kovaibereans

தமிழில் "வருகை" என்கிற வார்த்தைக்கு ஒரே அர்த்தம் தான் இருக்கிறது. ஆனால், கிரேக்க மொழியில் (எதற்கு இத்துனை மொழிப்பெயர்ப்பு, ஏன் ஆராய்ச்சி என்பவர்கள் மண்ணிக்கவும்) வருகை என்று ஒன்று மாத்திரம் இல்லை. சகொ அன்பு குறிப்பிட்ட வசனம் 1 கொரி. 15:23ல் உள்ளது "பரோஷியா" என்கிற கிரேக்க வார்த்தை. இன்னும் இரண்டு வார்த்தைகளுக்கும் தமிழில் வருகை என்று தான் மொழிப்பெயர்த்திருக்கிறார்கள், "எப்பிஃபெனி" மற்றும் "அப்போகாலிப்ஸ்". இதை எல்லாம் படித்தால் தான் இரண்டாம் வருகை தெரிய வேண்டுமா, அதான் தேவன் எங்களுக்கு எல்லாம் காண்பிக்கிறாரே என்பவர்களுக்கு இந்த பகுதி நிச்சயமாக வீண் தான்.

சாதாரனமாக புரிய வேண்டும் என்றால், "பரோஷியா" என்பது "உண்மையாகவே ஒரு நபர் வருவதற்கு முன் உள்ள நிலை" அதாவது, நாகர்கோவிலுக்கு பிரதமர் வருகை தருகிறார் என்று வைத்துக்கொள்வோம், அவர் அந்த பட்டினத்திற்கு வருவதை முதலாவது அறிவது, கலெக்டர் தொடங்கி சில உயரதிகாரிகள் மாத்திரமே. பிரதமர் வரவில்லை, ஆனால் அவர் வரும் போது, என்ன, எப்படி இருக்க வேன்டுமோ, அதை எல்லாம் அந்த அதிகாரிகள் செய்வார்கள். அதாவது, Presence of someone not physically. The word parousia signifies presence, without in any sense of the word indicating that the presence is visible. ஒருவர் வரும் முன்னமே அவரின் வருகையை உணர்ந்துக்கொள்ளும் ஒரு சூழல் தான் பரோஷியா. அப்படி என்றால் சகோ அன்பு அல்லது இன்றைய ஆவிக்குறிய சபைகள் நினைத்திருக்கிறபடி, இயேசு கிறிஸ்து அனைவரும் காணும்படி மீண்டும் இந்த பூமிக்கு வந்த பின்பு தான் உயிர்த்தெழுதல் நடக்கும் என்பது "பரோஷியா" என்கிற இந்த வார்த்தை "தவறு" என்று சுட்டி காண்பிக்கிறது. அவரின் வருகையை நெருங்கும் காலம் பரோஷியா, அப்பொழுதிருந்து "பரிசுத்தவான்கள்" உயிர்த்தெழுதல் தொடங்கிவிடும் என்பது தான் 1 கொரி 15:23 சொல்லுகிறது.தமிழில் மட்டும் வேதாகமம் போதும் ஏனென்றால் இதுவும் பரிசுத்த ஆவியினால் தான் மொழிப்பெயர்க்கப்பட்டிருக்கிறது எல்லாம் ஒரு வெத்து நம்பிக்கை. "பரோஷியா", "அப்போகாலிப்ஸ்" மற்றும் "எப்பிஃபெனி" என்கிற மூன்று வார்த்தைகளுக்கும் தமிழில் மொழிபெயர்த்து தந்திருப்பது "பரிசுத்த ஆவி" இல்லை மாறாக, தேவனை தூஷிக்கிற ஆவியாக தான் இருக்க முடியும். இதற்காக தான் கிரேக்க மொழியில் உள்ளதையும் சரியான அர்த்தம் தெரிய பார்க்க வேண்டும் என்பது.

மேலும்..
http://kovaibereans.activeboard.com/index.spark?aBID=128972&p=3&topicID=31946486

பழைய ஏற்பாட்டு "பரிசுத்தவான்கள்" எனப்படும் கூட்டத்தாருக்கு கூட பரலோகம் வாக்களிப்பதாக எந்த ஒரு வசனமும் இல்லையே!

மத்தேயு 11:11 ஸ்திரீகளிடத்திலே பிறந்தவர்களில் யோவான்ஸ்நானனைப் பார்க்கிலும் பெரியவன் ஒருவனும் எழும்பினதில்லை; ஆகிலும், பரலோகராஜ்யத்தில் சிறியவனாயிருக்கிறவன் அவனிலும் பெரியவனாயிருக்கிறானென்று உங்களுக்கு மெய்யாகவே சொல்லுகிறேன்.

மாம்சத்தில் பிறந்த யோவானை போல் பெரியவன் ஒருவனும் எல்லை என்றும், ஆனால் பரலோக ராஜியத்தில் இருக்கும் ஒரு சிறியவனும் அவனிலும் பெரியவனாயிருப்பானாம், என்றால், யோவான் (ஸ்நானகன்) பரலோகம் போவதில்லை என்று தானே அர்த்தம். பரலோகம் சபைக்கு தான் வாக்கழிக்கப்பட்டதே தவிர பரிசுத்தவான்கள் என்கிறவர்களுக்கு அல்ல, சபை என்பது இயேசு கிறிஸ்துவிற்கு பிறகு தானே. "பாவிகளில் பிரதான பாவி நான்" என்கிறார் பவுல். மேலும் பழைய ஏற்பாடு முழுவதும் பூமியில் கூட்டி சேர்க்கும்  வசனங்கள் தானே உள்ளது.

தாங்கள் கொடுத்த வசனத்திலும் மீட்பர் கடைசிநாளில் பூமியின் மேல் நிற்பார் என்பது தானே.

தவறான ஒரு கருத்து, கிறிஸ்தவர்களுக்கு பரலோகம் நிச்சயம் என்பது. பரலோகம் சபைக்கு மாத்திரமே, மற்றபடி பழைய ஏற்பாட்டுடன் புதிய ஏற்பாட்டு "கிறிஸ்தவர்களுக்கும்" இந்த பூமி தான்.

