kovaibereans

பவுலின் வார்த்தைகளை சுட்டிகாட்டி நியாயபிரமாணம் தேவையில்லை என்று
வாதிடும் அன்பு சகோதரரே!   பவுல் எழுதியுள்ள கீழ்க்கண்ட வசனத்தை
பாருங்கள்

I கொரிந்தியர் 6:9 அநியாயக்காரர் தேவனுடைய ராஜ்யத்தைச்
சுதந்தரிப்பதில்லையென்று அறியீர்களா? வஞ்சிக்கப்படாதிருங்கள்;
வேசிமார்க்கத்தாரும், விக்கிரகாராதனைக்காரரும், விபசாரக்காரரும்,
சுயபுணர்ச்சிக்காரரும், ஆண்புணர்ச்சிக்காரரும்,
10. திருடரும், பொருளாசைக்காரரும், வெறியரும், உதாசினரும்,
கொள்ளைக்காரரும் தேவனுடைய ராஜ்யத்தைச் சுதந்தரிப்பதில்லை

இங்கு தேவனுடைய ராஜ்யத்தை சுதந்தரிக்க தகுதியற்றவர்களாக செய்யும்
பாவபட்டியலில் சொல்லப்படும் பல பாவசெயல்கள் நியாபிரமாணத்தில் இருந்து
வந்ததுதான். இதை கொரிந்தியருக்கு மட்டும்தான் எழுதினார் என்று
கூறப்போகிறீர்களா அல்லது உங்களுக்கும் உண்டா? ஒவ்வொரு நிரூபமும்
இன்னாருக்கு இன்னாருக்கு என்று குறிப்பிடப்பட்டுள்ளது

1. இயேசுகிறிஸ்துவின் ஊழியக்காரராகிய பவுலும் தீமோத்தேயும், பிலிப்பி
பட்டணத்தில் கிறிஸ்து இயேசுவுக்குள்ளான பரிசுத்தவான்கள் அனைவருக்கும்,
கண்காணிகளுக்கும், உதவிக்காரருக்கும் எழுதுகிறதாவது:

1. தேவனுடைய சித்தத்தினாலே இயேசுகிறிஸ்துவினுடைய அப்போஸ்தலனாகிய
பவுல், எபேசுவிலே கிறிஸ்து இயேசுவுக்குள் விசுவாசிகளாயிருக்கிற
பரிசுத்தவான்களுக்கு எழுதுகிறதாவது:

இதெல்லாம் அந்தந்த பட்டணத்தில் உள்ளவர்களுக்கு மட்டும்தான்
எழுதப்பட்டதா?

பவுல் கூறும் நியாயபிரமாணம் ஒழிந்தது என்ற கருத்து பலியிடுதல் ஆசாரிப்பு
கூடாரம் அமைத்தலை பற்றியதை மட்டுமே மற்றபடி எந்த கட்டளைகளையோ
நீதிநியாயங்களையோ அவர் ஒதுக்கவில்லை. பவுல் சரியாகத்தான் எழுதியுள்ளார்!
ஆனால்  பாவத்தை விட்டொழிக்க மனதில்லாத  மனிதர்கள் அவர் வசனங்கள
தங்களுக்கு ஏற்றார்போல புரட்டி  சொல்லும் சாக்குபோக்குதான் தேவனுடைய
கற்பனைகள் வேண்டாம் என்று தள்ளுவது.

ஓசியா 8:12 என் வேதத்தின் மகத்துவங்களை அவர்களுக்கு எழுதிக்கொடுத்தேன்;
அவைகளை அந்நியகாரியமாக எண்ணினார்கள்.
மல்கியா 2:9 நீங்கள் என் வழிகளைக் கைக்கொள்ளாமல் வேதத்தைக்குறித்துப்
பட்சபாதம் பண்ணினபடியினால் நானும் உங்களை எல்லா ஜனத்துக்கு முன்பாகவும் அற்பரும் நீசருமாக்கினேன்.

என்று கர்த்தர் புலம்புவது, வேதத்தை கைகொள்ளாமல் அதைவிட்டு விலகும்
மனிதர்களை பார்த்துதான்.

