kovaibereans

eras wrote:

---

அன்புள்ள சகோதரர் ராஜ் அவர்களே,
    

தெளிவான வசனங்கள் பல உண்டு. கலா. 3:24,25ஐ வாசித்து தியானித்து பாருங்கள். மேலும் பவுல் "உன்னிடத்தில் நீ அன்புகூருவது போலப் பிறனிடத்திலும் அன்பு குருவாயாக, என்கிற இந்த ஒரே வார்த்தையிலே நியாயப்பிரமாணம் முழுவதும் நிறைவேறும்" என்கிறார் கலா. 5:14ல். 



நியாயபிரமாணம் எதையுமே கைகொள்ள வேண்டிய தேவையில்லை என்றால் பவுல் "தகப்பனையும் தாயையும் கனம்பண்ண வேண்டும்" என்றும் "விபச்சாரன், வேசிகள்லன்" போன்றவர்  தேவனுடைய ராஜ்யக்த்தை சுதந்தரிக்க முடியாது என்று ஏன் கூறவேண்டும்?

கலாத்தியர் நிரூபத்தை எழுதிய பவுல்தான் விபச்சாரம் செய்யாதே, தகப்பனையும் தாயையும் கணம் பண்ணு என்றெல்லாம் சொல்கிறார் இவையெல்லாம் நியாயபிரமாணத்தில் உள்ளதுதானே?

நியாயபிரமாணம் முடிந்துவிட்டது தேவையில்லை என்றபிறகு திரும்ப ஏன் இதயெல்லாம் இங்கு கொண்டுவருகிறார்? இதெல்லாம் பவுலின் பிரமாணமா?

நியாயபிரமாணம் முடிந்துவிட்டது என்று பவுல் குறிப்பிட்டது பலியிடுதல் மற்றும் தேவாலயத்துக்கடுத்த பணிகளே தவிர தேவனின் கட்டளைகளை அல்ல.  என்பதே எனது கருத்து.  

சரி இப்பொழுது உன்னில் நீ அன்புகூருவதுபோல பிறரில் அன்புகூறு என்ற ஒரே கட்டளையில் நியாயபிரமாணம் முழுவதும் அடங்குமா என்று பார்க்கலாம்
 
"ஒருவர் மிகப்பெரிய நோயால் பாதிக்கப்பட்டு இறக்கும் தறுவாயில் உள்ளார். அவருக்கு உடனடியாக கொஞ்சம் பணம் தேவை. நம்மிடம் கேட்கிறார். ஆனால் நம்மிடம் அவ்வளவு பணம் இல்லை. நாம் அவரை நம்மை போல நேசித்து இரக்கப்பட்டு அலுவலக பணத்தை தெரியாமல் எடுத்து உதவி செய்தால் களவு செய்யாதிருப்பாயாக என்ற நியாயபிரமாணத்தை மீறிவிடுவோம.

"ஓய்வு நாளில் ஒருவர் உங்களை ஒரு வேலைக்கு அழைக்கிறார். அந்த வேலை அந்நாளில் முடியாவிட்டால் அவருக்கு மிகப்பெரிய இழப்பு ஏற்படும். இந்த சூழ்நிலையில் நம்மை போல அவரை நேசித்து அவருக்கு இழப்பு வராமல் இருக்க  வேலைக்கு போவோமேன்றால் "ஓய்வு நாளில் வேலை செய்யக்கூடாது" என்ற நியாயபிராமாண கட்டளையை மீறிவிடுவோம.

பிறன் மனைவியின் மீது ஒருவன் தகாத ஆசை வைத்து நீ இல்லை என்றால் நான்  தற்கொலை செய்வேன் என்று மிரட்டினால் அவனை தன்னை போல நேசித்து  அவனுக்கு இரக்கபட்டு அவன் ஆசையை பூர்த்தி செய்ய முற்படும்போது விபச்சாரம் செய்யாதே என்ற வார்த்தை மீறப்படும்.