பரலோகம் போகும் தகுதி எத்துனை பேர்களுக்கு இருக்கிறது என்று நெஞ்சை தொட்டு சொல்லுங்கள் கிறிஸ்தவர்களே!!

இந்த செம்மறியாடு வெள்ளாடு பகுதியை மாத்திரம் வைத்துக்கொண்டு மீண்டும் மனிதன் கிருபையினால் அல்ல நற்'கிரியை'யினால் இரட்சிக்கப்படுவான் என்று வேதத்துக்கு புதிய ஏற்பாட்டுக்கு எதிராக பதித்துள்ளீர்கள்.

பாவத்தின் சம்பளம் மரணமல்ல பாவத்தின் சம்பளம் உயிர்த்தெழுதல் என்று புது வசனம் கூட சொல்வீர்கள் போலுள்ளது. கிறிஸ்து சர்வலோகத்தின் பாவத்தையும் சுமந்தார் என்ற வசனம் உங்களுக்கு கேலியாகப் படுகிறதுபோலும்.
ஆதாம் செய்த 'பெரும்பாவம்' அவனுடைய குலத்தையே அழித்துப்போட்டது; இரண்டாம் ஆதாம் செய்த புண்ணியம் அவனுடைய குலத்தை மீட்டுக்கொண்டது. வேதம் சொல்வது அவ்வளவே. உயிர்த்தெழுந்து நீதியைக் கற்றுக்கொண்டு நித்தியமாய் இந்த மனுக்குலம் வாழும். ஒரு ஆள் பாக்கியில்லாமல். அவரே நீதிமானாக்குகிறவர்.

இன்னும் நியாயப்பிரமாணப் போதகர்களாக இருக்க விரும்புகிறவர்களுக்கு இது புரிவது கடினமே! ஏற்கனவே பாவம் செய்ததனால் அதன் தண்டனையான மரணத்தை அனுபவித்துக்கொண்டிருப்பவர்களை உயிரோடு எழுப்பி மற்ற நீதிமான்கள் முன்பு அவர்களை அவமானப்படுத்தி மீண்டும் ஒரு மரண தண்டனை கொடுப்பதென்பது இம்சை அரசன் 23ம் புலிகேசியால் கூட யோசிக்கமுடியாது.

உங்கள் கோட்பாட்டின்படி கிறிஸ்து மரித்தது ஆதாமுக்காக மட்டும்தானோ?

லூக்கா 15:7 அதுபோல, மனந்திரும்ப அவசியமில்லாத தொண்ணூற்றொன்பது நீதிமான்களைக்குறித்துச் சந்தோஷம் உண்டாகிறதைப் பார்க்கிலும் மனந்திரும்புகிற ஒரே பாவியினிமித்தம் பரலோகத்தில் மிகுந்த சந்தோஷம் உண்டாயிருக்கும் என்று உங்களுக்குச் சொல்லுகிறேன்.

லூக்கா 15:10 அதுபோல மனந்திரும்புகிற ஒரே பாவியினிமித்தம் தேவனுடைய தூதருக்கு முன்பாகச் சந்தோஷமுண்டாயிருக்கிறது என்று உங்களுக்குச் சொல்லுகிறேன் என்றார்.

இதில் மனத்திரும்புகிற 'ஒரே பாவி' முழுமனுக்குலம்தான். தேவனே தீமையை அனுமதிக்கிறார், குயவன் கையில் களிமண்ணாக இருக்கும் மனிதர்களில் சிலரை கனவீனத்துக்கும் அவரே நியமிக்கிறார். சகலமும் தேவ சித்தம். தேவசித்தமில்லாத விஷயங்கள் கூட நடக்கிறதென்றால் அவர் தேவத்துவத்தை இழந்துவிட்டதாக அர்த்தம்.

பாவிகளை இரட்சிக்க கிறிஸ்து இயேசு உலகத்தில் வந்தார் என்பதை நீங்கள் மாற்றி பாவிகளை அல்ல நீதிமான்களை ரட்சிக்க வந்தார் என்பீர்கள் போலுள்ளதே?

மிக நீண்ட இடைவெளிக்குப்பின் தங்கள் தளத்துக்கு வந்தேன். நேர்த்தியாக இருந்தது. திரித்துவத்துக்கு ஜோசப்பின் கட்டுரைக்கு முழு விளக்கமளிப்பீர்கள் என்று எண்ணுகிறேன். உங்கள் நற்கிரியைக் கோட்பாடு, மீண்டும் தண்டனை போன்றவற்றில்தான் உடன்பாடில்லை. கிறிஸ்துவைத் தொழுவது சரியல்ல என்ற விஷயத்தை ஏற்றுக்கொண்டேன். உங்கள் பழைய வாதமும் ஒரு காரணம். நன்றி!

சகோ.soulsolution மற்றும் சகோ.பெரியன்ஸ்-ன் கவனத்திற்கு!

மத்தேயு 6:14,15 மனுஷருடைய தப்பிதங்களை நீங்கள் அவர்களுக்கு மன்னித்தால், உங்கள் பரமபிதா உங்களுக்கும் மன்னிப்பார். மனுஷருடைய தப்பிதங்களை நீங்கள் அவர்களுக்கு மன்னியாதிருந்தால், உங்கள் பிதா உங்கள் தப்பிதங்களையும் மன்னியாதிருப்பார்.

இவ்வசனத்தின் விளைவுகளை சற்று ஆழமாக சிந்தித்துப்பாருங்கள்.

இயேசுவின் வசனத்திற்குக் கீழ்ப்படிந்து, அவனவன் பிறரது தப்பிதங்களை மன்னித்திருந்தால், அவனவனின் தப்பிதங்களையும் (பாவங்களை) பிதா மன்னித்திருப்பார். ஆனால், பிறரது தப்பிதங்களை மன்னியாதோரின் கதி? அவர்களின் பாவங்களை பிதா மன்னித்திருக்க மாட்டார் அல்லவா? ஆனால் அவ்வாறு மன்னிக்கப்படாதவர்களும் 1 கொரி. 15:22-ன்படி உயிர்த்தெழுவார்களே! அவ்வாறெனில், அவர்களின் பாவம் மன்னிக்கப்படாத நிலையில்தானே அவர்கள் உயிர்த்தெழுவார்கள்?