கர்த்தரின் வாத்தையையும் தள்ளுகிறீர்கள் இயேசுவின் வார்த்தைகளையும்
தள்ளுகிறீர்கள் அது எங்களுக்கு சொல்லவில்ல என்கிறீர்கள் நல்லது!
நிரூபமும் உங்களுக்கு அல்ல, அது அந்தந்த சபைக்கு எழுதப்பட்டது அதைமட்டும்
ஏன் உங்களுக்கு என்று எடுத்துகோள்கிறீர்கள்?

ரோமர் 6:14 நீங்கள் நியாயப்பிரமாணத்திற்குக் கீழ்ப்பட்டிராமல் கிருபைக்குக் கீழ்ப்பட்டிருக்கிறபடியால், பாவம் உங்களை மேற்கொள்ளமாட்டாது.

சகோதரரே, நான் நியாயபிரமாணத்துக்கு கீழிராமல் கிருபைக்கு கீழ் இருப்பதால் ஒரு கட்டளையில் தவறினாலும் அந்த பாவம் என்னை மேற்கொள்ள முடியாது!  

ஆனால்
ரோமர் 6:15 இதினால் என்ன? நாம் நியாயப்பிரமாணத்திற்குக் கீழ்ப்பட்டிராமல் கிருபைக்குக் கீழ்ப்பட்டிருக்கிறபடியால் பாவஞ்செய்யலாமா? கூடாதே.

என்றும் பவுல் கூறுகிறார் அத்தோடு

எபிரெயர் 10:26 சத்தியத்தை அறியும் அறிவை அடைந்தபின்பு நாம் மனப்பூர்வமாய்ப் பாவஞ்செய்கிறவர்களாயிருந்தால், பாவங்களினிமித்தம் செலுத்தத்தக்க வேறொருபலி இனியிராமல்,

அதாவது நாம் இயேசுவை விசுவாசித்து சத்தியத்தை அறிந்தபிறகு மனபூர்வமாக பாவம் செய்தால் அங்கு செலுத்த வேறொரு பலி இல்லை எனவே அறிந்து பாவம் செய்வது கூடாது

பாவம் என்றால் என்ன?

பாவம் இன்னதென்று நியாயப்பிரமாணத்தினால் நான் அறிந்தேனேயன்றி மற்றப்படி அறியவில்லை;

I யோவான் 3:4 பாவஞ்செய்கிற எவனும் நியாயப்பிரமாணத்தை மீறுகிறான்; நியாயப்பிரமாணத்தை மீறுகிறதே பாவம்.
 
எனவே மனதார தெரிந்து பாவம் எதுவென்று சொல்லும் நியாயபிரமாணத்தை மீறினால் அது நிச்சயம் குற்றம்.

என்னை பொறுத்தவரை என் மனதுக்கு தெரிந்து துணிந்து எந்த கட்டளையையும் மீறுவதில்லை.

soulsolution wrote:

---

மீண்டும் கேட்கிறேன். ஆம், இல்லை என்று மட்டும் பதில் சொல்லுங்கள். நீங்கள் நியாயப்பிரமாணம் முழுவதையும் கைக்கொள்ளுகிறீர்களா? ஆம், அல்லது இல்லை என்றுமட்டும் கூறவும். வேறெந்த பதிலும் அநாவசியம்.

 

-- Edited by soulsolution on Friday 6th of November 2009 05:53:38 PM

---

மேலே வசன ஆதாரத்துடன் தெளிவான விளக்கம் கொடுத்த பிறகும் "ஆம்" "இல்லை" என்று மட்டும் சொல்லுங்கள் என்று கேட்டால் அதற்க்கு என்ன பதில் சொல்ல முடியும்?  இங்கு வாதிடுவது எல்லாமே எனக்கு அனாவாஸ்யம் போலத்தான் தெரிகிறது.

நான் கொடுத்திருக்கும் விளக்கத்தில்  என்ன தவறு என்பதை மட்டும் வசன ஆதாரத்துடன் விளக்குங்கள்.

