kovaibereans

http://lord.activeboard.com/index.spark?aBID=134574&p=3&topicID=37198977

மாற் 10:26. அவர்கள் பின்னும் அதிகமாய் ஆச்சரியப்பட்டு: அப்படியானால் யார் இரட்சிக்கப்படக்கூடும் என்று தங்களுக்குளே சொல்லிக்கொண்டார்கள்.

27. இயேசு அவர்களைப் பார்த்து: மனுஷரால் இது கூடாததுதான்; தேவனால் இது கூடாததல்ல; தேவனாலே எல்லாம் கூடும் என்றார்.

இந்த வேத பகுதியை முழுமையாக வாசிக்காமல், இயேசு கிறிஸ்து ஏன் இப்படி ஒரு பதிலை தருகிறார் என்கிற கேள்வியை கூட வாசிக்காமல், அதுவும் மனுஷரால் இது கூடாததுதான் என்று இயேசு கிறிஸ்து சொன்ன பிறகும் அவர் சொன்னார் தான் ஆனால் அப்படி இல்லை என்று வாதிடுவதற்கு பெயர் விதண்டாவாதாம். நாம் கிரியை தானே போதிக்கிறோம், இது என்ன புதுசா ஒரு வசனம் என்று வசனத்தையே திசை திருப்பு முயற்சி நடந்திருக்கிறது. இந்த வசனத்திற்கு ஒப்பீட்டாக ஆதி. 6:3ஐ எழுதியிருக்கிறார். அங்கு எந்த விதத்திலும் இரட்சிப்பை குறித்து பேசப்படவில்லை என்பதை பார்க்க வேண்டாமா?

நநெறியான வாழ்கைக்கும் மதத்திற்கும் சம்பந்தமே கிடையாது. இது எல்லா மதத்திலும், ஏன் மதமே இல்லை என்கிற மனிதர்களிடமும் இருக்கிறது. சொல்லப்போனால் ஊழியர் என்கிற போர்வையில் மோசடி செய்வோரைக்காட்டிலும் நல்ல கிரியைகள் செய்வோர் நிறைய ஜனங்கள் இருக்கிறார்கள்.

இந்த வசனப்பகுதியில், யார் இரட்சிக்கப்படக்கூடும் என்கிறது தான் முக்கியமான காரியம், அதற்காக இயேசு தீர்க்கமான பதிலை தந்திருக்கிறார். இயேசு சொன்ன பதிலை ஏற்றுக்கொள்வது தானே அவரின் வார்த்தைக்கு கீழ்படிவதாக அர்த்தம்.

இல்லை இல்லை, அவர் சொல்லியிருக்கிறார், ஆனால்.......என்று சொல்லுவதே அவரின் வார்த்தைக்கு எந்த அளவிற்கு கீழ்படிகிறோம் என்பதை தான் கான்பிக்கிறது.