kovaibereans

நாங்கள் கிறிஸ்தவர்கள் திரியில் பெரியன்ஸ்:

//மத்தேயு 28:20. நான் உங்களுக்குக் கட்டளையிட்ட யாவையும் அவர்கள் கைக்கொள்ளும்படி அவர்களுக்கு உபதேசம் பண்ணுங்கள்;
அப்போஸ்தலர் 11:26 அவர்கள் ஒரு வருஷகாலமாய்ச் சபையோடே கூடியிருந்து, அநேக ஜனங்களுக்கு உபதேசம்பண்ணினார்கள். முதல்முதல் அந்தியோகியாவிலே சீஷர்களுக்குக் கிறிஸ்தவர்கள் என்கிற பேர் வழங்கிற்று.

இப்படி அப்போஸ்தலர்கள் வாயிலாக மாத்திரமே வந்த கிறிஸ்துவின் போதனைகள் மூலமாக கொண்டிருக்கும் விசுவாசத்தையும், அவரை பின்பற்றுவதில் உள்ள வாஞ்சையினால் நாங்கள் "கிறிஸ்தவர்கள்"!!//

இத்திரியில் பெரியன்ஸ்:

//வேதம் ஒரு கிறிஸ்தவனைக் குறித்து சொல்லுவதைக் கேளுங்கள்!! கிறிஸ்தவன் என்றால் சீஷன் என்பதை முதலில் புரிந்துகொள்ளுங்கள்!! ஏனென்றால் சீஷர்களைத் தான் வேதம் கிறிஸ்தவர்கள் என்று அழைத்திருக்கிறது (அப்போஸ்தலர் 11:26 அவர்கள் ஒரு வருஷகாலமாய்ச் சபையோடே கூடியிருந்து, அநேக ஜனங்களுக்கு உபதேசம்பண்ணினார்கள். முதல்முதல் அந்தியோகியாவிலே சீஷர்களுக்குக் கிறிஸ்தவர்கள் என்கிற பேர் வழங்கிற்று.)

மத்தேயு 16:24 அப்பொழுது, இயேசு தம்முடைய சீஷர்களை நோக்கி: ஒருவன் என்னைப் பின்பற்றி வர விரும்பினால், அவன் தன்னைத்தான் வெறுத்து, தன் சிலுவையை எடுத்துக்கொண்டு என்னைப் பின்பற்றக்கடவன்

மாற்கு 8:34 பின்பு, அவர் ஜனங்களையும் தம்முடைய சீஷர்களையும் தம்மிடத்தில் அழைத்து: ஒருவன் என் பின்னே வர விரும்பினால், அவன் தன்னைத்தான் வெறுத்து, தன் சிலுவையை எடுத்துக்கொண்டு என்னைப் பின்பற்றக்கடவன்.

லூக்கா 14:27 தன் சிலுவையைச் சுமந்துகொண்டு எனக்குப் பின்செல்லாதவன் எனக்குச் சீஷனாயிருக்கமாட்டான்.

உண்மையில் இப்படிபட்ட சீஷத்துவத்தை பின்பற்றுவது மிகவும் கடினமான ஒன்றுதான்!! ஆனாலும் பிரயாசப்படலாமே!!//

//கிறிஸ்தவ ஜீவியம் என்பது முள்ளின் மேல் உள்ள படுக்கையென்பது வசனங்கள் காண்பிகிறது, ஆனால் அது சீஷனாக இருக்க விரும்புகிறவனுக்கே அன்றி இன்றைய நவீன தேவ மனிதர்கள் அல்லது மேடை போட்டு தன்னை தேவன் மனிதர்கள் என்று சொல்லிக்கொள்ளுபவர்களுக்கு அல்ல://

//ரோமர் 8:18 ஆதலால் இக்காலத்துப் பாடுகள் இனி நம்மிடத்தில் வெளிப்படும் மகிமைக்கு ஒப்பிடத்தக்கவைகள் அல்லவென்று எண்ணுகிறேன்.

II கொரிந்தியர் 1:5 எப்படியெனில், கிறிஸ்துவினுடைய பாடுகள் எங்களிடத்தில் பெருகுகிறதுபோல, கிறிஸ்துவினாலே எங்களுக்கு ஆறுதலும் பெருகுகிறது.

பிலிப்பியர் 3:10 இப்படி நான் அவரையும் அவருடைய உயிர்த்தெழுதலின் வல்லமையையும், அவருடைய பாடுகளின் ஐக்கியத்தையும் அறிகிறதற்கும், அவருடைய மரணத்திற்கொப்பான மரணத்திற்குள்ளாகி, எப்படியாயினும் நான் மரித்தோரிலிருந்து உயிரோடெழுந்திருப்பதற்குத் தகுதியாகும்படிக்கும்,

கொலோசெயர் 1:24 இப்பொழுது நான் உங்கள் நிமித்தம் அநுபவிக்கிற பாடுகளில் சந்தோஷமடைந்து, கிறிஸ்துவினுடைய உபத்திரவங்களில் குறைவானதை அவருடைய சரீரமாகிய சபைக்காக, என் மாம்சத்தில் நிறைவேற்றுகிறேன்.

II தீமோத்தேயு 2:12 அவரோடேகூடப் பாடுகளைச் சகித்தோமானால் அவரோடேகூட ஆளுகையும் செய்வோம்; நாம் அவரை மறுதலித்தால், அவரும் நம்மை மறுதலிப்பார்;

I பேதுரு 4:13 கிறிஸ்துவின் மகிமைவெளிப்படும்போது நீங்கள் களிகூர்ந்து மகிழும்படியாக அவருடைய பாடுகளுக்கு நீங்கள் பங்காளிகளானதால் சந்தோஷப்படுங்கள்.

