kovaibereans

பாதாளம் என்கிற தமிழ் வார்த்தைக்கு பிற மதங்களிலிருந்து வந்த அர்த்தத்தை பார்ப்பதினால் தான் பிரச்சனையே. அதன் கிரேக்க மற்றும் எபிரேய பதங்களையும் அதன் அர்த்தங்களையும் பார்த்தால் எந்த குழப்பமும் இல்லை. அந்த வார்த்தைகள் சரியாகவும், அர்த்தம் தெளிவாகவும் தான் இருக்கிறது. மரித்தோரின் நிலை அதாவது, மரித்து போனவனை(ளை) வைக்கும் இடம் தான் பாதாளம் (எபிரேய ஷியோல் மற்றும் கிரேக்க ஹேடஸ்) மற்றபடி "பாதாளத்தின் இரகசியங்கள்" அப்படி ஒன்றும் பெரிசாக இல்லை. மரணம் என்றால் என்ன என்று வேதம் மிகவும் தெளிவாக இருக்கிறது. "நீ மண்ணாயிருக்கிறாய், மண்ணுக்குத் திரும்புவாய் என்றார்." ஆதி. 3:19. இதைவிட மரணத்திற்கு வேற் என்ன பிரமாதமான அர்த்தம் தேவை. வேதமே வேதத்தை விளக்கும், நாம் பார்க்கும் தரிசனங்களோ, நாம் நினைத்துக்கொண்டிருக்கும் ஆழமான நினைவுகளின் வெளிப்பாடே தவிர வேற் ஒன்றும் இல்லை. அதில் எந்த அளவிற்கு உண்மை என்று தெரியாது. தரிசனங்கள் வருவது உண்மையாக இருக்கலாம், ஆனால் அதை வியாக்கியானம் செய்து, இது தான் சரி என்று நினைத்துக்கொள்வது எந்த அளவிற்கு சரி என்று தெரியவில்லை.

ஆக மரணம் ஒரு இரகசியம் கிடையாது. அந்த மரணத்திலிருந்து அனைவரும் ஒரு நாள் விழித்து எழப்போகிறார்கள் என்பதிலும் எந்த சந்தேகமும் இல்லை. இந்த மரணத்தின் அர்த்தத்தை தெரிந்துக்கொண்டோமென்றால் பாதாளத்தின் உண்மையான அர்த்தம் தெரிந்து விடும். சத்தியத்தை தான் அநேகர் ஏற்றுக்கொள்ள மாட்டார்கள், ஆனால் தரிசனங்கள், கணவுகள், காட்சிகள் சுவாரசியமாக இருப்பதால், அநேகர் அதை ஏற்றுக்கொள்வார்கள். கட்டு கதைகளுக்கு திரும்பும் காலம் வரும் என்று பவுல் சும்மாவாக எழுதி வைத்தார்.

ஐசுவரியவான் லாசரு என்கிற ஒரு உவமையை வைத்து மரணத்தின் அர்த்ததையும், பாதாளத்தின் இரகசியங்களையும் வித்தியாசமான கோனத்தில் சிந்திக்க உதவியதே சாத்தானின் தந்திரம் தான் அன்றி வேற் ஒன்றும் இல்லை.