kovaibereans

ஜோசப்:
//அது சரி அப்ப நரகம் என ஒன்று இல்லைன்னு சொல்லி எஸ்கேப் ரூட் அடிக்கும் நீங்கள் வேதத்தில் பல முறை நரகம்ன்னு இருக்குன்னு யோசிச்சீங்களா, கேட்டா மூல பாஷைன்னு ஆரம்பிச்சிடுவீங்க, அது என்ன மூல பாஷை ஸ்கிரிப்ட் உங்க கையில் இருக்கிறது, //

மத்தேயு 5:22 நான் உங்களுக்குச் சொல்லுகிறேன்; தன் சகோதரனை நியாயமில்லாமல் கோபித்துக்கொள்ளுகிறவன் நியாயத்தீர்ப்புக்கு ஏதுவாயிருப்பான்; தன் சகோதரனை வீணனென்று சொல்லுகிறவன் ஆலோசனை சங்கத்தீர்ப்புக்கு ஏதுவாயிருப்பான்; மூடனே என்று சொல்லுகிறவன் எரிநரகத்திற்கு ஏதுவாயிருப்பான்.

Matthew 5:22 but I say unto you, that every one who is angry with his brother shall be in danger of the judgment; and whosoever shall say to his brother, Raca, shall be in danger of the council; and whosoever shall say, Thou fool, shall be in danger of the hell of fire.

II பேதுரு 2:4 பாவஞ்செய்த தூதர்களை தேவன் தப்பவிடாமல், அந்தகாரச் சங்கிலிகளினாலே கட்டி நரகத்திலே தள்ளி நியாயத்தீர்ப்புக்கு வைக்கப்பட்டவர்களாக ஒப்புக்கொடுத்து;

2 Peter 2:4 For if God spared not angels when they sinned, but cast them down to hell, and committed them to pits of darkness, to be reserved unto judgment

நாங்கள் எந்த எஸ்கேப் ரூட் அடிக்கவில்லை!! உங்கள் வஞ்சகமான போதனைகளிலிருந்து தேவனுக்கு சித்தமானால் அனைவரும் எஸ்கேப் ஆக தான் விளக்கம் தருகிறோம்!!

மேலே இரண்டு வசனங்களிலும் உங்களுக்கு பிரியமான வார்த்தை "நரகம்" வருகிறது!! அது என்ன மூல பாஷை ஸ்கிரிப்ட் உங்க கையில் இருக்கிறது என்று ஆதங்கப்பட வேண்டாம், அது எங்கள் சொந்த ப்ராபர்ட்டி கிடையாது, அது யுனிவர்சல் எழுத்து!! யாருக்கு ஆர்வம் இருக்கிறதோ, யாருக்கு விருப்பம் இருக்கிறதோ எல்லாவற்றுக்கும் மேல் தேவனின் கிருபை இருக்கிறதோ, அவர்கள் நிச்சயமாக ஆறாய்ந்து பார்ப்பார்கள்!!

சரி இரண்டு வசனங்களிலும் நரகம் என்று தமிழிலும் "ஹெல்" என்று ஆங்கிளத்தில் வார்த்தையை கொடுத்தாலும், தேவன் கொடுத்த வார்த்தைகளை அன்று எழுதப்பட்ட பாஷையில் பார்த்தோமென்றால்,

மத்தேயு 5:22ல் வரும் நரகம்
Original Word: γέεννα, ης, ἡ
Part of Speech: Noun, Feminine
Transliteration: geenna
Phonetic Spelling: (gheh'-en-nah)
Short Definition: Gehenna
Definition: Gehenna, and originally the name of a valley or cavity near Jerusalem, a place underneath the earth, a place of punishment for evil.

2 பேதுரு 2:4ல் வரும் நரகம்:
Original Word: ταρταρόω
Part of Speech: Verb
Transliteration: tartaroó
Phonetic Spelling: (tar-tar-o'-o)
Short Definition: I thrust down to Tartarus
5020 tartaróō – properly, send to Tartarus ("Tartaros"). The NT uses 5020 (tartaróō) for the netherworld – the place of punishment fit only for demons. Later, Tartaros came to represent eternal punishment for wicked people.