இப்படிஇருக்க,  "உன்னை நேசிப்பதுபோல் பிறரை நேசி" என்ற கட்டளையில் நியாயபிரமாணம் முழுவதும் அடங்கும் என்ற கருத்து முரண்படுகிறதே!  .

bereans wrote:

---

 

சகோதரர் ராஜ் அவர்களே,

   நியாயப்பிரமானம் யூதர்களுக்கு கொடுக்கப்பட்டது அவர்களுக்கு அவர்களின் நிலையை (பாவ நிலையை) உணர்த்தவே. அந்த நியாயப்பிரமானத்தினால் பரலோக ஜீவன் இல்லை, அது அவர்களுக்கு வாக்கு கொடுக்கப்படவும் இல்லை. "என்னையன்றி ஒருவனும் பிதாவிடம் வரான்" என்றார் நம் மீட்பர். 


ஒருவன் என்னதான் கட்டளைகளையும் கற்பனைகளையும் கடைப்பிடித்து நியயாயமாக நடந்தாலும் இயேசுவின் இரத்தத்தினாலன்றி அவன் பிதாவினிடத்தில் பிரவேசிக்க முடியாது என்ற கருத்தை நானும் ஒத்துக்கொள்கிறேன்.
ஆனால்
இயேசுவின் இரத்தத்தால் கழுவப்பட்டபிறகு பொய், விபச்சாரம், திருட்டு போன்ற பாவங்களை பற்றி கவலைப்பட வேண்டியதில்லை, அது முடிந்துபோயிற்று என்ற கருத்து சரியாத்னதா?

 பாவ சேற்றில் புரண்டு அழுக்காக கிடந்த நம்மை தூக்கி சுத்தமாக கழுவி பரிசுத்தவானாக மாற்றினார் ஆனால் நான் மீண்டும் அதே சேற்றில் புரளாமல் இருக்கவேண்டியது நம்மேல் விழுந்த கடமை அல்லவா? ஆம்  என்றால் பாவம் செய்ய கூடாது அல்லவா? அந்த பாவம் எது என்று போதிப்பது பத்து கற்பனைகளே! அவைகள் வேண்டாம் என்றால் எப்படி பாவமின்றி ஒருவன் ஜீவிக்க முடியும்?
 

bereans wrote:
பவுல் இப்படி சொன்னது எல்லாம் சரியே. ஏனென்றால், பெற்றோரை கணம் பண்ணாதவன் நிச்சயமாக கிறிஸ்துவின் அன்பில் இல்லை என்பது நிச்சயம். அப்படியே மற்றவைகளும். நீங்கள் எதிர்ப்பார்ப்பது போல், பத்து கற்பணைகளை பின் பற்ற வேண்டும் என்றால் ஒய்வு நாளை நீங்கள் சனிக்கிழமை தான் அனுசரிக்கனும் (இதற்கு மட்டும் ஏதாவது விதிவிலக்கு உண்டோ!?).// 

தேவனுடைய வார்த்தை எங்காவது சனிக்கிழமை என்று கூறுகிறதா? உலகில் ஒருபுறம் சனியாக இருக்கும்போது இன்னொருபுறம் ஞாயிறுவாக இருக்கும் இந்நிலையில் எது உண்மையான்ச சனி என்று கண்டுபிடிப்பது கடினம் எனவேதான் தேவன்.

ஓய்வுநாளைப் பரிசுத்தமாய் ஆசரிக்க நினைப்பாயாக; 
ஆறுநாளும் நீ வேலைசெய்து, உன் கிரியைகளையெல்லாம் நடப்பிப்பாயாக; ஏழாம்நாளோ உன் தேவனாகிய கர்த்தருடைய ஓய்வுநாள்;

அதாவது எந்த ஆறுநாள் வேண்டுமானாலும் வேலை செய்யலாம் ஆனால் எலாவதுனால் ஓய்வுநாள் என்பதுதான் கட்டளை அதை நாங்கள் கைகொள்கிறோம். கிழமைகள் என்பது மனிதனால் உருவானவை.      

bereans wrote:
இப்பொழுது யாரிடத்தில் ஆடு மாடு மிருக ஜீவன் இருக்கிறது இச்சிக்கிறதற்கு?

