான் முத்திரை பெறவில்லை. மாறாக வேதத்தில் சொல்லப்பட்ட சத்தியத்தின் ஆவியின் முத்திரை பெற்றிருக்கிறேன் என்று நினைக்கிறேன். ஏனென்றால் அது தான் இயேசு கிறிஸ்து சொன்னதை கான்பித்து தரும், சொந்த அனுபவங்களை, கனவுகள், காட்சிகள், தரிசனங்களை போதிக்காது.

தேவன் இப்படி பட்ட ஒரு கூட்டத்திலிருந்து என்னை பிரித்து எடுத்ததற்கு நான் தேவனுக்கு நன்றி சொல்லுகிறேன்.
நீங்கள் எத்துனை மீன்களை பிடித்து தொட்டியில் போட்டு விட்டீர்கள் சகோதரரே?

 நீங்கள் குறிப்பிடும் ஊழியர்கள் செய்யும் பிரசங்கமும், நான் எழுதும் ஊழியர்களின் பிரசங்கமும் ஒன்றாக தான் இருக்கிறது என்பதை மறந்து விடாதீர்கள். ஒரே ஆவியை பெற்றவர்கள் பிரசங்கத்தில் ஒரே மாதிரி, ஆனால் சாட்சியில் வேறு மாதிரி இருக்கிறார்களா?

நீங்கள் ஏன் வேதத்தை விட்டு விட்டு அவர்களின் வாழ்க்கை வரலாற்றை வாசிக்க சொல்லுகிறீர்கள்? அதை எழுதியவர்கள் யார்? அதை ஏன் நான் உண்மை என்று எடுத்துக்கொள்ள வேண்டும்? பவுல் ஒரு அப்போஸ்தலன் என்று வேதத்தில் உள்ளதையே உங்களால் ஏற்றுக்கொள்ள முடியாத போது, மனித் ஆவியில் நிறைந்தவர்கள் ஏதோ வரலாற்றை எழுதியிருக்கிறார்கள், அதை பரிசுத்த ஆவியின் கிரியை என்று நீங்கள் சொல்லுவது தான் வியப்பாக இருக்கிறது.

அவர்கள் கிறிஸ்துவிற்காக தான் ஜீவனை கொடுத்தார்கள் என்பதை அந்த புத்தகங்கள் மூலமாக அறிந்துக்கொண்டீர்கள் ஆனால் அது எல்லாம் உண்மை என்று எப்படி சொல்ல முடியும்? பரிசுத்த ஆவியால் ஏவப்பட்டவர்கள் தான் வேதத்தை (பரிசுத்த வேதாகமத்தையோ, மற்ற மொழிப்பெயர்ப்புகளையோ அல்ல) எழுதினார்கள் என்பதையே கேள்விகுறியாக நீங்கள் பார்க்கும் போது, மனித ஆவியில் வியாபாரத்திற்காக எழுதப்பட்ட புத்தகங்கள் எப்படி உண்மையாக முடியும்.

வேதத்தில் வாசித்தாலே போதும், அதில் உள்ளவைக‌ளை பின் பற்றினால் போதும்.

இன்று ஆவி பெற்ற‌தை ஒரு ம‌னித‌னின் க‌னியினால் தான் அறிந்துக்கொள்ள‌ முடியுமே த‌விர‌, ஓய்ந்து போன‌ வ‌ர‌ங்க‌ளால் அல்ல‌ என்ப‌தையும் இங்கே சொல்ல‌ விரும்புகிறேன்.