உங்கள் கூற்றுப்படி, அவர்களின் பாவம் மன்னிக்கப்பட்டுத்தான் அவர்கள் உயிர்த்தெழுவார்களெனில், “மனுஷருடைய தப்பிதங்களை நீங்கள் அவர்களுக்கு மன்னியாதிருந்தால், உங்கள் பிதா உங்கள் தப்பிதங்களையும் மன்னியாதிருப்பார்” எனும் இயேசுவின் கூற்று பொய்யாகிவிடும்.

இப்போது சிந்தியுங்கள்:

இயேசுவின் கூற்று பொய்யா? அல்லது உங்கள் கூற்று தவறா?

மற்றுமொரு வசனத்தைக் கவனியுங்கள்.

யாக்கோபு 2:13 இரக்கஞ்செய்யாதவனுக்கு இரக்கமில்லாத நியாயத்தீர்ப்புக் கிடைக்கும்; நியாயத்தீர்ப்புக்கு முன்பாக இரக்கம் மேன்மைபாராட்டும்.

யாக்கோபு கூறுகிற நியாயத்தீர்ப்பு, மனிதரின் மரணத்திற்கு முன்னானதா, அல்லது மரணத்திற்கு பின்னானதா?

மரணத்திற்கு முன்னானது எனில்,

அந்த நியாயத்தீர்ப்பின் பலன் எதுவாக இருக்கும்? பாவத்தின் சம்பளம் மரணம் எனும் கூற்றின்படி மரணம்தான் இரக்கஞ்செய்யாதவனுக்குரிய பலனாக இருக்கும். ஆனால் இரக்கஞ்செய்பவன், இரக்கஞ்செய்யாதவன் என்ற வித்தியாசமின்றி அனைவருக்கும் மரணம்தானே பலனாகக் கிடைத்துக்கொண்டிருக்கிறது? இரக்கஞ்செய்பவன், இரக்கஞ்செய்யாதவன் ஆகியோருக்கான நியாயத்தீர்ப்பின் பலனில் எந்த வித்தியாசமும் இல்லையே!

எனவே, யாக்கோபு கூறுகிற நியாயத்தீர்ப்பு, மனிதரின் மரணத்திற்கு முன்னானது அல்ல, பின்னானதே என அறிகிறோம்.

சரி, பின்னானது என்றால் என்ன அர்த்தம்? உயிர்த்தெழுதலுக்குப் பின் என்றுதான் அர்த்தம். உயிர்த்தெழாத ஒருவனை எப்படி நியாயந்தீர்க்க முடியும்? எனவே மனிதனின் உயிர்த்தெழுதலுக்குப் பின்னர்தான் யாக்கோபு கூறுகிற நியாயத்தீர்ப்பு நடக்கும்.

அந்த நியாயத்தீர்ப்பின்போது, “இரக்கஞ்செய்யாதவனுக்கு இரக்கமில்லாத நியாயத்தீர்ப்பு கிடைக்கும்” என யாக்கோபு கூறுகிறார்.

உண்மையில், உயிர்த்தெழுதலின்போது ஒருவனின் பாவங்கள் அனைத்தும் மன்னிக்கப்பட்டிருந்தால், பின்னர் அவனிடம் ஏன் இரக்கமில்லாத நியாயத்தீர்ப்பை அமல்படுத்த வேண்டும்? பாவங்கள் அனைத்தும் மன்னிக்கப்பட்ட ஒருவனிடம், “நீ இரக்கஞ்செய்யாதவன், ஆகிலும் நீ இரக்கஞ்செய்யாதது உட்பட உனது அனைத்து பாவங்களும் மன்னிக்கப்பட்டுவிட்டன; எனவேதான் நீ உயிர்த்தெழுந்துள்ளாய்; ஆனாலும் யாக்கோபு 2:13-ன்படி உனக்கு இரக்கமில்லாத நியாயத்தீர்ப்புதான் வழங்குவேன்” என இயேசு சொன்னால் அது தகுதியானதாக இருக்குமா? நிச்சயம் இருக்காது.

எனவே இரக்கஞ்செய்யாமல் இப்பூமியில் வாழ்ந்த ஒருவன், கடைசி நாளில் உயிர்த்தெழுகிறபோது, அவனது பாவங்கள் மன்னிக்கப்பட்டிருக்காது என்பதே உண்மை. அப்படி மன்னிக்கப்படாதவனுக்கு “இரக்கமில்லாத நியாயத்தீர்ப்பு” என்பதே பொருத்தமாயிருக்குமேயொழிய, மன்னிக்கப்பட்டவனுக்கு “இரக்கமில்லாத நியாயத்தீர்ப்பு” என்பது பொருத்தமாயிராது.

bereans wrote:

//மனிதன் மரிப்பதற்கு காரணம் பாவம்!!//

இங்குதான் நீங்கள் முக்கியமான தவறு செய்கிறீர்கள். மனிதன் மரிப்பதற்க்குக் காரணம் பாவம் என்பது சரிதான்; ஆனால் யாருடைய பாவம் என்பதில்தான் நீங்கள் தவறுகிறீர்கள். மனிதன் மரிப்பதற்குக் காரணம், அவனவனின் சுயபாவம் அல்ல; ஆதாமின் பாவமே ஒவ்வொரு மனிதனும் மரிப்பதற்குக் காரணம். நீங்கள் அடிக்கடி குறிப்பிடுகிற பின்வரும் வசனம், இதைத் தெளிவாகக் கூறுகிறது.

