kovaibereans

நன்றி சகோதரரே, தங்களின் கருத்துக்கு நன்றி. சரியானதையே பதிந்திருக்கிறீர்கள் (நீண்ட நாட்களுக்கு பிறகு பதிய வந்து இருக்கிறீர்கள், வாழ்த்தி வரவேற்க்கிறோம்). நான் ஒரே சபையை சேர்ந்த இரு வேதாகம ஆசிரியர்களை சந்தித்தேன். அதில் ஒரு ஆசிரியர் சொல்லுகிறார், "இயேசு கிறிஸ்துவை யேகோவா என்று விசுவாசிப்பவனே (அறிக்கைசெய்பவனே) கிறிஸ்துவன்". அதாவது இந்த வேத ஆசிரியரின் பார்வையில் இயேசு தான் யேகோவா (ஐயகோ, வேதம் இப்படி சொல்லுவதில்லை). மற்ற ஆசிரியரோ, இயேசு வேறு யேகோவா வேறு, ஆனால் இருவரும் ஒரே இயல்புடையவர்களாம். அதாவது ஒரே சபையை சேர்ந்த இரு வேத ஆசிரியர்களின் கருத்து தான் இது. சாரி, நான் யாரையும் காயம்படுத்த இப்படி எழுதவில்லை, ஆனால் இது தான் உண்மை.

    திருத்துவம் என்றால், மூன்று நபர்கள், ஒரே இயல்புடையவர்களாம், திரியேகத்துவம் என்றால், ஒரே தேவன், மூன்று பரிமானங்கள் உள்ளவர்களாம் (!!). இந்த திருத்தவ வாதிகளே தங்களின் கருத்துக்களில் ஒன்று பட முடியவில்லையே. ஏன் தெரியுமா, வேதத்திற்கு புறம்பான ஒரு விஷயம் சத்தியம் என்று நிருபிக்க முடியாததால் தான். ஆகவே தான் மற்றவர்களை குழப்ப, இந்த திருத்துவம் என்பது ஒரு இரகசியம் (?!) என்றும், இதை எளிதாக புரிந்துக்கொள்ள முடியாது என்றும் போக்கு சொல்லுவார்கள்.

    ஒருவர் தருகிறார், ஒருவர் பெற்றுக்கொள்கிறார் என்றால் எப்படி இருவரும் ஒரே இயல்புடையவர்களாக இருக்க முடியும். யேகோவா தேவன் மரிக்க முடியாது என்று வேதம் கூறுகிறது, ஆனால் இயேசு கிறிஸ்துவோ மரித்தார் என்று அவரே சொல்லுகிறார். எப்படி ஒன்றாக முடியும்? இந்த திருத்துவவாதிகள் மரிக்க முடியாத தேவன் தான் இயேசு என்று வந்து மரித்தார் என்று சொல்லி தேவத்துவத்தை அசிங்கம் படுத்தி, தேவதூஷனம் செய்கிறார்கள் என்பதை இவர்களுக்கு யார் தான் விளக்க முடியும். சாவாமை உள்ள தேவனை மரித்தார் என்று சொல்லுவது எவ்வுளவு அபத்தம் என்பதை இவர்கள் உணர்ந்துக்கொள்வதில்லை. இயேசு கிறிஸ்துவை பற்றி சொல்லும் போது, அவர் மரித்தோரிலிருந்து உயிர்ப்பிக்கப்பட்டார், உயர்த்தப்பட்டார், சகல அதிகாரங்களும் கொடுக்கப்பட்டார் என்கிறது வேதம், அப்படி என்றால், இவைகளை எல்லாம் இயேசு கிறிஸ்து பெற்று கொண்டார் என்றால், யார் இதை எல்லாம் கொடுத்தது என்பதை இந்த திருத்துவவாதிகள் யோசிக்கவே மாட்டார்களா? இயேசு கிறிஸ்து தான் யேகோவா என்றால், எப்படி அவரே கொடுத்து அவரே பெற்றுக்கொள்ள முடியும்.

தொடரும்.....