"5020 (tartaróō) is a Greek name for the under-world, especially the abode of the damned – hence to cast into hell" (A-S); to send into the subterranean abyss reserved for demons and the dead.

[In Greek mythology, Tartarus was a "place of punishment under the earth, to which, for example, the Titans were sent" (Souter).]

இப்படி இரண்டு வார்த்தைகளும் வேறு, இரண்டு அர்த்தங்களும் வேறு, ஆனாலும் உங்கள் சபைகளில் "நரகம்" என்கிற ஒரே வார்த்தையில் மனமகிழ்ந்து ஜனங்களை வஞ்சித்துக்கொண்டு இருக்கிறீர்கள்!! நீங்களும் உங்கள் ஒரே மொழிப்பெயர்ப்பில் மாத்திரம் வாசித்துக்கொண்டு இது தான் தேவன் கொடுத்த வார்த்தைகள் என்கிற மமதையில் இருக்கிறீர்கள்!!

இதை தான் நீங்கள் நரகம் என்று சொல்லி போதிக்கிறீர்களே!! பரவாயில்லை செய்யுங்கள்!!

//இந்தியா சுதந்தர நாடு தான் அதுக்காக எனக்கு திருடுவதற்கு, கொலை செய்வதற்கு சுதந்தரம் இருக்கிறது என யாரும் சொல்ல முடியாது. மீட்பு இலவசம் தான் ஆனால் அதை பெற்றுக்கொள்ளவேண்டும். இயேசுவின் ரத்தம் கண்டவனும் கண்ட படி வாழ்வதற்கான கடைச்சரக்கா? ஏனய்யா இயேசுவின் விலைமதிப்பற்ற ரத்தத்தை கேலிப்பொருளாக்குகிறீர்கள்.//

ரோமர் 2:11 தேவனிடத்தில் பட்சபாதமில்லை.

கலாத்தியர் 2:6 அல்லாமலும் எண்ணிக்கையுள்ளவர்களாயிருந்தவர்கள் எனக்கு ஒன்றும் போதிக்கவில்லை; அவர்கள் எப்படிப்பட்டவர்களாயிருந்தாலும் எனக்குக் கவையில்லை (அக்கறையில்லை), தேவன் மனுஷரிடத்தில் பட்சபாதமுள்ளவரல்லவே.

ஒரே கேள்வி!! சரியாக பதில் சொல்லுங்கள்!! நீங்கள் எல்லாவற்றிலும் சரியான மனுஷனா!! அதாவது கிறிஸ்து சொல்லியதை 100% பின்பற்றி வாழ்பவரா?? ஆமாம் கிறிஸ்து சொன்னப்படியே 100% வாழ்கிறேன் என்று சொல்லுங்கள், நான் எழுதுவதையே நிறுத்திவிடுகிறேன்!! இல்லை வாழ முயற்சிக்கிறேன் என்று சொன்னீர்களென்றால், கிறிஸ்துவை அறிந்த உங்களாலே பூர்ணராக வாழமுடியவில்லை, பிறகு ஏன் அடுத்தவரை நீங்கள் பாவிகள் என்றும் நரகத்திற்கு போவார்கள் என்றும் சொல்லுகிறீர்கள்!! கிறிஸ்து சிந்திய இரத்தத்தை யார் கேலிப்பொருளாக்குகிறார்கள்!!

கிறிஸ்துவின் இரத்தம் அவரை ஏற்றுக்கொள்வோருக்காக சிந்தப்பட்டது என்கிறீர் நீங்கள்

கிறிஸ்துவின் இரத்தம் அனைவருக்காகவும் சிந்தப்பட்டது என்கிறோம் நாங்கள் :
எபிரேயர் 2:9. என்றாலும், தேவனுடைய கிருபையினால் ஒவ்வொருவருக்காகவும், மரணத்தை ருசிபார்க்கும்படிக்கு;
1 யோவான் 2:2. நம்முடைய பாவங்களை நிவிர்த்தி செய்கிற கிருபாதாரபலி அவரே; நம்முடைய பாவங்களை மாத்திரம் அல்ல, சர்வலோகத்தின் பாவங்களையும் நிவிர்த்திசெய்கிற பலியாயிருக்கிறார்.
எல்லாவ்ற்றுக்கும் மேல்,
1 தீமோத்தேயு 2:6. எல்லாரையும் மீட்கும் பொருளாகத் தம்மை ஒப்புக்கொடுத்த மனுஷனாகிய கிறிஸ்து இயேசு அவரே; இதற்குரியசாட்சி ஏற்ற காலங்களில் விளங்கிவருகிறது.

