kovaibereans

அனால் விவிலியத்தில் முன் ஜன்மம் பற்றிய கருத்து எங்குமே இல்லை. (முன் ஜன்மம் பற்றி கருத்துக்கள் சில ஜாதிகள்  வைத்திருக்கும்  பழைய
விவிலியங்களில் இருந்ததாகவும் பின்னாட்களில்  அவைகள் நீக்கப்பட்டு
விட்டதாகவும் ஒரு கருத்தும்  உலவி வருகிறது)

பிறவி ஊனத்துக்கு முன்ஜன்ம பாவம் காரணம் இல்லை என்ற கருத்துடனே நோக்குவோம் எனில் பிறவி உணத்துக்கு காரணம் என்ன?

பழைய ஏற்பாட்டு காலங்களில் பிறவி ஊனம் பற்றிய பெரிய கருத்துக்கள் எதுவும் இல்லை எனலாம். ஆனால் புதிய ஏற்பாட்டு காலத்தில் இயேசு பல பிறவி குருடர்களை குணமாக்கிய சம்பவங்கள் இருப்பதோடு ஒரே ஒரு இடத்தில் இயேசுவிடம் கீழ்க்கண்ட கேள்வியும் கேட்கப்படுகிறது

யோவான் 9:2 அப்பொழுது அவருடைய சீஷர்கள் அவரை நோக்கி: ரபீ, இவன் குருடனாய்ப் பிறந்தது யார் செய்த பாவம், இவன்செய்த பாவமோ, இவனைப் பெற்றவர்கள் செய்த பாவமோ என்று கேட்டார்கள்.

அதற்கும் இயேசு மிக தெளிவான பதில் எதுவும் சொல்லாமல் கீழ்க்கண்ட
பதிலளித்தார்:

3. இயேசு பிரதியுத்தரமாக: அது இவன் செய்த பாவமுமல்ல, இவனைப் பெற்றவர்கள் செய்த பாவமுமல்ல, தேவனுடைய கிரியைகள் இவனிடத்தில் வெளிப்படும்பொருட்டு இப்படிப் பிறந்தான்.

இந்த ஒரே பதிலின் அடிப்படையில்தான் நாம் பிறவி ஊனத்தை ஏன் அல்லது அது யாருடைய பாவம் என்று ஆராய வேண்டிய  நிலையில் இருக்கிறோம்.

முதலில் இயேசு  சொன்ன பதில் படி ஒருவர் "பிறவி ஊனராக பிறப்பதற்கு யாருடைய பாவமும் காரணம் அல்ல"  என்பதை நாம் உணர வேண்டும். ஒருவர் செய்த பாவத்தில் அவர் மகன் ஊனமுற்றவராக பிறந்தார் என்ற கருத்து இயேசுவின் கூற்றுப்படி முற்றிலும் தவறானது! எனவே ஊனமுற்றவராக பிறப்பதற்கு யாருடைய பாவமும் காரணம் அல்ல என்பது விவிலியத்தின் கூற்று!

இரண்டாவதாக தேவனின் கிரியை வெளிப்படுபடி இப்படி பிறவிக்குருடனாக ஒருவன் பிறந்தான் என்று அடுத்த காரணத்தை இயேசு சொல்கிறார்.

இதை நாம் சற்று ஆராய வேண்டும். எல்லா குருடர்களிடத்திலும் எல்லா
ஊனமுற்றவர்களிடத்திலும் தேவனின் கிரியை வெளிப்படுகிறதா? இல்லையே! அப்படி எல்லோரிடமும் தேவனின் கிரியைகள்  வெளிப்பட்டால் இன்று உலகில் எந்த ஊனமுற்றவர்களும் இருக்கமாட்டார்களே!

பிறகு யேசு ஏன் அப்படி சொன்னார்?

நன்றாக படித்து அதிகம் சம்பாதித்து  அமெரிக்காவில் அருமையான இடத்தில் செட்டிலாகி இருக்கும் ஏன் நண்பனிடம்  ஆண்டவரை பற்றி சொன்னால் அவன் மிக சுலபமாக "எனக்கு எந்த குறையும் இல்லை எனக்கு எந்த ஆண்டவரும் தேவையில்லை, நான் மிகவும் நன்றாக இருக்கிறேன். தேவைப்பட்டால் பார்ப்போம்" என்பதுபோல் பதில் சொல்கிறான்.