ஆடுமாடுகள் கிராமத்தில்தான் இருக்கின்றன ஆனால் எல்லா இடங்களிலும் அடுத்தவன் மனைவிகள் இருக்கின்றனர் இச்சிப்பதற்கு! 


bereans wrote:
சகோதரரே, ஆக இந்த கற்பனைகளோ, மீதம் உள்ள கட்டளைகளோ, யூதர்களின் நிலையை அவர்களுக்கு உணர்த்தி அவர்களின் பாவ நிலையில் இருந்து விடுவிக்கவே இவைகள் கொடுக்கப்பட்டதே அன்றி, இதை கிறிஸ்தவர்களும் அப்படியே பின் பற்றும்படியாக இல்லை. இயேசு கிறிஸ்து வந்து எல்லாவற்றையும் அவரின் பலியின் மூலமாக "நிறைவு" (முடித்து) வைத்து விட்டார்.

தயவு செய்து திரும்ப திரும்ப நியாயபிரமாணம் யூதர்களுக்கு மட்டும்தான் என்று சொல்லவேண்டாம். யூதர்கள் கொலை செய்யக்கூடாது என்றால் நாமும் கொலை செய்ய கூடாது. அவர்கள் மட்டும்தான் பாவிகள் அல்ல எல்லோரும் பாவிகள்தான்  எல்லோருக்கும் ஒரே நியாயம்தான். இயேசு எங்காவது நான் இதை யூதர்களுக்கு மட்டும்தான் இதை சொல்கிறேன் என்று கூறியுள்ளாரா?  அல்லது  நான் மரித்து உயிர்த்த பிறகு யாரும் நியாயபிரமாணம் கைகொள்ளவேண்டிய தேவையில்ல  என்று போதித்துல்லாரா இவை எல்லாம் நமது மன நிர்ணயமே என்றே நான் கருதுகிறேன் 
    
"பரதேசிக்கும் சுதேசிக்கும் ஒரே நியாயம்" என்றுதான்  வேதம் போதிக்கிறது?

  
       

 

---

bereans wrote:

---

 

அன்புள்ள‌ ச‌கோத‌ர‌ர் ராஜ் அவ‌ர்க‌ளே,

யூத‌னுக்கு தான் கொடுக்க‌ப்ப‌ட்ட‌து என்று மீண்டும் மீண்டும் எழுதாதீர்க‌ள் என்கிறீர்க‌ளே, வாசியுங்க‌ள் ரோம‌ர் 3ம் அதிகார‌ம் குறிப்பாக‌ 1,2 வ‌ச‌ன‌ங்க‌ள். நியாய‌ப்பிர‌மான‌ம் தேவன் யாருக்கு யார் கொடுத்தார் என்று உள்ள‌து. தியானித்து ப‌தில் எழுதுங்க‌ள். ந‌ன்றி.

சகோதரர் அவர்களே நீங்கள் குறிப்பிட்ட வசனங்கள் இதோ!

இப்படியானால், யூதனுடைய மேன்மை என்ன? விருத்தசேதனத்தினாலே பிரயோஜனம் என்ன?
அது எவ்விதத்திலும் மிகுதியாயிருக்கிறது; தேவனுடைய வாக்கியங்கள் அவர்களிடத்தில் ஒப்புவிக்கப்பட்டது விசேஷித்த மேன்மையாமே.

இதில் தேவனுடைய வாக்கியங்கள் யூதர்களிடம் ஒப்படைக்கப்பட்டது என்றுதான் வார்த்தை சொல்கிறதேயன்றி யூதர்களுக்காக ஒப்படைக்கப்பட்டது என்று எப்படி பொருள் கொள்ளமுடியும்?

அப்படியானால்

புதிய வெளிப்படுத்தின விசேஷத்தை எழுதிய யோவான், மற்றும் நிரூபங்களை எழுதிய பவுல் எல்லோருமே யூதர்கள்தானே! ஆக மொத்தம் வேதம் முழுவதுமே யூதர்களிடம் தானே ஒப்படைக்கப்பட்டது!  இதில் சிலது நமக்கு சிலது யூதர்களுக்கு என்று யார் பிரித்து சொன்னது.

சகோதரரே,  இதில் அனேக  உண்மைகள் அடங்கியுள்ளது ஆனால் யாரும் அதைப்பற்றி அறிய விரும்புவது இல்லை. இப்படி ஒரு டாபபிக்கை எடுத்தாலே உடனே எதிர்ப்பும் மறுப்பும் வருகிறது ஏனெனில் அவர்களால் பாவத்தை விட்டு முழுவதும் வெளியில் வர முடியவில்லை.