நான் சொன்ன‌ வித‌மான‌ ஊழிய‌ர்க‌ள் தான் இன்று பெரும் அள‌வில் பெருகி வேற் கிறிஸ்துவை போதித்து வ‌ருகிறார்க‌ள். வேறு ஒரு சுவிசேஷ‌த்தை போதித்து வ‌ருகிறார்க‌ள், இவ‌ர்க‌ளை தான் அநேக‌ க‌ள்ள‌த்தீர்க‌த‌ரிசிக‌ள் என் (இயேசுவின்) நாம‌த்தில் எழும்புவார்க‌ள் என்றும், பெருத்த‌ அடையாள‌ங்க‌ள் அற்புத‌ங்க‌ள் (நீங்க‌ள் வாசித்த‌ புத்த‌க‌ங்க‌ளில் உள்ள‌ ஆவியின் கிரியைக‌ள்) செய்வார்க‌ள் என்றும் க‌ர்த்த‌ராகிய‌ இயேசு கிறிஸ்துவே ம‌த். 24ம் அதிகார‌த்திலும், பிற்பாடு அவ‌ரின் அப்போஸ்த‌ல‌ர்க‌ள் ப‌ல‌ இட‌ங்க‌ளில் சொல்லியிருக்கிறார்க‌ளே. இதை எல்லாம் விட்டு விட்டு, வ‌ர‌லாற்று புத்த‌க‌ங்க‌ளில் ஆவியின் கிரியை தேடுவ‌து எப்ப‌டி ச‌ரி என்று சொல்லுகிறீர்க‌ள்?

முத‌லாவ‌து ஒரு ம‌னித‌னை "தேவ‌ ம‌னித‌ன்" என்று உய‌ர்த்தும் அள‌விற்கு எந்த‌ ஒரு ம‌னித‌னும் த‌குதி பெற‌வில்லை. தேவ‌ ம‌னித‌ன் என்றால் யார்? விள‌க்க‌ம் தாருங்க‌ள்!!

இன்று ச‌பைக‌ளில் ஆவியின் கிரியை என்று சொல்லிக்கொண்டு ந‌ட‌க்கும் கூத்துக‌ள் அனைத்தும் புற‌ ம‌த‌ஸ்த‌ர் ம‌ற்றும் மார்க்க‌ங்க‌ளில் ந‌ட‌க்கும் ஒரு விஷ‌ய‌மே? அப்ப‌டி என்றால் இவ‌ர்க‌ள் அனைவ‌ரும் ஒரே ஆவியை பெற்ற‌ கூட்ட‌மாக‌ தான் இருக்க‌ முடியுமே த‌விர‌ வேத‌ம் சொல்லும் ப‌ரிசுத்த‌ ஆவியோ, ச‌த்திய‌ ஆவியோ பெற்ற‌வ‌ர்க‌ளாக‌ இருக்க‌ முடியாது.

ச‌த்திய‌த்தை போதிப்ப‌து வேறு, ஆவியின் (எந்த ஆவி என்று தான் தெரியவில்லை!!) கிரியைக‌ளை ந‌ட‌ப்பித்து காண்பிப்ப‌து வேறு என்றும் இங்கே சொல்லுகிறேன்.

bereans wrote:
//தேவன் இதை செய் என்று என்னிடத்தில் நேரடியாக வந்து சொன்னதில்லை. ஆனால் வேதத்தை தியானித்ததால் கிடைத்த எனக்கு புரிந்த காரியங்களை சொல்லுகிறேன். பலர் சொல்லுவது போல், தேவன் என்னை இந்த ஊழியத்திற்கு அழைத்தார் என்று நான் சொல்ல மாட்டேன். எனக்கு தேவன் வேதத்தின் மூலமாக வெளிப்படுத்திய காரியங்களை பகிர்ந்துக்கொள்ளுகிறேன். இப்படி எச்சரிப்பும் வேதத்தில் இருந்து தான். இயேசு கிறிஸ்துவும் அவர் தெரிந்து கொண்ட அப்போஸ்தலர்களும் சொன்ன வார்த்தைகளை தான் சொல்லுகிறேன்.//

நிறைய விஷயங்களில் முரண்படுகிறீர்கள் சகோதரரே!

சாட்சியாக வாழ்வது மட்டுமே நம் அழைப்பு என்கிறீர்கள், யாருக்கும் போதிக்க வேண்டாம் என்கிறீர்கள்; அதேவேளையில் நீங்கள் மட்டும் இயேசுவும் அப்போஸ்தலர்களும் சொன்ன வார்த்தைகளை சொல்லலாம், சொல்லி எச்சரிக்கலாம் என்கிறீர்கள். இயேசுவும் அப்போஸ்தலர்களும் சொன்ன வார்த்தைகளில் போதனைகளும் உள்ளதுதானே? அவற்றை நாங்கள் போதிக்கக்கூடாதா?