இந்த உலகத்தை பொறுத்தவரை ஒருவர் எந்தவித குறையுமின்றி  ஒரு அழகான சினிமா ஸ்டார்போல் பிறந்து எல்லா சுகத்துடனும் தேவையான பணத்துடனும் வாழ்வாரானால் அவர் ஒருநாளும் இறைவனை தேட விரும்பவும் மாட்டார். இறைவனிடம் அவ்வளவு சீக்கிரம் வரவும் மாடார் அப்படியே வந்தாலும் அவரில் தேவனின் கிரியைகள் பலமாக வெளிப்பட எந்த ஒரு சந்தர்ப்பமும் இல்லை!

ஆனால் ஒரு பிள்ளை பிறவியில் குருடனாக பிறக்குமானால் முதலில் அந்த பிள்ளையின் தாய் தந்தைக்கு அது ஒரு  மிகப்பெரிய வேதனை.  வேதனை என்றால் தீராத மாற்ற முடியாத ஒரு முள்ளாகி போகும் வேதனையாக அது எப்பொழுது இதயத்தில் உறுத்திக்கொண்டு இருக்கும். இந்நிலையில் மனிதர்களால் எதுவும் செய்யமுடியாது என்று திட்டவட்டமாக தெரிந்துவிடுவதால் அவனை படைத்த இறைவனை தேடி வந்து அவரிடம் சரணடைந்து விடாப்பிடியாக மன்றாடுவதன்  மூலம் தேவனின் கிரியை வெளிப்பட்டு அந்த குருடன் குணமாகவும் அதன் மூலம் அந்த தாய்தந்தையும் இன்னும் அநேகரும் தேவனின் கிரியை அறிய வாய்ப்பு உண்டாகிறது.. தேவன் தன்னை தேடி வந்து சரணடைபவர்களுக்கு நிச்சயம் பதிலளிப்பார்  என்பது மறுக்க முடியாத உண்மை!

இரண்டாவதாக ஒருவேளை அவனின்  தாய் தந்தைதான் "விதி" என்றெண்ணி இறைவனை தேடாமல் விட்டுவிட்டாலும்,   இந்த ஊனமாய் பிறந்தவன் தனது வயதில், தன நிலையை அறிந்து  எல்லோரும் உலகில் பார்வையுடன் இருக்க என்னை மட்டும் இப்படி ஏன் படைத்தீர்  ஆண்டவரே என்று தொடர்ந்து மன்றாடி அழுது ஜெபிக்கும்போது தேவனின் கிரியை வெளிப்பட்டு அவருக்கு பார்வை வர அதன் மூலம் அநேகர் ஆண்டவரின் கிரியை அறிந்துகொள்ள வாய்ப்பிருக்கிறது!

ஆம்!

உலகில் பிறக்கும் எல்லா ஊனமுற்றவர்களும் தேவனின் கிரியையை  ருசி
பார்க்கவும், அதானால் அநேகர் தேவனை நோக்கி ஓடி வரவேண்டும் என்ற நோக்குடனே இறைவனால் படைக்கப்படுகின்றனர்!  ஆனால் இவர்களுடைய தாய் தகப்பனோ அல்லது அந்த ஊனமுற்றவர்களோ இறைவனை விடாப்பிடியாக தேடாமல் தன்னை படைத்தவரை நோக்கி விசுவாசத்தோடு அழுது மன்றாடாமல் விதி என்றெண்ணி விட்டுவிடுவதால் அனேக குருடுகள்  இன்றும் குணமாக்கப்படாமல் இருக்கின்றன!

விடாப்பிடியாக் தேடுபவர்களுக்கு ஏதாவது ஒரு வழியில் தேவன் நிச்சயம்
விடுதலை அளிப்பார்!

அனால் ஒருவரும்  அதீத  அக்கறையுடன் ஆண்டவரை  தேட்டாததாலேயே தேவனுடைய கிரியை வெளிப்படாமல் அனேக ஊனங்கள் இன்றும் குணமாகாமல் இருக்கிறதேயன்றி அதற்க்கு யார்  பாவமும் காரணம் அல்ல என்பதே விவிலியம் சொல்லும் விசேஷம் என்று கருதுகிறேன்!

http://groups.google.com/group/iraivan