1 கொரி. 15:22 ஆதாமுக்குள் எல்லாரும் மரிக்கிறதுபோல, கிறிஸ்துவுக்குள் எல்லாரும் உயிர்ப்பிக்கப்படுவார்கள்.

bereans wrote:

//ஒரு வேளை மனிதன் பாவம் செய்திராமல் இருந்திருந்தால் மரிக்காமலே இருந்திருப்பான்,//

உங்களது இக்கூற்று தவறு. பாவம்செய்யாத மனிதனும் சாவான் என்பதே வேதாகமம் கூறுகிற உண்மை. இதற்கு ஆதாரமான பின்வரும் வசனங்களைச் சற்று படியுங்கள்.

ரோமர் 5:12 இப்படியாக, ஒரே மனுஷனாலே பாவமும் பாவத்தினாலே மரணமும் உலகத்திலே பிரவேசித்ததுபோலவும், ...

14 மரணமானது ஆதாம்முதல் மோசேவரைக்கும், ஆதாமின் மீறுதலுக்கொப்பாய்ப் பாவஞ்செய்யாதவர்களையும் ஆண்டுகொண்டது; அந்த ஆதாம் பின்பு வந்தவருக்கு முன்னடையாளமானவன்.

17 ஒருவனுடைய மீறுதலினாலே, அந்த ஒருவன்மூலமாய், மரணம் ஆண்டுகொண்டிருக்க, ...

18 ஒரே மீறுதலினாலே எல்லா மனுஷருக்கும் ஆக்கினைக்கு ஏதுவான தீர்ப்பு உண்டானதுபோல,...

19 ஒரே மனுஷனுடைய கீழ்ப்படியாமையினாலே அநேகர் பாவிகளாக்கப்பட்டதுபோல, ...

ஆதாமின் பாவமே எல்லா மனுஷரின் மரணத்திற்கும் காரணம் என்பது இப்போது புரிகிறதா?

ஆதாமுக்குப் பின்வந்த எந்த மனிதனாக இருந்தாலும், அவன் பாவம் செய்யாவிட்டால்கூட மரிக்கத்தான் வேண்டும்.

ஆதாமுக்குள் எல்லாரும் மரிக்கிறதுபோல ... என 1 கொரி. 15:22 கூறுவதை மீண்டும் நினைவூட்டுகிறேன்.

ஒரு மனிதனின் மரணத்திற்குக் காரணமான பாவம் எப்போது அவனைவிட்டு நீங்குகிறதோ, அப்போது அவன் அந்த மரணத்திலிருந்து விடுதலைபெற தகுதியாவான்.

கிறிஸ்துவின் பாவநிவாரணபலியால் ஆதாமின் பாவம் எல்லா மனிதரிடமிருந்தும் நீக்கப்படுகிறது. எனவேதான் 1 கொரி. 15:22 கூறுகிறபடி, கிறிஸ்துவுக்குள் எல்லாரும் உயிர்ப்பிக்கப்படுவார்கள்.

ஆம், நம் மரணத்திற்குக் காரணமான “ஆதாமின் பாவம்” நம்மைவிட்டு நீங்கியதும், நாம் அனைவரும் உயிர்த்தெழுதலுக்குத் தகுதியாகிவிடுவோம்.

இனி அவரவரின் சுயபாவத்தின் விளைவைப் பார்ப்போம்.

நம் மரணத்திற்குக் காரணமான ஆதாமின் பாவம் நீங்கி உயிர்த்தெழுந்த நாம், அடுத்து நம் சுயபாவங்களுக்குப் பதில் சொல்லவேண்டும். நம் சுயபாவங்களும் இயேசுவின் பாவநிவாரணபலியால் நீக்கப்பட முடியும் என்பது மெய்தான். ஆனால், அவ்வாறு நீக்கப்படுவதற்கு மிக முக்கியமான ஒரு நிபந்தனை உண்டு. அது:

1 யோவான் 1:9 நம்முடைய பாவங்களை நாம் அறிக்கையிட்டால், பாவங்களை நமக்கு மன்னித்து எல்லா அநியாயத்தையும் நீக்கி நம்மைச் சுத்திகரிப்பதற்கு அவர் உண்மையும் நீதியும் உள்ளவராயிருக்கிறார்.

இந்த நிபந்தனையை நாம் நிறைவேற்றின உடனேயே, நம் பாவமெல்லாம் நீங்கி நாம் சுத்திகரிக்கப்படுவோம். ஆகிலும் அவ்வப்போது நாம் பாவம் செய்யவும் நேரிடக்கூடும்தான். இப்படிப்பட்ட நமக்காகவும், கிறிஸ்துவை அறியாமல் மரிக்கிற அனேக கோடி மக்களுக்காகவும்தான் பின்வரும் மற்றொரு நிபந்தனையை இயேசு கூறியுள்ளார்.

மத்தேயு 5:7 இரக்கமுள்ளவர்கள் பாக்கியவான்கள்; அவர்கள் இரக்கம் பெறுவார்கள்.

மத்தேயு 6:14,15 மனுஷருடைய தப்பிதங்களை நீங்கள் அவர்களுக்கு மன்னித்தால், உங்கள் பரமபிதா உங்களுக்கும் மன்னிப்பார். மனுஷருடைய தப்பிதங்களை நீங்கள் அவர்களுக்கு மன்னியாதிருந்தால், உங்கள் பிதா உங்கள் தப்பிதங்களையும் மன்னியாதிருப்பார்.

பாவத்தினிமித்தம் நாம் மனஸ்தாபப்பட்டு அறிக்கையிட்டாலும் மறுபடியும் பாவம்செய்ய வாய்ப்பு உள்ளது என்பதை நம்மில் யாரும் மறுக்க இயலாது. ஆகிலும் இரக்கம், அன்பு எனும் பண்புகள் நம்மிடம் காணப்பட்டால், நியாயத்தீர்ப்பின்போது நாம் இரக்கம்பெறுவோம்; நம் பாவங்கள் மன்னிக்கப்பட்டு, நம் பாவங்களின் சம்பளமான மரணத்திலிருந்து நாம் தப்புவிக்கப்படுவோம். நம் பாவங்களினிமித்தம் நாம் சந்திக்க வேண்டிய மரணம் தான் வெளி. 21:8 கூறுகிற 2-ம் மரணம்.