இதற்குரிய சாட்சி ஏற்ற காலங்களில் விளங்கிவருகிறது, நாங்கள் புரிந்துக்கொண்டோம், நீங்களும் என்றாவது ஒரு நாள் புரிந்துக்கொள்வீர்கள்!!

இப்படி எல்லாரையும், எல்லாருக்காகவும் என்று கிறிஸ்து சிந்திய இரத்தத்தை சிலருக்கு தான் என்று சொல்லி யார் கேலிப்பொருளாக்குகிறார்கள்?

இன்றைய அரசியல் கட்சிகளின் இலவசங்களுடன் "மீட்பு" என்கிற இலவசத்தை ஒப்பீடாதீர்கள்!! இது அரசியல் இலவசனக்கள், மீட்பு என்கிற இலவசம் அனைவருக்கும்!!

//ஒரேதரம் மரிப்பதும் பின் நியாயத்தீர்ப்படைவதும் மனுஷனுக்கு நியமிக்கப்பட்டதென்று அறியீர்களா? எல்லாருக்கும் பரலோகம் என்றால் நியாயதீர்ப்பு என்றால் என்ன, தியேட்டருக்குள் ஏ கிளாஸ், பி கிளாஸ், சி கிளாஸ் என உள்ளே விடுவதற்கா? //

ஏசாயா 26:9 என் ஆத்துமா இரவிலே உம்மை வாஞ்சிக்கிறது; எனக்குள் இருக்கிற என் ஆவியால் அதிகாலையிலும் உம்மைத் தேடுகிறேன்; உம்முடைய நியாயத்தீர்ப்புகள் பூமியிலே நடக்கும்போது பூச்சக்கரத்துக்குடிகள் நீதியைக் கற்றுக்கொள்வார்கள்.

இது தான் நியாயத்தீர்ப்பு!! பூச்சகரத்து குடிகள் நீதியை கற்றுக்கொள்வார்கள்!! இதற்கு ஒரு நாள் (24 மணி நேரம் அடங்கிய ஒரு நாள்) கிடையாது!! இதற்கும் வசனம் இருக்கிறது,

2 பேது 3:8. பிரியமானவர்களே, கர்த்தருக்கு ஒருநாள் ஆயிரம்வருஷம்போலவும், ஆயிரம்வருஷம் ஒருநாள்போலவும் இருக்கிறதென்கிற இந்த ஒரு காரியத்தை நீங்கள் அறியாதிருக்கவேண்டாம்.

இது தான் நியாயத்தீர்ப்பின் நாட்கள் (24 மணி நேரத்தில் எல்லாரும் எழுந்து வந்து, கலர் கலராக ஸ்க்ரீனகளில் வீடியோவில் பாவங்கள் காட்டப்பட்டு பரலோகத்திற்கும், நரகத்திர்கும் தள்ளுவது கிடையாது), ஏனென்றால் அவர் நிதானமாக நியாயம்த்திர்ப்பார்!!

சங்கீதம் 67:4 தேவரீர் ஜனங்களை நிதானமாய் நியாயந்தீர்த்து, பூமியிலுள்ள ஜாதிகளை நடத்துவீர்; ஆதலால் ஜாதிகள் சந்தோஷித்து, கெம்பீரத்தோடே மகிழக்கடவர்கள். (சேலா.)

சங்கீதம் 96:10 கர்த்தர் ராஜரிகம்பண்ணுகிறார், ஆகையால் பூச்சக்கரம் அசையாதபடி உறுதிப்பட்டிருக்கும்; அவர் ஜனங்களை நிதானமாய் நியாயந்தீர்ப்பார் என்று ஜாதிகளுக்குள்ளே சொல்லுங்கள்.