பாவத்துக்காக இயேசு மரித்துவிட்டார் என்று சொல்லிக்கொண்டு துணிந்து பாவம் செய்யும், சாத்தனால் வஞ்சிக்கப்பட்ட கூட்டத்துக்கு "பொய் சொல்லாதே" "பிறன் மனைவிய இச்சிக்காதே"     போன்ற வார்த்த்தைகள் மிகவும் கசப்பை தருகிறது. எனவே அவர்கள் அதைப்பற்றி பேசவிரும்புவது இல்லை என்றே நான் கருதுகிறேன்!

சரி வேதாகமம் எந்த ஒரு காரியமானாலும் இரண்டுபேர் சாட்சியிநிமித்தமே  ஏற்றுக்கொள்ளப்படும் என்று உரைக்கிறது அதுபோல் கர்த்தரின் வசனம் ஓன்று ஜோடில்லாமல் இராது  வேதத்தில் உள்ள எல்லா காரியங்களுக்கும் ஒத்தகருத்து வேறொருவரால் கூறப்பட்டிருப்பதை பார்க்க முடியும் அப்படியிருக்க

பவுல் அவர்கள் சொல்லும் 

விசுவாசித்த எவனுக்கும் நீதி உண்டாகும்படியாகக் கிறிஸ்து நியாயப்பிரமாணத்தின் முடிவாயிருக்கிறார். (ரோமர் 10:4) என்ற கருத்து வேறு எந்த அப்போஸ்தலராலும் சொல்லப்படவில்லையே ஏன்?

மாறாக   
 
பட்சபாதமுள்ளவர்களாயிருப்பீர்களானால், பாவஞ்செய்து, மீறினவர்களென்று நியாயப்பிரமாணத்தால் தீர்க்கப்படுவீர்கள். (யாக் 2:9)

"பாவஞ்செய்கிற எவனும் நியாயப்பிரமாணத்தை மீறுகிறான்; நியாயப்பிரமாணத்தை மீறுகிறதே பாவம்" ( 1 யோவான் 3:4) .

என்றல்லவா கூறுகின்றனர். இங்கு முடிந்துபோன நியாயபிரமாணம் ஏன் வருகிறது?

அதாவது நியாயபிரமாணத்தை நான்காக பிரிக்கலாம்

1. பலியிடுதலுக்கடுத்த பிரமாணம்
2. ஆசாரிப்பு கூடாரத்துக்கடுத்த்த பிரமாணம்
3. கர்த்தரின் கட்டளைகள்
4. கர்த்தரின் நீதி நியாயங்கள்

இவற்றின் முதல் இரண்டும் இயேசுவின் மரணத்தின் மூலம் நிறைவு பெற்றது ஆனால் அடுத்த இரண்டும் என்றும் மாறாது மாற்றவும் முடியாது! ஏனெனில் திருடாதே என்றால் எல்லா காலத்திலும் திருடுவது  பாவம்தான். திருட்டு  செய்தவனை நீதிமன்றமே விட்டு வைப்பதிலேயே! அப்படியிருக்க  அதை கைகொள்ளவேண்டிய தேவையில்லை என்ற கருத்து வேதத்துக்கு புறம்பானது! அதுபோல்தான் எல்லா கட்டளைகளும் என்பதே எனது கருத்து!

 

 

 

 

---

chillsam wrote:

---

ராஜ் அவ‌ர்க‌ள் சொல்வ‌தே ச‌ரியென‌ நினைக்கிறேன்;
நான் சற்று எளிமையாக சொல்கிறேன்;
முன்பு க‌ட்ட‌ளைக‌ளை ம‌னித‌ன் சும‌ந்தான்,வருத்தப்பட்டான்;
இப்போது (இயேசுகிறிஸ்துவின் கிருபாவ‌ர‌த்தினால்..) அந்த‌ ம‌னித‌னை க‌ட்ட‌ளைக‌ள் சும‌க்கிற‌து.பாவ‌ச்சுமை நீங்கி இளைப்பாறுகிறான்.
 

தங்களில் புரிதலுக்கு நன்றி சில்சாம்!

---