முதல் மரணம் ஆதாமில் பாவத்தால் வந்ததாகும்; 2-ம் மரணம் நம் சுயபாவத்தினால் வருவதாகும். முதல் மரணத்திலிருந்து அனைவருக்கும் விடுதலை உண்டு. 2-ம் மரணத்திலிருந்து விடுதலை பெறவேண்டுமெனில், மேற்கூறியபடி சில நிபந்தனைகளை நாம் நிறைவேற்றத்தான் வேண்டும்.

பாவத்தின் சம்பளம் மரணமல்ல, பாவத்தின்சம்பளம் உயிர்த்தெழுதல் என்று புது வசனம் நான் சொல்வேன் என soulsolution கேலியாகக் கூறியிருந்தார். ஆனால் உண்மையில் பாவத்தின் சம்பளம் மரணமல்ல எனக் கூறுவது அவர்தான்.

எப்படியெனில், ஆதாமின் பாவத்தின் சம்பளமாகத்தான் எல்லா மனிதருக்கும் மரணம் வந்தது. இதன் அர்த்தமென்ன? நம் மரணத்தின்போது, நம் சுயபாவங்களுக்கான சம்பளம் கொடுக்கப்படவில்லை என்பதே. அவ்வாறெனில் நம் சுயபாவங்களுக்குச் சம்பளமான மரணம் எப்போது/எப்படி கொடுக்கப்படும்? இக்கேள்விக்கு soulsolution-ன் பதில் என்ன? அவரைப் பொறுத்தவரை நம் சுயபாவங்களுக்கான சம்பளம், “நம் உயிர்த்தெழுதல்” என்பதே.

அன்பு எழுதுகிறார்:

//உங்களது இக்கூற்று தவறு. பாவம்செய்யாத மனிதனும் சாவான் என்பதே வேதாகமம் கூறுகிற உண்மை. இதற்கு ஆதாரமான பின்வரும் வசனங்களைச் சற்று படியுங்கள்.//

சகோ அன்பு அவர்களே, இங்கே மனிதன் என்று எழுதியது ஆதாமை தான் என்று தெரிவித்துக்கொள்கிறேன்!! ஒரு வேளை ஆதாம் பாவத்தில் விழாமல் இருந்திருந்தால் மரணம் வந்திருக்காது!!

ஆதாமின் பாவம் மனிதர்களுக்குள் ஜென்ம பாவமாக ஒட்டிக்கொண்டே இருக்கிறது என்பதை மறுக்கவில்லை!! இந்த பாவம் மனிதர்களுக்குள் பாவ சுபாவத்தை ஏற்படித்தியது!! அது வெறும் ஆதாமின் பாவமாக இல்லாமல், தனிப்பட்ட பாவமாக மாறியது!!

ரோமர் 5:12. இப்படியாக, ஒரே மனுஷனாலே பாவமும் பாவத்தினாலே மரணமும் உலகத்திலே பிரவேசித்ததுபோலவும், எல்லா மனுஷரும் பாவஞ்செய்தபடியால், மரணம் எல்லாருக்கும் வந்ததுபோலவும் இதுவுமாயிற்று.

ஆதாமின் பாவம் மாத்திரம் இருந்திருந்தால், எல்லா மனுஷரும் "பாவஞ்செய்தபடியால்" மரணம் எல்லாருக்கும் வந்தது என்கிறதே வசனம்!! ஆதாமின் பாவத்தினால் மரணம் பிரவேசித்தது, ஆனால் அந்த பாவ சரீரத்தில் தனி மனிதன் பாவங்கள் செய்ய தொடங்கினானே!!

ரோமர் 3:10. அந்தப்படியே: நீதிமான் ஒருவனாகிலும் இல்லை; 11. உணர்வுள்ளவன் இல்லை; தேவனைத் தேடுகிறவன் இல்லை; 12. எல்லாரும் வழிதப்பி, ஏகமாய்க் கெட்டுப்போனார்கள்; நன்மைசெய்கிறவன் இல்லை, ஒருவனாகிலும் இல்லை.

தேடுவது, வழிதப்பி நடப்பது கெட்டுப்போவது நன்மை செய்யாதிருப்பது எல்லாம் தனிப்பட்ட பாவங்கள் தானே சகோதரரே!! எல்லாருமே இப்படி தான் இருக்கிறார்கள் என்கிறாதே வேதம்!! ஆதாமின் பாவத்தினால் மனிதர்களுக்குள் பாவ சுபாவம் வந்து விட்டது!! இந்த பாவமும் மன்னிக்கப்படுகிறது!! ஆகவே தான் உயிர்த்தெழுதல் நடக்க முடியும்!! இனி தனிப்பட்ட பாவங்களினால் தேவனுக்கு விரோதமாக இருந்தவர்கள் இந்த பூமியில் வந்து தேவனை அறிகிற அறிவை பெற்றுக்கொள்வார்கள், இந்த பூமியில் சத்தியத்தை அறிந்தவர்கள் (கிறிஸ்தவ மண்டலம் இல்லை) அதில் நடக்க பிரயாசித்தவர்கள், தேவனால் முன்குறிக்கப்பட்டவர்கள், கிறிஸ்துவின் சாயலில் சபையாக மாற்றப்படுவார்கள், ஆவிக்குறிய உயிர்த்தெழுதல் அவர்களுக்கு!! மற்ற் ஆனைவருக்கும் பூமிக்குறிய (மாம்சத்தில்) உயிர்த்தெழுதல் உண்டாகும்!!

ஆதாமின் பாவத்தினால் தான் மரணம் பிரவேசித்தது என்பதில் எந்த மாற்றுக்கருத்தும் இல்லை!! ஆனால் அந்த பாவத்தினால் எல்லா மனிதர்களும் பாவசுபாவத்திற்கு வந்து விட்டார்கள், எல்லா மனிதர்களும் இனி ஆதாமின் பாவத்தினால் மாத்திரம் அல்ல, தன் சுய பாவங்களின் பாரத்தின் தான் இருக்கிறார்கள்!!

