kovaibereans

செஸ் விளையாட்டு அறிவுடன் தேவ வார்த்தைகளை அறியும் அறிவை ஒப்பிடுவது சரியல்ல என்றே நான் கருதுகிறேன்.

எல்லா மனிதர்களுக்கும் சுய அறிவும் என்னும் பகுத்தறிவு ஓன்று உள்ளது. நமது அறிவை வைத்து தொடர்ந்து ஒற்றை யோசித்து அதன்படி முடிவெடுத்து செயல்படும் நிலை ஓன்று உள்ளது அதுதான் செஸ் விளையாட்டில் பொருந்தும். அங்கு "நீ இப்படி காயை நகர்த்து" என்று யாரும் போதிப்பது கிடையாது. ஒரு முறை நகர்த்தி தவறு நேர்ந்தால் இன்னொருமுறை அறிவை பயன்படுத்தி சரியாக நகர்த்த முயற்சிக்கலாம்.  

ஆனால் இங்கு தேவனின் வார்த்தைகள் அப்படிபட்டதல்ல.

தங்களின் உதாரணத்தின் மூலமே,  செஸ் விளையாட்டு போல நீங்கள் உங்கள் அறிவால வேதத்தை ஆராய முற்ப்படுகிறீர்கள் என்பது என்னால் அறிய முடிகிறது

வேதம் மிக தெளிவாக, தேவன் அனுப்பும் ஒருவர் உங்களுக்கு "போதித்து.......... நினைப்பூட்டுவார்"  என்று சொல்கிறது. அப்படியிருக்கு மனித ஆவியால் அறிவால் வேதத்தை ஆராய்ந்து நிதானிப்பது சரியான கருத்தை தராது என்றே நான் கருதுகிறேன்.

"தேவன் வெளிச்சம் உண்டாக கடவது என்றார் வெளிச்சம் உண்டாயிற்று" சூரியன் சந்திரன் எல்லாம் படைக்கும் முன்னே எந்த சோர்ஸ்ஸும் இல்லாமல் வெளிச்சம் உண்டாயிற்று. அதன் பின் சூரியன் படைக்கப்பட்டது.

நம் அறிவை வைத்து பார்க்கும் போது சூரியன் வருவதால்தான் வெளிச்சம் வருகிறது போல் தெரிகிறது.  சூரியன் இல்லாத வெளிச்சத்தை அறிவியலால் நம்ப முடியாது. அதுபோல் அறிவுக்கு எட்டியதெல்லாம் தேவனின் வழிப்படி உண்மையல்ல. அதனுள் இருக்கும் ஆழங்களை ஆண்டவர் ஒருவருக்குள் வந்து வெளிப்படுத்தினால் மட்டுமே அறியமுடியும் என்று நான் கருதுகிறேன்.

நம் அறிவை வைத்தும் தொடர்ந்து தியானித்தும் ஒரு வசனத்துக்கான பொருளை அறிய முடியும். ஆனால் அது எத்தனை சதவீதம் உண்மை என்பது யாருக்கும் தெரியாது.

ஒரு பத்தாம் வகுப்பு படிக்கும் மாணவனுக்கு பாடங்களை போதித்து உணர்த்த ஒரு வாத்தியார் இருப்பது போல, நமக்கு அருளப்பட்ட மிகப்பெரிய வேத புத்தகத்தை போதித்து உணர்த்துவதற்கு ஆவியானவர் என்னும் ஆள்தத்துவம் உள்ள ஒரு ஆசான் அனுப்பப்பட்டார்! அவரே ஆவியானவர்! தேவஆவியின் ஒரு பகுதியான அவர், ஒரு மனிதனை போல நம்முள் வந்து பேசி வேதத்தை விவரித்து உணர்த்த முடியும். அவரை அறியாதவர்கள் அவரை உணர முடியாது.

பத்தாம் வகுப்பு புத்தகத்தை வாத்தியாரே இல்லாமலும் ஒருவர் படிக்க முடியும் ஆனால் அவர் அதை முழுமையாக பொருளுணர்ந்து படிப்பது கடினம்.

உலக புத்தகமே இப்படி புரிவதற்கு கடினமாக இருக்கும்போது ஆண்ட சராசரங்கள் அனைத்தையும் படைத்த ஆண்டவரின் வேதம் அவர் ஆவியானவரின் துணையின்றி, அறிவால் எவ்வளவுதான் ஆராய்ந்தாலும் அறிய முடியாது என்பதே எனது கருத்து!