எல்லருக்கும் பரலோகம் என்று யார் சொன்னார்கள்!! நாங்களா!! கிடையவே கிடையாது!! மீட்பு என்றலே பரலோகம் போவது தான் என்று நினைத்துக்கொண்டு இருப்பதால் உங்களுக்கு இப்படி தான் தோன்றும்!! நாங்கள் ஒரு போதும் எல்லாரும் பரலோகம் போவார்கள் என்று சொன்னதே இல்லை!! சபை ஒன்றை தவிர யாரும் பரலோகம் செல்ல மாட்டார்கள், அதற்காக காந்தி ரேஞ்சில் இருப்பவர்கள் இந்த பூமியில் கிறிஸ்துவை தெரியாததினால் உங்கள் "நரகத்"திற்கும் போக மாட்டார்கள்!! இந்த பூமியில் இருப்பார்கள்!!

இன்றைக்கு அற்புதம் செய்கிறோம், தீர்க்கதரிசனம் சொல்லுகிறோம் என்று சொல்லுபவர்களும் அப்படியே இருப்பார்கள்,

மத்தேயு 7:23 அப்பொழுது, நான் ஒருக்காலும் உங்களை அறியவில்லை. அக்கிரமச் செய்கைக்காரரே, என்னைவிட்டு அகன்று போங்கள் என்று அவர்களுக்குச் சொல்லுவேன்.

நாங்கள் தீர்க்கதரிசனம் சொன்னோம், அற்புதம் செய்தோம் என்று பரலோகத்திற்குள் போக முடியாது, அக்கிரமச் செய்கைக்காரரே, என்று நாங்கள் அல்ல, கிறிஸ்துவே சொல்லியிருக்கிறார்!!

ஆக நியாயத்தீர்ப்பின் நாட்களில் உங்கள் திரித்துவ போதகர்களும் நீதியை கற்றுக்கொள்வார்கள்!!

நரகம் பாதாளம் இருப்பது உண்மையா? பதிவிலிருந்து...

நரகம் பாதாளம் எல்லாம் இருக்கிறது, அது இன்று சபைகளில் பேசப்படும் நரகம் பாதாளம் அல்ல சகோதரரே. இந்த நரகம், பாதாளம், படுகுழி, எரிநரகம், அந்தகாரம் எல்லாம் வேதத்தில் இருக்கிறது, இந்த வார்த்தைகளை பிடித்துக்கொண்டு இந்த வார்த்தைகளை தியானித்து, அதினால் வரும் தரிசனங்கள் (!), தேவன் தந்தது என்று கதைகள் பறப்பி வருகிறார்கள் பல முன்னனி ஊழியர்கள் (!). இந்த தரிசனங்கள் தேவன் தந்தது என்று சொல்லுகிறர்வர்கள், அந்த தேவனின் நாமத்தை கூட அறியாமல் இருப்பவர்கள். சாத்தானை கூட தான் இந்த பிரபஞ்சத்தின் தேவன் என்று வேதம் சொல்லுகிறது. அவனும் ஒளியின் தூதனாக வந்து அவனுடைய ஊழியர்களும் உண்டு என்று வேதம் சொல்லுகிறது. கேட்பவர்களின் செவிகளுக்கு தோதாய் இருக்கிறது என்று எதை வேண்டுமென்றாலும் போதிக்கும் கள்ள உபதேசர்கள் கிறிஸ்தவ சாமராஜ்யத்திற்குள் நுழைந்திருக்கிறார்கள். இன்னும் பல மசாலா கருத்துகளை சேர்த்து சொல்லுவது இவர்களுக்கு பொழுது போக்காக இருக்கிறது. பரிசுத்த ஆவி மூலமாக எழுதப்பட்ட வேதம் எபிரேயு மற்றும் கிரேக்கம் ஒரு சில பார்சீக வார்த்தைகளும் அராமிய வார்த்தைகளும் அதில் உண்டு. இதை நகல் எடுத்து அதே மொழியில் எழுதிய கை பிரதிகள் இன்றும் இருக்கிறது. இந்த மூல பாஷைகளை தவிர மற்ற எந்த மொழிபெயர்ப்பு ஆனாலும் சரி, அது மனித திறன், மூளைக்கொண்டு மொழிப்பெயர்க்கப்பட்ட புத்தகமே. இந்த மொழிப்பெயர்க்கப்பட்ட புத்தகத்தை நாம் பரிசுத்த ஆவியின் துனையுடன் (நம் கணவுகள் காட்சிகள், தரிசனங்கள் அல்ல) மாத்திரமே படித்து தியானிக்கனும், ஏனென்றால் அப்பொழுது தான் இயேசு கிறிஸ்து என்ன சொல்லி கொடுத்தாரோ அந்த அர்த்தக் கிடைக்கும். இதை விட்டு விட்டு. தன் சொந்த அனுபவங்கள், கனவுகள் காட்சிகள் என்று சொல்லிக்கொண்டு வேதத்தை வியாக்கியானம் செய்வதே ஒரு பாவம் தான். ஏனென்றால், சொந்த அனுபவங்களோ, கணவுகளோ, காட்சிகளோ, தரிசனங்களோ, இயேசு கிறிஸ்துவின் போதனைகள் ஆகாது.