பாவிகளில் பிரதான பாவி நான் என்கிற பவுலிடம் வெறும் ஆதாமின் பாவம் மாத்திரம் தான் இருந்தது என்று நினைக்கிறீர்களா!!
என் தாய் என்னை பாவத்தில் கர்ப்பம்தரித்தாள் என்று சொன்ன தாவீது, மரிக்கும் மட்டும் ஆதாமின் பாவத்தில் மாத்திரமே இருந்தானா??

சங்கீதம் 25:7 என் இளவயதின் பாவங்களையும் என் மீறுதல்களையும் நினையாதிரும்; கர்த்தாவே, உம்முடைய தயவினிமித்தம் என்னை உமது கிருபையின்படியே நினைத்தருளும்.

சங்கீதம் 103:12 மேற்குக்கும் கிழக்குக்கும் எவ்வளவு தூரமோ, அவ்வளவு தூரமாய் அவர் நம்முடைய பாவங்களை நம்மை விட்டு விலக்கினார்.

ஏசாயா 43:25 நான், நானே உன் மீறுதல்களை என் நிமித்தமாகவே குலைத்துப்போடுகிறேன்; உன் பாவங்களை நினையாமலும் இருப்பேன்.

ஏசாயா 44:22 உன் மீறுதல்களை மேகத்தைப்போலவும், உன் பாவங்களைக் கார்மேகத்தைப்போலவும் அகற்றிவிட்டேன்; என்னிடத்தில் திரும்பு; உன்னை நான் மீட்டுக்கொண்டேன்.

எபிரெயர் 8:12 ஏனெனில் நான் அவர்கள் அநியாயங்களைக் கிருபையாய் மன்னித்து, அவர்கள் பாவங்களையும் அக்கிரமங்களையும் இனி நினையாமலிருப்பேன் என்று கர்த்தர் சொல்லுகிறார்.

எபிரெயர் 9:26 அப்படியிருந்ததானால், உலகமுண்டானது முதற்கொண்டு அவர் அநேகந்தரம் பாடுபடவேண்டியதாயிருக்குமே; அப்படியல்ல, அவர் தம்மைத்தாமே பலியிடுகிறதினாலே பாவங்களை நீக்கும்பொருட்டாக இந்தக் கடைசிக்காலத்தில் ஒரேதரம் வெளிப்பட்டார்.

I பேதுரு 2:24 நாம் பாவங்களுக்குச் செத்து, நீதிக்குப் பிழைத்திருக்கும்படிக்கு, அவர்தாமே தமது சரீரத்திலே நம்முடைய பாவங்களைச் சிலுவையின்மேல் சுமந்தார்; அவருடைய தழும்புகளால் குணமானீர்கள்.

I யோவான் 1:7 அவர் ஒளியிலிருக்கிறதுபோல நாமும் ஒளியிலே நடந்தால் ஒருவரோடொருவர் ஐக்கியப்பட்டிருப்போம்; அவருடைய குமாரனாகிய இயேசுகிறிஸ்துவின் இரத்தம் சகல பாவங்களையும் நீக்கி, நம்மைச் சுத்திகரிக்கும்.

I யோவான் 4:10 நாம் தேவனிடத்தில் அன்புகூர்ந்ததினால் அல்ல, அவர் நம்மிடத்தில் அன்புகூர்ந்து, நம்முடைய பாவங்களை நிவிர்த்திசெய்கிற கிருபாதாரபலியாகத் தம்முடைய குமாரனை அனுப்பினதினாலே அன்பு உண்டாயிருக்கிறது.

மேலே வசனங்களில் உள்ளவைகள் எல்லாம் ஆதாமின் பாவத்திற்கு மாத்திரம் இல்லை, நாம் செய்யும் பாவங்களும் மன்னிக்கப்படுவதால் தான், அல்லது மன்னிக்கப்படுவதற்கு தான் கிறிஸ்து இயேசு இரத்தம் சிந்தினார்!!

அவருடைய குமாரனாகிய இயேசுகிறிஸ்துவின் இரத்தம் சகல பாவங்களையும் நீக்கி, நம்மைச் சுத்திகரிக்கும்.

சகல பாவங்கள் என்பது ஆதாமின்பாவம் மாத்திரம் இல்லை சகோதரரே, சகல பாவம் என்றால் நாம் செய்யும் பாவங்களும் தான்!! சத்தியத்தில் இருப்பவர்கள் மாத்திரம் பரிசுத்தவான்கள் அல்ல, அவர்களும் விழுந்து விழுந்து பாவங்களை அறிக்கை செய்து செய்து வாழ்ந்து மரிப்பவர்கள் தான்!!

சகோ அன்பு:
//எப்படியெனில், ஆதாமின் பாவத்தின் சம்பளமாகத்தான் எல்லா மனிதருக்கும் மரணம் வந்தது. இதன் அர்த்தமென்ன? நம் மரணத்தின்போது, நம் சுயபாவங்களுக்கான சம்பளம் கொடுக்கப்படவில்லை என்பதே. அவ்வாறெனில் நம் சுயபாவங்களுக்குச் சம்பளமான மரணம் எப்போது/எப்படி கொடுக்கப்படும்? //

பாவத்தின் சம்பளம் மரணம் என்கிற வசனத்தை எப்படி ஆதாமின் பாவத்தின் சம்பளம் தான் மரணம் என்கிறீர்கள்!! ஆதாமின் பாவத்தினால் மரணம் உண்டானது உண்மையே, ஆனால் அதன் பின் அனைவரும் என்ன ஆதாமின் பாவத்தில் மாத்திரமே இருக்கிறார்களா, இல்லையே!! ஆகவே தான் வசனம் சொல்லுகிறது,

I பேதுரு 2:24 நாம் பாவங்களுக்குச் செத்து, நீதிக்குப் பிழைத்திருக்கும்படிக்கு, அவர்தாமே தமது சரீரத்திலே நம்முடைய பாவங்களைச் சிலுவையின்மேல் சுமந்தார்; அவருடைய தழும்புகளால் குணமானீர்கள்.