ஒருவன் போதித்தால் தேவனுடைய வார்த்தைகளின்படி போதிக்கக்கடவன் என வேதாகமம் கூறுகிறதே? நான் சொல்லிய இந்த வார்த்தைகளைக் கைக்கொண்டு போதிக்கிறவன் பரலோக ராஜ்யத்தில் பெரியவன் எனப்படுவான் என இயேசுவும் கூறியுள்ளாரே? (உடனே இயேசுவின் போதனைகள் எல்லாவற்றையும் கைக்கொண்டுதான் போதிக்கிறீர்களா எனக் கேட்கவேண்டாம்; போதிக்கும்படி வேதாகமம் சொல்கிறதா இல்லையா என்பதுதான் நம் விவாதம்).

கள்ளக் கூட்டத்தாரின் பின்செல்வோரை நீங்கள் எச்சரிப்பதுபோல, பாவஞ்செய்வோரை நங்கள் எச்சரிக்கக்கூடாதா என்பதுதான் என் கேள்வி? கள்ளக்கூட்டத்தாரின் பின்செல்வோரை நீங்கள் எச்சரிக்கக் கூடாதென்பதோ, வேத வார்த்தைகளைச் சொல்லக்கூடாதென்பதோ என் கருத்து அல்ல.

சாட்சியாக வாழ மட்டுமே நம் அழைப்பு என்று நீங்கள் சொல்லிவிட்டு, உங்கள் கூற்றை நீங்களே மீறலாமா என்பதுதான் என் கேள்வி.

”நீங்கள் போதிப்பதால் யார் திருந்தினார்கள்; டாஸ்மாக் கடை இல்லாமல் போய்விட்டதா etc. etc.” எனக் கேட்கிறீர்கள். உங்கள் எச்சரிப்புக்கு மட்டும் எல்லோரும் உடனே நடுநடுங்கி, கள்ளக் கூட்டத்தார் பின்செல்வதை விட்டுவிடுகிறார்களா என்ன?

மற்றவர்கள் எப்படியோ எனக்குத் தெரியாது; ஆனால் என்னைப் பொறுத்தவரை, எனது போதனையால் யாரையும் திருத்துவது எனது நோக்கமல்ல, யாரையும் திருத்திவிட முடியும் என்ற நம்பிக்கையும் எனக்குக் கிடையாது. வேதவசனம் சொல்வதைப் போதிப்பது என் வேலை என நம்புகிறேன், அதன்படி போதிக்கிறேன்; மற்றபடி அதை அவர்கள் ஏற்று நடப்பதும் நடவாதிருப்பதும் என் கையிலில்லை. யாரும் என் சொல்லைக் கேட்காததால், போதிப்பதை நான் விடவேண்டுமென்பதும் கிடையாது.

இயேசு சொன்னதையே கேட்கவில்லை, அதற்காக அவர் போதியாமல் இருந்தாரா?
எசே. 3:7-ஐப் படித்துப் பாருங்கள். எனக்கே செவிகொடுக்கமாட்டோம் என்கிறார்கள் எனக் கூறிய தேவன், எசேக்கியேலிடம் என்ன சொன்னார்? அவர்கள் கேட்டாலும் கேளாவிட்டாலும் என் வார்த்தைகளைச் சொல்லு எனக் கூறவில்லையா?

மனிதர்கள் அனைவரும் நித்தியஜீவனைப் பெற தேவன் திட்டம் வைத்துள்ளதாகவும், அத்திட்டத்தை நீங்கள் கண்டுபிடித்துவிட்டதாகவும் நினைத்துக் கொண்டு, அத்திட்டத்தை மட்டும் ஜனங்களிடம் சொன்னால் போதும்; அத்தோடு, தற்கால ஊழியர்கள் பின்னால் ஜனங்கள் சென்றுவிடாதபடி எச்சரிக்கவும் வேண்டும் என்பது மட்டுந்தான் உங்கள் எண்ணமும் பேச்சாகவும் உள்ளது.