I பேதுரு 5:1 உங்களிலுள்ள மூப்பருக்கு உடன்மூப்பனும், கிறிஸ்துவின் பாடுகளுக்குச் சாட்சியும், இனி வெளிப்படும் மகிமைக்குப் பங்காளியுமாயிருக்கிற நான் புத்திசொல்லுகிறதென்னவென்றால்:

பிலி. 1:29. ஏனெனில் கிறிஸ்துவினிடத்தில் விசுவாசிக்கிறதற்குமாத்திரமல்ல, அவர்நிமித்தமாகப் பாடுபடுகிறதற்கும் உங்களுக்கு அருளப்பட்டிருக்கிறது.

இனி கிறிஸ்தவம் (சீஷத்துவம் என்று அர்த்தம் மட்டுமே, ஊழியன் என்றோ தேவ மனிதர்கள் என்றோ கிடையாது) முள்ளின் மேல் உள்ள படுக்கையா, முல்லைப்பூ படுக்கையா என்பதை வசனங்கள் கொண்டு நிதானித்து பாருங்கள்!!//

உங்கள் போதனை, கருத்து, கொள்கை, விசுவாசம் போன்றவற்றை இன்னும் தெளிவாக அறிவதற்காக உங்களது பழைய பதிவுகளைத் அலசிப்பார்த்தேன். அவற்றில் இவ்விரு பதிவுகளும் என்னை வெகுவாகக் கவர்ந்தன.

இப்பதிவுகளிலிருந்து நீங்கள் ஒரு கிறிஸ்தவராகவும் இயேசுவின் மெய்யான சீஷராகவும் வாழ பிரயாசப்படுகிறீர்கள் என அறிகிறேன். அதாவது இயேசுவின் கற்பனைகளையெல்லாம் கைக்கொள்வதற்கும் அவற்றினிமித்தம் பாடுகளை அனுபவிப்பதற்கும் பிரயாசப்படுகிறீர்கள் என அறிகிறேன். மொத்தத்தில் உங்கள் வாழ்க்கையை முள்ளின்மேல் உள்ள படுக்கையாக வாழ்ந்துகொண்டிருக்கிறீர்கள் என அறிகிறேன்.

ஆகிலும் கிறிஸ்துவின் போதனைப்படி மற்றவர்கள் ஜீவிப்பதற்கு உங்களது பல கருத்துக்கள் இடறலாக இருப்பதாகவும் நான் அறிகிறேன். நீங்கள் நினைப்பதுபோல், “யார் எப்படி ஜீவித்தாலும் அவர்கள் எல்லோருக்கும் நித்திய ஜீவன் உண்டு” எனும் கருத்து உண்மையாக இருந்தால்கூட, அதை அப்படியே சொல்லித்தான் ஆகவேண்டுமா?

பவுலோ பேதுருவோ யோவானோ, “யார் எப்படி ஜீவித்தாலும் அவர்கள் எல்லோருக்கும் நித்திய ஜீவன் உண்டு” என நேரடியாக ஒருபோதும் சொன்னதாகத் தெரியவில்லையே!

அவர்களெல்லோரும் இயேசுவின் கற்பனைகளின்படி நடப்பதைத்தானே போதித்துள்ளனர்? பின்னர் ஏன் நீங்கள் தனித்துவமான ஒரு கருத்தை பெரிதுபடுத்திச் சொல்லவேண்டும்?

கிறிஸ்துவின் மெய்யான சீஷராக வாழப் பிரயாசப்படும் நீங்கள் பின்வரும் வசனத்தை நினைவில் கொள்ளுமாறு அன்புடன் வேண்டுகிறேன்.

மத்தேயு 18:6 என்னிடத்தில் விசுவாசமாயிருக்கிற இந்தச் சிறியரில் ஒருவனுக்கு இடறல் உண்டாக்குகிறவன் எவனோ, அவனுடைய கழுத்தில் ஏந்திரக்கல்லைக் கட்டி, சமுத்திரத்தின் ஆழத்திலே அவனை அமிழ்த்துகிறது அவனுக்கு நலமாயிருக்கும். 7 இடறல்களினிமித்தம் உலகத்துக்கு ஐயோ, இடறல்கள் வருவது அவசியம், ஆனாலும் எந்த மனுஷனால் இடறல் வருகிறதோ, அவனுக்கு ஐயோ!

இன்றைய ஊழியர்களின் தவறானப் போக்கை சாடுவதாகக் கருதிக்கொண்டு, இத்தள வாசகர்களுக்கு “இடுக்கமான வாசலைக் காட்டுவதற்குப் பதில் விரிவான வாசலைக் காட்டுவதாக” நான் உணர்கிறேன்.

உங்கள் மீதுள்ள தனிப்பட்ட கரிசனத்தால்தான் இதைக் கூறுகிறேன். இதற்குமேல் உங்கள் இஷ்டம்.

மத்தேயு 18:23-35 வசனங்களிலுள்ள உவமானத்திற்கு உங்களது விளக்கத்தை தரும்படி கேட்டிருந்தேன். இன்னமும் அதை நீங்கள் தரவில்லை. மீண்டுமாக அதை நினைவுபடுத்துகிறேன்.

இனிமேல் உங்கள் தளத்தில் வந்து இவ்விதமாக தொந்தரவு செய்யமாட்டேன். இதுவரை எனது பதிவுகளை பொறுமையோடு படித்து பதிலளித்த உங்களுக்கும் சோல்சொல்யூஷனுக்கும் எனது நன்றியைத் தெரிவிக்கிறேன்.