நம்முடைய பாவங்கள் என்பது ஆதாமின் பாவம் மாத்திரம் கிடையாது சகோதரரே!!

நீங்கள் சொல்லும் அந்த வெள்ளை சிங்காசனம், ஆட்டுக்குட்டியை பிரிப்பது எல்லாம் உயிர்த்தெழுதலின் போது தான்!! அதாவது பரலோகம் மற்றும் பூமியில் உயிர்தெழும் கூட்டமே பிரிக்கப்படுகிறது!!

தொடரும்..............

சகோ. அன்பு அவர்களே,
நீங்கள் என்ன சொல்லவருகிறீர்கள். உயிர்தெழுந்தபின் ஒரு பிரிவினர் (வெள்ளாடு) இரண்டாம் மரணத்துக்குப் போவார்கள் என்பதுதானே. ஆக உங்கள் கூற்றுப்படி கிறிஸ்துவின் ஆட்சியில் கூட ஜனங்கள் மோசம் போவார்கள்.

நியாயப்பிரமாணம் மனிதனை தண்டனக்குள்ளாகத் தள்ளிற்று. ஆனால் கிருபையின் பிரமாணமாகிய புதிய ஏற்பாடு அவர்களை தண்டனையிலிருந்து மீட்டுக்கொண்டது.

தேவ அன்பின் உச்சம்தான் அவரது அளவற்ற கிருபை. மனிதனின் தகுதியின் அடிப்படையில் அமைவதல்ல கிருபை. அது தகுயே இல்லாதவனுக்கு இலவசமாய் வழங்க்கப்படுது.

தேவ அன்பை உணராமல் செம்மறியாடு பகுதியை பிடித்துக்கொண்டு ஒரு கூட்டத்தை நான் அழித்தே தீருவேன் என்று கங்கணம் கட்டிக்கொண்டிருக்கிறீர்கள். அதை நீங்கள் அப்படியே ஏற்றுக்கொண்டால் ஏகப்பட்ட வசனங்களுக்கு பதில் சொல்ல வேண்டிவரும்.

1.கிறிஸ்துவைப்பற்றியோ, பரிசுத்தமான வாழ்க்கைபற்றியோ அதில் குறிப்பிடப்படவில்லை.
கிறிஸ்துவின் அன்பின் ராஜ்ஜியத்தில் பாவம் இருக்குமா? அந்த் சாத்தானற்ற ராஜ்ஜியத்திலும் மனிதன் பாவம் செய்ய ஏதுவுண்டு என்றால் தேவன் அவனை என்ன நோக்கத்துக்காக உயிர்த்தெழுப்ப வேண்டும்?

2. தீமைக்குக் காரணம் தேவன் என்று ஒரு திரியில் கூறியுள்ளேன். ஏன் சகலமும் தேவனுடைய சித்தமே என்றும் கூறியிருக்கிறேன். தேவன் உண்டாக்கிய மனிதன் எக்காலத்திலும் தவறு செய்தாலும் அதற்கு முழுப்பொறுப்பு தேவனே. பழியை மனிதன்மீது போடவே முடியாது.

3.கீழ்கண்ட வசனங்களையும் கவனிக்கவும்

ரோமர்5:15. ஆனாலும் மீறுதலின் பலன் கிருபை வரத்தின் பலனுக்கு ஒப்பானதல்ல. எப்படியெனில், ஒருவனுடைய மீறுதலினாலே அநேகர் மரித்திருக்க, தேவனுடைய கிருபையும் இயேசுகிறிஸ்து என்னும் ஒரே மனுஷனுடைய கிருபையினாலே வரும் ஈவும் அநேகர்மேல் அதிகமாய்ப் பெருகியிருக்கிறது.

16. மேலும் ஒருவன் பாவஞ்செய்ததினால் உண்டான தீர்ப்பு தேவன் அருளும் ஈவுக்கு ஒப்பானதல்ல; அந்தத் தீர்ப்பு ஒரே குற்றத்தினிமித்தம் ஆக்கினைக்கு ஏதுவாயிருந்தது; கிருபைவரமோ அநேக குற்றங்களை நீக்கி நீதிவிளங்கும் தீர்ப்புக்கு ஏதுவாயிருக்கிறது.

17. அல்லாமலும், ஒருவனுடைய மீறுதலினாலே அந்த ஒருவன்மூலமாய், மரணம் ஆண்டுகொண்டிருக்க, கிருபையின் பரிபூரணத்தையும் நீதியாகிய ஈவின் பரிபூரணத்தையும் பெறுகிறவர்கள் இயேசு கிறிஸ்து என்னும் ஒருவராலே ஜீவனை அடைந்து ஆளுவார்களென்பது அதிக நிச்சயமாமே.

18. ஆகையால் ஒரே மீறுதலினாலே எல்லா மனுஷருக்கும் ஆக்கினைக்கு ஏதுவான தீர்ப்பு உண்டானதுபோல, ஒரே நீதியினாலே எல்லா மனுஷருக்கும் ஜீவனை அளிக்கும் நீதிக்கு ஏதுவான தீர்ப்பு உண்டாயிற்று.


19. அன்றியும் ஒரே மனுஷனுடைய கீழ்ப்படியாமையினாலே அநேகர் பாவிகளாக்கப்பட்டதுபோல, ஒருவருடைய கீழ்ப்படிதலினாலே அநேகர் நீதிமான்களாக்கப்படுவார்கள்.

20. மேலும், மீறுதல் பெருகும்படிக்கு நியாயப்பிரமாணம் வந்தது; அப்படியிருந்தும், பாவம் பெருகின இடத்தில் கிருபை அதிகமாய்ப் பெருகிற்று.

21. ஆதலால் பாவம் மரணத்துக்கு ஏதுவாக ஆண்டுகொண்டதுபோல, கிருபையானது நம்முடைய கர்த்தராகிய இயேசு கிறிஸ்துவின் மூலமாய் நீதியினாலே நித்தியஜீவனுக்கு ஏதுவாக ஆண்டுகொண்டது.