வேதாகமம் நேரடியாகச் சொல்கிற போதனைகளைச் சொல்லவேண்டாம், ஆங்காங்கே கிடக்கிற வசனங்களை உங்கள் மனம்போல் ஒருங்கிணைத்து நீங்கள் கண்டுகொண்ட தேவதிட்டத்தை மட்டும் சொன்னால் போதும் என்பதே உங்கள் எண்ணமாயுள்ளது.

ஒன்றைக் கேட்கிறேன் சகோதரரே!
”தெரிந்து கொள்ளப்பட்டவர்கள், தெரிந்து கொள்ளப்பட்டவர்கள்” என அடிக்கடி சொல்கிறீர்களே, நீங்கள் தெரிந்து கொள்ளப்பட்டவரா இல்லையா என்பது உங்களுக்குத் தெரியுமா?
ஒருவேளை நீங்கள் தெரிந்துகொள்ளப்பட்டவர் என வைத்துக் கொள்வோம், உங்களிடம் பிதா நேரடியாகப் பேசியா தமக்கு நேராக உங்களை இழுத்தார்? யாராவது மனிதர்கள் மூலமாகத்தானே நீங்கள் பிதாவிடம் வந்திருப்பீர்கள்? ஒருவேளை நீங்கள் பிறப்பிலேயே கிறிஸ்தவராக இருந்தாலும், உங்கள் பெற்றோர் அல்லது பெற்றோரின் பெற்றோர் யாராவது மனிதர்கள் மூலமாகத்தானே கிறிஸ்துவை அறிந்திருப்பார்கள்?

உங்களுக்காக நான் சொல்கிற இக்காரியம், பிதாவால் இழுக்கப்படுகிற ஒவ்வொருவருக்கும் பொருந்துமல்லவா? எனவே, “தேவனால் தெரிந்துகொள்ளப்பட்டவர்கள்” என நீங்கள் சொல்கிற சிலரை பிதா இழுக்கவேண்டுமெனில், அதில் அவரது ஊழியர்களின் பங்கும் உள்ளது என்பதை நீங்கள் அறியவேண்டும். ஊழியர்கள் எப்படியும் இருக்கலாம், அது பிரச்சனையில்லை. வஞ்சகத்தாலோ பொறாமையாலோ கிறிஸ்து அறிவிக்கப்படுகிறார் என பவுல் சொன்னாரல்லவா? அல்லது எனக்கு மட்டுந்தான் அழைப்பு, எனக்கு மட்டுந்தான் கடமை என அவர் சொன்னாரா?

நேபுகாத்நேச்சார் எனும் அரசன் 60 முழ உயரமுள்ள சிலையைச் செய்து அதை எல்லோரும் பணிந்துகொள்ள வேண்டும் எனக் கட்டளையிட்டு, பணிந்துகொள்ளாத தேவதாசர்களை அக்கினிச் சூளையில் போடச் சொன்னதை அறிவீர்கள் அல்லவா? ஆனால் அந்த நேபுகாத்நேச்சாரையும் தேவன் தமது ஊழியக்காரன் என்று சொல்லவில்லையா?

எனவே மனிதர்கள் மூலமாகத்தான், மனிதனைச் சார்ந்துதான் தமது திட்டங்களை தேவன் செயல்படுத்துகிறார் என்பதை அறியுங்கள். இது தேவனுக்கு இழுக்கல்ல. ஒரு தகப்பன் தன் மகன் மூலமாக ஒரு காரியத்தைச் செய்தால் அது தகப்பனுக்கு இழுக்காகுமா? அல்லது மகன் இல்லாவிட்டால் தகப்பனால் அதைச் செய்ய இயலாது என அர்த்தமாகுமா?

தேவனால் படைக்கப்பட்டவர்கள்தானே நாம்? (உங்கள் கூற்றுப்படி) சாத்தானே தேவதிட்டத்தைச் செயல்படுத்தும் ஒரு கருவியாக இருக்கும்போது, நாம் தேவதிட்டத்தைச் செயல்படுத்தும் கருவியாக இருக்கக்கூடாதா? கண்டிப்பாக பதில் தாருங்கள்.