ஒருவரும் வெறும் நியாயபிரமாணத்தை மட்டும் வைத்து கிறிஸ்த்துவின் இரத்தம் இல்லாமல் நீதிமானாக முடியாது!  என்றுதான் வசனம் சொல்கிறதே தவிர, நீங்கள் புரிந்திருப்பதுபோல் கிறிஸ்த்துவை ஏற்றுக்கொண்டால்  எந்த கர்ப்பனையையும் கைகொள்ளவேண்டிய தேவையில்லை என்ற கருத்தில் வசனம் சொல்லப்படவில்லை. அப்படியென்றால் பவுல் "விபச்சரகாரன் தேவனுடய ராஜ்யத்தில் பிரவேசிப்பதில்லை" என்று கூறமாட்டார். ஏனெனில் விபச்சாரம் பாவம் என்று நியயபிரமானம்தான் சொல்கிறது. 

நான் கிறிஸ்த்துவின் இரத்தத்தால் நீதிமானாக்கப்பட்டேன், பெற்ற நீதியை பேணி காக்கவும், 

எபிரெயர் 10:26 சத்தியத்தை அறியும் அறிவை அடைந்தபின்பு நாம் மனப்பூர்வமாய்ப் பாவஞ்செய்கிறவர்களாயிருந்தால், பாவங்களினிமித்தம் செலுத்தத்தக்க வேறொருபலி இல்லாத காரணத்தாலும்

II பேதுரு 2:20 கர்த்தரும் இரட்சகருமாயிருக்கிற இயேசுகிறிஸ்துவை அறிகிற அறிவினாலே உலகத்தின் அசுத்தங்களுக்குத் தப்பினவர்கள் மறுபடியும் அவைகளால் சிக்கிக்கொண்டு ஜெயிக்கப்பட்டால், அவர்களுடைய பின்னிலைமை முன்னிலைமையிலும் கேடுள்ளதாயிருக்கும்.

என்றும் வேதம் எச்சரிப்பதாலும் இனி பழைய பாவங்களை செய்யகூடாது என்று அறிந்துகொண்டேன்.

பாவம் எதுவென்று நியாயபிரமாணம் சொல்வதால் அதை நான் கைக்கொண்டு, பெற்ற நீதியில் நிலைத்திருக்கு விரும்புகிறேன். ஒருவேளை நான்
நியாயபிரமாணத்தை மீறி ஒரு சிறிய தவறு செய்துவிட்டாலும் நான் கிருபைக்கு கீழ்பட்டுஇருப்பதால் அந்த தவறு என்னை ஒன்றும் செய்ய முடியாது. 

புதிய உடன்படிக்கை என்றால்  என்னவென்று அதைத்தான் வேதம் சொல்கிறது

31. இதோ, நாட்கள் வருமென்று கர்த்தர் சொல்லுகிறார், அப்பொழுது இஸ்ரவேல் குடும்பத்தோடும் யூதா குடும்பத்தோடும் புது உடன்படிக்கை பண்ணுவேன்.
நான் என் நியாயப்பிரமாணத்தை அவர்கள் உள்ளத்திலே வைத்து, அதை அவர்கள் இருதயத்திலே எழுதி, நான் அவர்கள் தேவனாயிருப்பேன், அவர்கள் என் ஜனமாயிருப்பார்கள் என்று கர்த்தர் சொல்லுகிறார்.

27. உங்கள் உள்ளத்திலே என் ஆவியை வைத்து, உங்களை என் கட்டளைகளில் நடக்கவும் என் நியாயங்களைக் கைக்கொள்ளவும் அவைகளின்படி செய்யவும்பண்ணுவேன்.

மற்றபடி புதிய உடன்படிக்கை என்பது இயேசுவை ஏற்றுக்கொண்டால் நியாயம்  என்னவென்று சொல்லும் தேவனின் கட்டளைகள், நீதிநியாயங்களை மீறுவதற்கு கிடைத்த லைசென்ஸ் என்று நீங்கள் கருதினால் அதற்க்கு தேவன் பொறுப்பல்ல!
  

மீண்டும் மழுப்புகிறீர்கள். ஆம் அல்லது இல்லை என்று ஒரேவரியில் பதில் சொல்லலாமே. தைரியம் இருந்தால்...