kovaibereans

கிறிஸ்த்தவர்களுக்கு துன்பங்கள் பாடுகள் உண்டு என்றும, நாம் பரிசுத்தம்
அடைய தேவனே சில பாடுகளை நம் வாழ்வில் அனுமதிக்கிறார் என்பதன்
அடிப்படையில் எழுதப்படும் கருத்துக்கள் ஓரளவுக்கு சரியானதாக இருந்தாலும்
அதற்க்கு எந்த விதமான பாடுகள் என்று ஒரு எல்கை உண்டு!

ORRISSA வில் ஒரு கிறிஸ்த்தவ பெண்ணை நடு ரோட்டில் பலவந்தப்படுத்தும்
கயவர்களை தேவன் அனுமதித்து, சிறு குழந்தைகளை தீயிலிட்டு பொசுக்க
அனுமதித்து இது போன்ற பாடுகள் மூலம் நம்மை தேவனிடம் கிட்டி சேர வைப்பார் என்றும் அவர் ராஜ்யம் விரிவடையும் என்ற கருத்தும் என்னால் ஏற்றுக்கொள்ள முடியவில்லை!

இரட்சிக்கக்கூடாதடிக்குக் கர்த்தருடைய கை குறுகிப்போகவுமில்லை;
கேட்கக்கூடாதபடிக்கு அவருடைய செவி மந்தமாகவுமில்லை.(ஏசா 59:1)

மீட்கக்கூடாதபடிக்கு என் கரம் குறுகிற்றோ? விடுவிக்கிறதற்கு
என்னிடத்தில் பெலனில்லாற்போயிற்றோ? (ஏசா 50:2)

என்று ஆதங்கத்தோடு கேட்கும் தேவன் பட்சத்தில் இருந்து நான் சொல்ல
விரும்பும் சில வார்த்தைகளை இங்கு பதிக்கிறேன்!

கிறிஸ்த்தவர்களுக்கு மட்டுமல்ல உலகில் உள்ள அனேக மக்கள் துன்பங்கள்
துயரங்களால் வாடுகின்றனர் அவற்றுக்கு முக்கிய காரணம் என்ன?

காரணம் ஒன்றே ஒன்றுதான் அது பாவங்கள்.

உங்கள் அக்கிரமங்களே உங்களுக்கும் உங்கள் தேவனுக்கும் நடுவாகப் பிரிவினை
உண்டாக்குகிறது; உங்கள் பாவங்களே அவர் உங்களுக்குச் செவிகொடாதபடிக்கு
அவருடைய முகத்தை உங்களுக்கு மறைக்கிறது என்றும்

எனக்குக் கடன்கொடுத்த எவனுக்கு உங்களை நான் விற்றுப்போட்டேன்? இதோ,
உங்கள் அக்கிரமங்களினிமித்தம் நீங்கள் விற்கப்பட்டீர்கள்;
உங்கள் பாதகங்களினிமித்தம் உங்கள் தாய் அனுப்பிவிடப்பட்டாள்.


என்று அக்கலாய்க்கும் அன்பு தேவனின் குரலே அதற்க்கு சாட்சி!

ஆம்! நமது பாவங்கள் அவர் முகத்தை நமக்கு மறைக்கிறது நாம் எவ்வளவு சத்தம் போட்டு கூப்பிட்டாலும் அந்த சந்தம் அவர் சமூகத்தில் போய் எட்டாமல்
தடுக்கிறது!

பாடுகளில் இரண்டு வகை உண்டு ஓன்று நம்மில் விசுவாசத்தை வளர்க்கும்
பாடுகள் இன்னொன்று நம் பாவத்தின்மித்தம் நமக்கு வரும் தண்டனைகள் இதில்
எந்த வகை பாடுகளுக்கும் தேவன் பொறுப்பாளி அல்ல அவர் யாரையும் பாடுகளுக்கு உட்படுத்தி பார்க்க விரும்புபவர் அல்ல என்பதை கீழ் கண்ட வசனம் தெளிவாக சொல்கிறது:


சோதிக்கப்டுகிற எவனும், நான் தேவனால் சோதிக்கப்படுகிறேன் என்று
சொல்லாதிருப்பானாக; தேவன் பொல்லாங்கினால் சோதிக்கப்படுகிறவரல்ல,
ஒருவனையும் அவர் சோதிக்கிறவருமல்ல. அவனவன் தன்தன் சுய இச்சையினாலே இழுக்கப்பட்டு, சிக்குண்டு, சோதிக்கப்படுகிறான். (யாக:


அன்பானவர்களே!
நம்முடைய மீறுதல்களினிமித்தம் அவர் காயப்பட்டு, நம்முடைய
அக்கிரமங்களினிமித்தம் அவர் நொறுக்கப்பட்டார்; நமக்குச் சமாதானத்தை
உண்டுபண்ணும் ஆக்கினை அவர்மேல் வந்தது;

என்ற வார்த்தைகளின் படி, பிறரின் பாவங்களுக்காக தன்னை கிழிக்க கொடுத்து
நமக்காக தண்டனையை அனுபவித்தவர் ஆண்டவராகிய இயேசு ஒருவரே!

அவரை அன்றி வேறு யாராக இருந்தாலும் சரி அவர்கள் படும் பாடுகளுக்கும்
துன்பங்களுக்கும் அவர்களே பொறுப்பாளி! தேவன் அல்ல!
RAAJ
http://groups.google.com/group/iraivan