தேவனே மனிதனுடைய எல்லா நடக்கைகளுக்கும் பொறுப்பாளீ என்பது அவருக்குத் தெரிந்ததால்தான் அவர் அந்தப் பொறுப்பை ஏற்று எல்லாரையும் நீதிமான்களாக்குகிறார்.

ஏதொ அடுத்தவரின் தப்பிதங்களை மன்னித்து, இரக்கம் செய்து, ஹாஸ்பிடல் விஸிட், ஜெயில் விஸிட் எல்லாம் செய்து
அவரிடம் குட் கான்டாக்ட் சர்ட்டிபிகேட் வாங்கினால் நித்தியஜீவன், அப்படிச்செய்யாதவர்கள் நித்திய ஆக்கினை என்பது எந்தவகையில் ஏற்றுக்கொள்ள முடியும்?

ராஜ்ஜியத்தில் யார் வியாதியஸ்தராய் இருப்பார்கள்?

ஏசாயா 33:24. வியாதிப்பட்டிருக்கிறேன் என்று நகரவாசிகள் சொல்வதில்லை; அதில் வாசமாயிருக்கிற ஜனத்தின் அக்கிரமம் மன்னிக்கப்பட்டிருக்கும்.

எந்த அக்கிரமம் மன்னிக்கப்பட்டிருக்கும்? ஆதாமுக்கு மட்டும்தான் மன்னித்தாரே?

யார் சிறையில் இருப்பார்கள்?

மேலும் உயிர்தெழுதலுக்குப் பின் நடக்கப்போகும் நியாயத்தீர்ப்பை எண்ணி இப்போது நீங்கள் என்ன செய்வதாக உத்தேசம்?

தேவனுடைய ராஜ்ஜியத்திலும் ஒருவன் தவறுகிறான் என்றால் அது அரசனின் தோல்வியே. தார்மீக அடிப்படையில் அவர் பதவிவிலக வேண்டும்...

சகோ.soulsolution அவர்களே!

வசனம் சொல்வதை எடுத்துரைத்தால், என்மீது இப்படியாக பழி சுமத்துகிறீர்கள்.

//தேவ அன்பை உணராமல் செம்மறியாடு பகுதியை பிடித்துக்கொண்டு ஒரு கூட்டத்தை நான் அழித்தே தீருவேன் என்று கங்கணம் கட்டிக்கொண்டிருக்கிறீர்கள்.//

இப்படி என்மீது பழிசுமத்தினால் நான் எப்படி வாதிட முடியும்?

மத்தேயு 25:46-ஐக் கூறியது யார்? மீட்பராகிய இயேசுகிறிஸ்துதானே? அவர்தானே வெள்ளாடு பிரிவினருக்கு நித்திய அக்கினி நித்திய ஆக்கினை என்றும் செம்மறியாடு பிரிவினருக்கு நித்திய ஜீவன் என்றும் கூறியுள்ளார்? இதில் நீங்களும் நானும் மல்லுக்கட்டி கங்கணம் கட்டுவதால் என்ன ஆகப்போகிறது? இயேசு சொன்னபடியே நடக்கும் என நான் கூறுகிறேன். நீங்களோ, இல்லை இல்லை அவர் ஏதோ வாய் தவறி சொல்லிவிட்டார், வெள்ளாடு பிரிவினர் செம்மறியாடு பிரிவினர் எல்லோருக்கும் நித்திய ஜீவன் தான் என்கிறீர்கள்.

எதையெடுத்தாலும் வசனம் காண்பி எனச் சொல்கிறீர்கள். வசனத்தைக் காண்பித்தால், அதற்குப் பதில் சொல்லாமல், வசனம் அப்படிச் சொல்லவில்லை என்பது போலவும் நான்தான் ஏதோ கங்கணம் கட்டிக்கொண்டிருப்பதாகவும் பழிபோடுகிறீர்கள். இப்படிச் சொல்லும் உங்களிடம் எப்படி வாதம் செய்யமுடியும்?

இத்தளத்திற்குக் கூறப்பட்டுள்ள 2 பெயர்களும் மிகமிக அருமையானவை. 1. கோவை பெரியன்ஸ், 2. TRUTH SEEKERS.

வேதவசனங்களை ஆராய்பவர்கள்தான் பெரியன்ஸ். உண்மையைக் கண்டறியும் நோக்கத்துடன் வேதவசனங்களை ஆராய்பவர்கள்தான் TRUTH SEEKERS.

ஆனால் நீங்களோ, நான் ஒரு வேதவசனத்தைக் காட்டினால், அதை ஆராய்ந்து பதில் சொல்லாமல், அவ்வசனம் கூறுகிற அழிவு நடந்தாகவேண்டும் என நான் கங்கணம் கட்டுவதாகச் சொல்லி, வசன ஆராய்ச்சிக்கு முற்றுப்புள்ளி வைக்கிறீர்கள். நீங்கள் இப்படிச் செய்தால் நாம் எப்படி வசனத்தை ஆராய்ந்து விவாதித்து உண்மையைக் கண்டறியமுடியும்? உங்களது செயல் TRUTH SEEKERS எனும் பெயருக்கு சற்றும் ஒவ்வாததாக உள்ளது.

உண்மையில் நீங்கள் TRUTH SEEKERS-ஆக இருந்தால் நான் காட்டியுள்ள வசனங்களுக்கு நேரடியாகப் பதில் தாருங்கள். அதைவிடுத்து நான் தான் அழிவை விரும்புவதாகவும் ஜனங்கள் அழியவேண்டும் என நான் கங்கணம் கட்டிக்கொண்டிருப்பதாகவும் பழி சுமத்தாதீர்கள். நாம் இருவரும் இப்படியே மாறி மாறி சொல்லிக் கொண்டிருந்தால் நம் இருவர் நேரம் மட்டுமின்றி தளத்திற்கு வருவோரின் நேரமும் விரயமாகும். எனவே முடிந்தால் நான் காட்டியுள்ள வசனத்துக்கு நேரடியான பதிலைச் சொல்லி வாதிடுங்கள், இல்லாவிடில் நாம் இருவரும் விவாதத்தை நிறுத்திக்கொள்வோம்.