நரகம், பாதாளம், படுகுழி, எரிநரகம், அந்தகாரம்  போன்ற இந்த வார்த்தைகள் மூல பாஷையில் பார்த்தோமென்றால், எபிரேயத்தில் ஷியோல் (Sheol) என்றும், கிரேக்கத்தில் நரகம், பாதாளம், படுகுழி எல்லாம் ஹேடஸ் (Hades) என்றும் இயேசு கிறிஸ்து யூதர்களிடம் மாத்திரம் பயன் படுத்திய வார்த்தையான எரிநரகம் "கெஹென்னா" (Gehenna) என்றும், பாவம் செய்த தூதர்களை தப்பவிடாமல் அந்தகாரத்தில் வைத்திருப்பதை "டார்ட்டரு" (Tartaru or Tartarus)  என்கிற பதங்கள் வேதத்தில் குறிக்கிறது. எபிரேய ஷியோல்க்கு நேரடியான கிரேக்க பதம் ஹேடஸ் ஆகும். இந்த ஷியோல் அல்லது ஹேடஸ் என்றால், மரித்த நிலை, மரித்தவர் நிலை, மறைவானது, புதைக்கப்பட்டது, கல்லறை, மறைவான இடம் போன்ற அர்த்தங்களே உள்ளது. இதில் எங்கு இருந்து தான் இந்த கள்ள தீர்க்கதரிசிகள், கள்ள அப்போஸ்தலர்கள் இங்கு தான் அக்கினி இருக்கிறது என்று, இந்த அக்கினி தான் இயேசு கிறிஸ்துவை ஏற்காத அனைவரும் போகும் இடம் ஆகும் என்று புலம்புகிறார்கள்.

அவர்கள் ஒழுங்காக வேதத்தை ஆராய்ந்து பார்த்திருந்தால், "எல்லா மனுஷர்களும் இரட்சிக்கப்பட தேவன் சித்தமாக இருக்கிறார் என்றும்" இதற்காகவே "இயேசு கிறிஸ்து எல்லாருக்காகவும் மீட்கும் பொருளாக தம்மை செலுத்தினார்" (1 தீமோ 2:2-6) என்றும், தேவனின் கிருபையினால் "எல்லா மனுஷர்களுக்காகவும் மரணத்தை ருசி பார்த்தார் இயேசு கிறிஸ்து" (எபி 2:9) என்றும் இருப்பதை என்னோ இந்த கிறிஸ்துவின் ஊழியர்கள் என்று தங்களை சொல்லிக்கொண்டு கபடத்தை போதிப்பவர்கள் பார்க்க மறுக்கிறாகள். கிறிஸ்துவை அறியாதவர்கள் போகும் இடம் தான் நரகம் என்று சொல்லுகிறார்களே, இவர்களே இந்த நரகத்திற்கு போக தான் வேண்டும் என்று கூட அறியாதவர்களாக போதிக்கிறார்களே என்பதின் தான் வேடிக்கை.