kovaibereans

சபைக்கு தலையாக இருப்பவர் இயேசு கிறிஸ்து என்பதை மறந்துவிட்டு தசமபாகம் வாங்கும் பாஸ்டர் தான் தலைவர் என்கிற நினைப்பில் தான் இன்று அநேக கிறிஸ்தவர்கள் இருக்கிறார்கள்!! கத்தோலிக்கர்கள் சொல்லுவார்கள், வேளாங்கண்னி மாதாவிடம், அந்தோனியாரிடம், சூசையப்பரிடம் சென்றால் அற்புதம் கிடைக்கும் என்று, இந்த ஆவிக்குறிய சபைகள் என்று தங்களை சொல்லிக்கொள்பவர்கள் சொல்லுவது, "பிரதர், பால் தினகரன் கூட்டத்தில் சுகம் கிடைக்கும், எங்க பாஸ்டர் ஜெபித்தால் பிசாசு அப்படி அலறி அடித்துக்கொண்டு ஓடும் (அப்படி என்றால் இத்துனை மாதங்கள் அல்லது வருடங்கள் அந்த பாஸ்டருக்கு தெரியாமல் அந்த பிசாசு சபைக்கு வந்து போய் கொண்டிருந்தது போல்!! என்ன காமேடி), ஜட்ஸன் ஆபிரகாமிடம் போனார் கீழே விழுந்து எழுந்து வரலாம், இப்படி தான் சொல்லுகிறார்களே தவிர ஒருவராவது இயேசு கிறிஸ்துவிடம் இதை எல்லாம் பெற்றுக்கொள்வோம் என்கிறார்களா!! இல்லையே, இல்லையே!!

இயேசு கிறிஸ்து அனைவரையும் சுகப்படுத்தும் ஒரு காலம் வருகிறது, அது இன்று கிறிஸ்தவம் போதிப்பது கிடையாது, உடனடி உணவு பொருட்கள் மாதிரி, உடனடி வசதிகள், உடனடி சுகம், உடனடி வேலை, உடனடி திருமனம் போன்றவற்றுக்காக தான் இன்று கிறிஸ்தவர்கள் சபைக்கும் பாஸ்டரையும் தேடி செல்வது இந்த நோக்கத்திற்காக தானே!!

ஏசா 35ம்,

1. வனாந்தரமும் வறண்ட நிலமும் மகிழ்ந்து, கடுவெளி களித்து, புஷ்பத்தைப்போல செழிக்கும்.

2. அது மிகுதியாய்ச் செழித்து பூரித்து ஆனந்தக்களிப்புடன் பாடும்; லீபனோனின் மகிமையையும் கர்மேல் சாரோன் என்பவைகளின் அலங்காரமும் அதற்கு அளிக்கப்படும்; அவர்கள் கர்த்தருடைய மகிமையையும், நமது தேவனுடைய மகத்துவத்தையும் காண்பார்கள்.

3. தளர்ந்த கைகளைத் திடப்படுத்தி, தள்ளாடுகிற முழங்கால்களைப் பலப்படுத்துங்கள்.

4. மனம் பதறுகிறவர்களைப் பார்த்து: நீங்கள் பயப்படாதிருங்கள், திடன்கொள்ளுங்கள்; இதோ, உங்கள் தேவன் நீதியைச் சரிக்கட்டவும், உங்கள் தேவன் பதிலளிக்கவும் வருவார்; அவர் வந்து உங்களை இரட்சிப்பார் என்று சொல்லுங்கள்.

5. அப்பொழுது குருடரின் கண்கள் திறக்கப்பட்டு, செவிடரின் செவிகள் திறவுண்டுபோம்.

6. அப்பொழுது முடவன் மானைப்போல் குதிப்பான்; ஊமையன் நாவும் கெம்பீரிக்கும்; வனாந்தரத்திலே தண்ணீர்களும், கடுவெளியிலே ஆறுகளும் பாய்ந்தோடும்.

7. வெட்டாந்தரை தண்ணீர்த்தடாகமும், வறண்ட நிலம் நீரூற்றுகளுமாகும், வலுசர்ப்பங்கள் தாபரித்துக் கிடந்த இடங்களிலே புல்லும் கொறுக்கையும் நாணலும் உண்டாகும்.

8. அங்கே பெரும்பாதையான வழியும் இருக்கும்; அது பரிசுத்த வழி என்னப்படும்; தீட்டுள்ளவன் அதிலே நடந்துவருவதில்லை; அந்த வழியில் நடக்கிறவர்கள் பேதையாயிருந்தாலும் திசைகெட்டுப் போவதில்லை.

9. அங்கே சிங்கம் இருப்பதில்லை; துஷ்டமிருகம் அங்கே போவதுமில்லை, அங்கே காணப்படவுமாட்டாது; மீட்கப்பட்டவர்களே அதில் நடப்பார்கள்.

10. கர்த்தரால் மீட்கப்பட்டவர்கள் திரும்பி, ஆனந்தக்களிப்புடன் பாடி, சீயோனுக்கு வருவார்கள்; நித்திய மகிழ்ச்சி அவர்கள் தலையின்மேலிருக்கும்; சந்தோஷமும் மகிழ்ச்சியும் அடைவார்கள்; சஞ்சலமும் தவிப்பும் ஓடிப்போம்.

3. தளர்ந்த கைகளைத் திடப்படுத்தி, தள்ளாடுகிற முழங்கால்களைப் பலப்படுத்துங்கள். ‍ இதை தானே நாங்கள் பிரசங்கித்து வருகிறோம். இன்ஸ்டண்ட் சுகம்  அவர் தரும் காலம் வருகிறது என்று!! ஏசாயா அன்று சொன்னதை தான் நாங்கள் இப்பொழுது சொல்லுகிறோம்!!