kovaibereans

http://chillsam.activeboard.com/index.spark?aBID=134567&p=3&topicID=37659968

அந்த குறிப்பிட்ட தளம் கோவைபெரெயன்ஸ் தளம் தான் என்பதை பகிரங்கமாக எழுதியிருக்கலாமே!! ஒரு கொள்ளைக்காரனை கொள்ளைக்காரன் என்று விமர்சிப்பதில் தவறு ஒன்றும் இல்லை. ஊழியக்காரன் என்று நீங்கள் வேன்டுமென்றால் மெச்சி கொள்ளுங்கள். ஏன் பிற மதஸ்தர்களுக்கு இவர்களை குறித்து என்ன சொல்லுவது என்கிற குழப்பமா? ஊழியத்திற்கு பணம் கேட்கலாம் என்றால், என்ன ஊழியம், விமானத்தில் நாடு நாடாக பறந்து போவதற்கும், குடும்பத்துடன் சுக போகமாக பென்ஸ் காரில் அலையவும், கிறிஸ்துவின் பெயரை சொல்லி கள்ள தீர்க்கதரிசனம் சொல்லி, பணம் பறிப்பதும், பரிசுத்த ஆவிக்கு ஏஜென்ஸி எடுத்துக்கொண்டு செயல்ப்படுபவர்கள் எல்லாம் ஊழியர்கள், இவர்கள் வாழும் வாழ்க்கைக்கு பிச்சை போடுவது தான் ஊழியக்காரனுக்கு பணம் கொடுப்பதா!? ஆம் என்பதை ஆம் என்றும் இல்லை என்பதை இல்லை என்று சொல்ல வேண்டும், அது தான் உண்மையும் சத்தியமுமாக இருக்க முடியும். பெரிய மேடை போட்டு கூட்டம் சேர்த்து விடுவது ஊழியம் இல்லை, அது திருட்டு, ஏமாற்று வேலை, கள்ளத்தனம். இந்த கள்ளக்கூட்டத்தை வெளிப்படுத்த எனக்கு இந்த அழைப்பு இருக்கிறது, எனக்கு இந்த அழைப்பு இல்லை என்று எல்லாம் அதையும் தேவன் பெயரில் போட வேண்டியதில்லையே, தேவன் நமக்கு தமது வேதத்தை தந்திருக்கிறார், அதிலிருந்து ஓநாய்களை பகுத்தறிந்து அவைகள் ஓநாய்கள் என்று சொல்லுவதில் தவறொன்றும் இல்லை.

நாங்கள் விமர்சித்த எந்த ஒரு ஊழியக்காரனாவது ஊழியன் (வேலைக்காரன்) என்று சொல்லும்படியாக இருக்கிறானா? ஐசுவரியத்தில் கொலுத்திருக்கும் இவர்கள் ஏன் சோமாலியா போன்ற நாட்டிற்காக அற்புதம் செய்வதில்லை (அற்புதம் கிடைக்கும்படியாக ஜெபிப்பதில்லை), அப்படியே ஜெபித்திருந்தாலும், ஏன் பதில் இல்லை! ஏனென்றால் அந்த நாட்டிற்கு எல்லாம் போனால் இவர்கள் உயிருக்கே உத்திரவாதம் இருக்காது, இவர்கள் தங்கும்படியான வசதிகள் அங்கே இருக்காது, அது தான் காரணம். பணம் பறிக்கும் இந்த ஐசுவரியவான்கள் ஏன் தன்னை ஊழியக்காரன் என்று சொல்ல வேண்டும் என்பது தான் கேள்விக்குறியாக இருக்கிறது.'என் பாதத்தில் விழுந்து என்னை வனங்கினால், இவை அனைத்தையும் உனக்கு தருகிறேன்" என்று இயேசு கிரிஸ்துவிடம் இராஜியங்களையும், சம்பத்தையும் காண்பித்து சொன்னான் பிசாசு. மனுஷகுமாரனுக்கு தலை சாய்க்க கூட இடம் இல்லை, ஓசி கல்லறை, இவைகளுக்கு தான் சொந்தக்காரராக இருந்தார் இயேசு கிறிஸ்து. என் இராஜியம் இந்த உலகத்தை சார்ந்தது இல்லை என்றார். பவுல் பேதுரு போன்ற அப்போஸ்தலர்கள் தங்களிடம் இருந்த அனைத்தையும் விட்டு விட்டு ஊழியத்திற்கு ஓடினார்கள்.

ஆனால் இன்று நாங்கள் விமர்சிக்கும் இந்த கள்ள கூட்டம் ஒருவனாவது இந்த தகுதியில் இருக்கிறானா!! ஆனால் தன்னையே இயேசு கிறிஸ்துவிற்கு மேலாக, அப்போஸ்தலர்களுக்கு மேலாக நிலைநாட்ட விரும்புகிறது இந்த கூட்டம் எந்த விதத்தில் தங்களை ஊழியர்கள் என்று நிலைநிறுத்த பார்க்கிறார்கல்? யாரை ஏமாற்றுகிறார்கள்? சர்வ வல்லமை உள்ள தேவனை தானே? அவர் படைப்பாகிய மனிதர்களை தானே ஏமாற்றுகிறார்கள். இவர்கள் கிறிஸ்தவர்கள் என்கிற ஒரு காரணத்திற்காக இவர்களுக்கு பரிந்து பேசுபவர்களும் அதே நோக்கத்தில் இருப்பவர்களாக தான் இருக்க முடியும். ஆனால் நாங்கள் நிச்சயமாக இந்த ஆட்டு தோல் போர்த்திய ஓநாய் கூட்டத்தை வெளிப்படுத்தி காண்பிப்போம். அனைவரும் தெரிந்துக்கொள்ளட்டுமே இவர்க‌ளின் (அட்)ஊழியத்தை!!

கொவைபெரெயன்ஸ் தளத்தில் இப்பட்டி பட்ட கள்ள தீர்க்கதரிசிகளின் கூட்டத்தை வெளிப்படுத்த முழு சுதந்திரம் உண்டு!! நாங்கள் ஓநாய்களுக்கு பரிந்து பேசுவதில்லை. பிற மார்க்கத்தாரும், மத்தாரும் இவர்களை குறித்து தெரிந்துக்கொள்ளட்டுமே!!